¹ Dangu dina Sawulu ga gadi kaga muni dadisa ba kidishidu pashi mbi ga ba zuwa.Gilumbu gi moshi gendi fwumu wu banganga wu ba mabundu ² ya yena ga mu dingi miganda mina bi bahanina tswaa mu gwenda godila mu manzu ma bisambu mi bayuda gu bula di Damashi.Mbi bu gu gadi bwoona ba kidishidu bega ba bagala mbi loo ba bakedu yi fani gu ba gama yi ba needi gu Yelusalemi. ³ Ga gadi kaga mu ndjila yi gwenda gu bula di Damashi;dangu di gitshi guma pena-pena ye bula djieeni mu gi tulumugila,tsweemu yi gadugi gu yilu yitshi leema ye londi diandi yi mudjieedi. ⁴ Ga bwii mu manu,ya yena ga yugi ndaga muni gu mu yufula:"Sawulu,Sawulu mudiambu di kii wu ba tadisa pashi?" ⁵ Sawulu ga yufudi mbi:"Fwumu,ndji naa?"Ndi mbi:"mi Yesu,muudu wuna wu ba hega pashi. ⁶ Haa niamuga nda goda ye bula,yi ba gu gulela mapandi mana ma wu fani hanga.'' ⁷ Baadu bana bendaga ndjila yi moshi ye Sawulu,ba niamugi loo ba dadi pila yi gu yagula.Ba yuga ndaga muni yagula.Haa loo ba dala muudu. ⁸ Sawulu ga niamugi mu manu,haa dangu di ga gangudi misu mandi loo ga gadi ye pila yi gudala.Ba mugami mu mioogu,ba muneedi tii gu Damashi. ⁹ Bilumbu bidadu loo ga dalagagi,loo ga dia,loo ga nwaa kega. ¹⁰ Gu Damashi gu gadi ye mukidishidu djin diandi Ananiashi.Fwumu Yesu gitshi moniga gwedi ndi ga mu lendigi mbi:"Ananiashi.''ndi mbi:"mi ndoo Fwumu." ¹¹ Fwumu ga mu ledi mbi:"niamuga nda mu bala-bala dian di ba lendigaga mbi bala-bala di sungami.Ndawenda mu nzu yi muudu wu moshi djina diandi Yudashi,dinga muudu wu moshi wu tadishi djina diandi Sawulu,dangu di ga samba Gahungu, ¹² Sawulu ga dadi gu ndotshi muudu wu moshi djina diandi Ananiashi ga goda ye gu musaa mioogu mudiambu ga dala kega. ¹³ Ya yena Ananiashi ga yagudi mbi:"Fwumu baadu ba vula ba ndeshi mapandi mootsu ma mbi ga hangaga baadu bagu gu Yelusalemi. ¹⁴ Ba mbuda badibundu ba muhegi gi yega mu gwitsa gu bula dina mudiambu mu gu gama baadu bootsu bana ba sambaga.'' ¹⁵ Haa Fwumu ga mu ledi mbi:"nda,mudiambu geedi muudu wu yi zoodi mu gu yabisa djina diami gwedi baadu bana ba gondi bayuda,ba todila ba baa ye gwedi beeni Yishilela. ¹⁶ Mi beeni yi mu lela mapashi mana mootsu ma ga fani dala mudiambu ye mi. ¹⁷ Dangu di Ananiashi gendi goda mu nzu yina,ga shi Sawulu mioogu ga mu ledi mbi:"pengi wami Sawulu,muudu wu tumi Fwumu Yesu wuna wu yitshi moniga di witsa mu ndjila.Ga tumi mudiambu wu dala kega,mudiambu wu yala ye muhunga wu gedila.'' ¹⁸ Dangu diadina kaga,bima biega nga bihusu bi gadugi mu misu ma Sawulu.Ga yandigi gu dala,ga niamugi ya yena ba mubodigi. ¹⁹ Dangu di gadi di hwii ngolu dji vudugi mu luudu lwandi.Sawulu ga gadi bilumbu ga ndambu ba galaga gu Damashi. ²⁰ Kaga mu dangu djiadina ba yandigi gu longa mu manzu ma bisambu mi bayuda mbi Yesu geedi mwaana Gahungu. ²¹ Badu bootsu bana ba mu yugi ba yidugi ngolu.Ga yufudi mbi:"baadu bana ba sambaga Gahungu gu Yelusalemi mu djina di Yesu,loo mbi ndi wu badadisaga pashi?Loo gendi mudiambu di gu bagama ye gu ba needa gu misu di ba mbuda badibundu.'' ²² haa,Sawulu ga gumi ye gigesa gingi ga yagudi mbi Yesu geedi Mesiya.Ya yena ba yuda ba Damashi ba gumi gisagasaga loo ba yaba mbi kii ba fani gu mu lela. ²³ Gu ngoyi bilumbu ga kaga bayuda ba wagani mu gu zuwa Sawulu. ²⁴ Haa baadu bega ba yabishi Sawulu mbi piba ye mwini ba galaga muni mu gingila mu biafulu bi bula mudiambu di gu mu zuwaa. ²⁵ Haa gilumbu gi moshi mu piba balongugi bandi ba mu sendi ba muludushi ye londi di bibaga di bula ba mugulushi mu gisandji. ²⁶ Dangu di gumi Sawulu gu Yelusalemi,ga megi mu gwenda vugana ye ba kidishidu.Haa baa bootsu ba mu dinaga booma mudiambu loo ba yabaga mbi geedi mu kidishidu. ²⁷ Badinabashi gitshi mu sadisa,ga mu needi gwedi batumwa ga ba yabishi pila,Sawulu di ga dadi Fwumu Yesu mu ndjila,ga ba ledi kega pila Fwumu yi ga mu leshi nga pila yi longa Sawulu ye gi gesa mudjina di Yesu gu Damashi. ²⁸ Ya yena yandiga dangu dina Sawulu ga yandigi gu gala ye baa,gu luda ye baa,gu dia gu Yelusalemi.Ga longa ye gigesa mudjina dji Fwumu. ²⁹ Ga solulaga ye ga sagaga teembi ye bayuda bana ba yagulaga ndaga yi gedigi.Haa baadu banaba dinga pila yi gu mu zuwa. ³⁰ Dangu di ba pangi bega ba yugi mapandi ma banedi Sawulu gu bula di Sedadiya ya yena ba mudumishi gu bula di Tadishi. ³¹ Mudangu dina baadu ba dibundu ba Yudeya yiootsu,di Gadileya bootsu ye ba Samadiya bootsu ba djingaga mu gemba.Ya yena dibundu di gumi ngolu,baadu ba dibundu bi djidisaga Fwumu,ba gumi beengi mu di mbundu dina mu lu salusu lu muhunga lu Gahungu. ³² Piela gendi mu bihani biootsu,ya yena gilumbu gi moshi gendi dala ba kidishidu bana ba galaga gu bula di Lida. ³³ Gu gai muudu wu moshi djina diadi Eneyo,ga nimba ye londi di giandu gina gi hangi mamvula ginaana mudiambu ga gadi gigada. ³⁴ Piela ga mu ledi mbi:"eneyo,Yesu kidishidu wu gu gindishi niamuga gwoogu yidiga giandu giagu kaga mudangu diadina,Eneyo ga niamugi. ³⁵ Baadu bootsu ba gadi Ye Lida ye mu manu ma Saloni diedi ye kungudi(lepelu),bu ba mudadi,bwoona ba balumuni ma mbundu ma baa mudiambu di gu gumbula Fwumu Yesu. ³⁶ Ye bula di Yope di gadi ye mukidishidu wu moshi wu mukedu djina diandi diedi Tabada,mu gigedigi djina diandi "Dodipkashi"di songidila mbambi.Dangu diootsu ga hangaga kaga mapandi ma pimbu,ga zolaga gu sadisa ba tsugami. ³⁷ Mu bilumbu bina gikashi gi mu sendi,ga fwii.Dangu di ba muyebishi gu hwii,bendi gu musaa gu sugu di moshi yi gu yilu. ³⁸ Ba kidishidu bana ba gadi gu bula di Yope,dangu di ba yugi mbi Piela geedi ye bula di Lida dina djiedi pena-pena ye Yope,ga dumishi baadu boodi mu gwenda gu mu lela mbi:"du ba gu guwoondila witsa sepi-sepi dii gu bula di pidu. ³⁹ Piela gendi tswalu ye baa,dangu di ga gumi gunaba muneedi gu sugu dina.Bakedu bootsu ba mifwidi gu manana pena-pena yendi,ba dila,ba lesa bikudu ye du saga duna duga Dogashi dangu di ga gadi ye mooni. ⁴⁰ Haa Piela ga dushi baadu bootsu ye ndjil;a,ga fugamani,ya yena ga sambi Gahungu.Gu ngoyi ga balamuni mbunzu yandi gu gadi mvumbi ga yagudi mbi:"Tabita niamuga gwoogu!'',Tabita ga gangudi misu,ya yena dangu di gadi Piela ga niamugi ye giandu. ⁴¹ piela ga mu gami mu googu ga mu niamugishi.Ga ledi ba kedu ba mifwidi ye ba kidishidu bootsu,ya yena ga ba leshi Tabita,wu sendi kega mooni. ⁴² Mapandi mana ma yabagani gu Yope diootsu,baadu ba vula ba gumbudi Fwumu Yesu mu ma mbundu ma baa. ⁴³ Piela ga gadi bilumbu bingi gu Yope gu nzu yi muudu wu moshi wu hangaga mi ganda mi batshi djina diandi Shimoni.