¹ Sawulu kega bu ga gumbudi mbi ba muzuwa.Kaga kilumbu giagina ba yandigi gu dadisa beeni dibundu di Yelusalemi pashi.Ba kidishidu bootsu ba mwamugi mu proveshi di bayuda ye gu samadiya,kaga batumwa ba bagondi ba bendi. ² Baadu bega bana ba gadi ye mbundu yi nzambi,be dinga Etieni.ba mu didi ngolu. ³ Haa Sawulu ga hangi ngolu mudiambu ga zuwa dibundu.Ngenda goda nzu ye nzu mu gu dusaga ba kishidu ba bagala ye bakedu mu gu ba saa mu dangu mbada. ⁴ Baadu bana ba pasagani benda yabigisa tsangu dji pimbu ndambu ye ndambu. ⁵ Fidipi gendi gu bula dina di gu luda fwunu mu manu di samadiya. ⁶ Dangu diyugi Fidipi ye gudala mapandi ma guyiduga ma ga hanga,ba mu yugila pimbu-pimbu. ⁷ Mudiambu mi hunga mi mbi midugaga gwedi baadu ba vula ba kashi.Dangu di miduga,mi yagulaga mundaga yi ngolu.Baadu ba vula,ba gadi bigada ye bana ba gadi milu migifu,bu bagindi. ⁸ gieshi gi vula gi gadi gu bula dina. ⁹ Ye bula dieni gu gadi ye muudu wu moshi dina diandi Shimoni.Teegu ga gadi mweni baa kida,Beeni Samadiya ba yiduga mudiambu ye ndi.Ndi beeni wu di lesaga mbi geedi muudu wu moshi wu fwunu. ¹⁰ Baa bootsu shi ba geegi,shi ba mbuda,ba muyugila.Ba yagula mbi:"muudu wuu geedi ye ngolu dji Gahungu,ngolu djiana dji balendigaga ngolu dji neeni.'' ¹¹ Bu ba muyuga,mudiambu yandiga gu leya gahanga mapandi mandi ma gu yiduga ma bakida bandi. ¹² Haa dangu ba bagala ye bakedu di ba gumbudi mapandi ma Fidipi ma ga yagula,ba sendi mbodiga.Ga ba yabisa tsangu dji pimbu djina dji dadidi gifwumu gi Gahungu ye dji dadidi Yesu Kidishidu. ¹³ Shimoni ndi beeni bu ga gwigidi dangu di gasendi mbodiga,ga gala pena-pena ye Fidipi,ya yena dangu di gadi mapandi ma neeni ye ma gu yiduga ma hangi Fidipi,ga yidu ngolu. ¹⁴ Dangu di yugi batumwa bana ba galaga gu Yelusalemi mbi beeni Samadiyaba gumbudi tsangu dji Gahungu,ba dumishi Piela ye Yoani guna. ¹⁵ dangu di bagumi guna,ba tsabi Gahungu mudiambu ba senda muhunga wu Gahungu. ¹⁶ Mudiambu mu dangu dina muhunga wu Gahungu loo ga gulumugi tegu shi ye londi di muudu wu moshi mu kadi ga baa.Sendi mbodiga kaga mu djina di Fwumu Yesu. ¹⁷ Dangu di Piela ye Yoani ba si mioogu,ya yena yi ba sendi muhunga wu Gaungu. ¹⁸ Dangu Shimoni di ga dadi mbi ba kidishidu ba senda muhunga wu gedila dangu tumwa di ba basa mioogu,ga zola ga ba hega mbongu. ¹⁹ Ga ba ledi mbi:"pega ba ngolu djina mudiambu muudu wootsu wuna wu yitsa mioogu ga senda muhunga wu Gahungu. ²⁰ Piela ga mu leshi mbi:"faa gwoogu ye mbongu djiagu mudiambu wu ba yindula mbi wu fani senda ngolu dji Gahungu ye mbogu! ²¹ Loo wu fani goda mu gisalu gii mudiambu mbundu yagu loo wu mugiediga gu misu ma Gahungu. ²² Bwoona,wu fani balumuna mbundu,yambula manunga magu ma mbi.Mudiambu Fwumu Gahungu bu ga gu lolula mudiambu ye manunga magu ma wu sendi gu mbundu yagu. ²³ Mudiambu yi ba dala mbi mbundu yagu yeedi bululu,wu gangamani mu mishinga mi mapandi mambii. ²⁴ Ya yena Shimoni ga ledi Piela mbi:"tsambila Fwumu mudiambu shi mapandi ma moshi ma mbwilegu mu mapandi mana mootsu ma lu ba yagula. ²⁵ Dangu di ba yabishi baadu ye gu longa baadu tsangu dji pimbu dji Gahungu gu hwii,Piela ye Yoani ba vudugi gu Yelusalemi.Mu ndjila yi benda ba yabisagi tsangu dji pimbu mu ma bula mavula ma Samadiya. ²⁶ Wandjio wu Fwumu Gahungu ga ledi Fidipi mbi:''niamuga,nda gu ndambu yi siidi mu ndjila yina ba baduga gu Yelusalemi,yi ba gwenda gu bula di Gaza.''Baadu ba vula bendaga kega mu ndjila yina. ²⁷ Fidipi ga niamugi,ya yena gendi mu ndjila ga wanagani ye muudu wu moshi wu gifudi gi Etiyopiya.Muudu weeni ga gadi Tongu.Ga gadi ministre wu todila wu mukedu wu Etiyopiya.Muudu wuna ga gadi ye gi yega gi gugieba bima biootsu bi todila wuna.Gitshi gu Yelusalemi mudiambu ye gusamba Gahungu. ²⁸ Dangu di,ga gadi mu vuduga gu gifudi giandi.ga gadi wu shimugi ye londi di pusu-pusu dina di nedaga ba punda.Ga gadi muni danga muganda wu sonigi mbigudi Yezaya. ²⁹ Muhunga wu Gahungu ga ledi Fidipi mbi:"nda gala pena-pena ye pusu-pusu dina.'' ³⁰ Filipi gitshi pusa tiinu pena-pena ga yugi muudu wuna muni danga muganda wu sonigi mbigudi Yezaya.Ga mu yudi mbi:"wu ba yaba mapandi ma wu ba danga?" ³¹ Muudu wuna mbi:"kii pila yi fani yaba mbi loo gu tendudidi muudu?"Ga ledi Fidipi mbi:"yi zaa nina,wu gala pena-pena ye mi.'' ³² Mapandi ma gadanga mu muganda wu Gahungu ma maa:"ga gadi nga dimema dina di ba needa gu gihani gi ba zuwaga ma meema.Ga gadi nga mwana di meema dina di yagulaga gu twala yi muudu wuna wu gesaga miga;loo ga yagudi shi gima. ³³ Ba muvwedji,ba duni kega gu gesa mapandi pimbu.Kii muudu wu fani yabisa tsangu dji baadu bana ba budugi mu giganda giandi?Mudiambu baadu ba muzuwii,loo gedi kega yaa yelondi di gifudi.'' ³⁴ Muudu wuna wu giganda gi Fidipi mbi:"ndesa mbigudi ga ba yagula mapandi maa mudiambu di naa?Ga ba yagula mudiambu ye ndi beeni mbi loo mudiambu ye muudu weega?" ³⁵ Dangu di Fidipi ga yandigi gu yagula dangu di gadendula mapandi mana ma muganda wu Gahungu ga muyabishi kega tsangu dji pimbu dji Yesu. ³⁶ Dangu di bendi mu ndjila ba gumi ye mweetshi wu moshi,ya yena muudu weeni mbi:"dala,mweetshi kii mapandi ma kanga ndjila mu gu senda mbodiga?" ³⁷ Fidipi mbi:"mbi bu wu gwigidi mu mbundu yaagu yiootshu,wu fani senda mbodiga.''Muudu weeni mbi yi gwigidi mbi Yesu kidishidu geedi mwaana Gahungu. ³⁸ Muudu weeni ga gangi pusu-pusu ya yena baa boodi,Fidipi ye muudu wuna ba godi mu mwetshi Fidipi ga mu bodigi. ³⁹ Dangu di ba dugi gu mwetshi,muhunga wu Fwumu Gahungu ga gadudi Fidipi muudu wuna loo ga mu dadi kega,haa ga landi ndjila mu gieshi giootsu. ⁴⁰ Fidipi gendi moniga gu bula di Azoti,genda yabisa tsangu dji pimbu mu mabula mootsu ma genda luda tii gwoona gu ga gumi gu bula di Sezadiya.