¹ Fwumu ba mbuda ba dibundu ba yufudi Etieni mbi:"mapandi maa meedi ma mukiediga?" Etieni ga ba vududidi mbi:''bapangi ² ye ba dada baami nzu yi Gahungu ga monigi gwedi Abalayamu kaga wu pidu dangu di ga gadi gu gifudi yi Mezopotani,ga gadi goonda gwe dinga gu bula di Arani. ³ Gahungu ga muledi mbi:"gaduga mu gifudi giaagu,ye nzu yagu,nda gu gifudi gi yibagu lela. ⁴ Bwoona Abalayamu ga gadugi gu gifudi gi baadu ba Gadileya.Gendi dinga gu bula Arani.Gu ngoyi lufwa lu dada wandi Gahungu lu mu needi gu gifudi gii gi lu badinga. ⁵ Haa loo ga muhegi manu yegifudi gii shi gihani gi gafani saa gulu di moshi.haa ga hegi Abalayamu lushilu mbi ga muhega manu ye gwedi bana ba sala buduga mu gisanda giandi,haa Abalayamu loo ga gadi ye baana mu dangu dina. ⁶ Gahungu ga yagudi bwoobu:"baadu bana ba sala buduga mu giganda,badjinga mu gifudi gi ginzendji ba giduga ba higa,ba badadisa pashi ma mvula kama djiya. ⁷ Haa,yi hana ndola gwedi bana ba sadilaga.Gu ngoyi ba gaduga mu gifudi gina ba gwitsa samba ye gihani gii. ⁸ Bwoona Gahungu ga wagani ye Abalayamu gidimbu gina gi ba lesa guwagana gieni giagi:"ba fani hanga ba bagala mukanda,haa dangu di Abalayamu ga budi Yisagi,ga mugeshi mukanda.Gu ngoyi bilumbu bi ntsambwadi Yizagi ga hani bwoobu gwedi Yagobu,bwoona kega Yagobu bu ga hangi gwedi ba kaga ba pidu,ba kaga bana gumi ye boodi dangu di baana. ⁹ Ba kaga bana ba yugaga Yizefu tsooni.Ba mudegi mudiambu di gwenda gala muhiga gu Egipiti,haa ga gadi ye ndi. ¹⁰ Ga mu gadudi mu mapashi mandi mootsu.Ga muhegi mayela ye mabanza ma pimbu mupila mbi:Todila wu neeni wu Egipiti ga mu zola.Todila ga mushi guvedinela wu Egipiti ye wu nzu yiandi yootsu. ¹¹ Nzala yi ngolu yi godi gu Egipiti ye gu gifudi gi Kanaa yiootsu pashi dji neeni dji goodi bakaga ba pidu loo ba gadi ye madia. ¹² Haa dangu di yugi Yagobu mbi gu dia loo gwedi Egipiti.Ga dumishi ba kaga ba pidu guna mu mbala yi teegu. ¹³ Mu mbala yi zoodi Yizefu ga di leshi gwedi ba pangi bandi,mu gu muyaba.Ya yena todila ga yambi giganda gi Yizefu. ¹⁴ Bwoona Yizefu ga lendigi Dada wandi Yagobu ye giganda giandi giootsu.Ba gadi baadu magumi mantsambanu ye dji danu. ¹⁵ Bwoona Yagobu gendi gu Egipiti ndi ye ba kaga ba pidu,gega ba fwi guna. ¹⁶ Ba mvumbi ba baa gu bula sishemi. ¹⁷ Haa gilumbu gina Gahungu gi galusa lushilu lu gashidi gwedi Abalayamu,dangu di yitshi pena-pena.Talu yi baadu ba pidu di yitshi yi vula gu Egipiti. ¹⁸ Bwoona Todila wega ga yandigi gu yala gu Egipiti.loo ga yabi Yzefu. ¹⁹ Ga hwuni baadu ba pidu,ndi kega ga dadishi bakaga ba pidu pashi.Ga ba leshi mu gu shisa baana ba baa ba bagagi ye ndjila mudiambu ba bazuwaa. ²⁰ Mu dangu dia dina Mososhi ga budugi.ga gadi mwaana wu pimbu gu misu ma Gahungu.Ba musashi ba ngondi ba dadu mu nzu dada wandi. ²¹ Dangu di ba mu shishi ye ndjila mwana mukedu wu moshi wu Todila wu Egipiti ga musendi,ya yena gendi gu mutsatsa nga mwaana wandi beeni. ²² Ba longi Mososhi mayela mootsu ma baadu ba Egipiti.ga gumi muudu wu ngolu mu gu yala mapandi ye mu gu yala bisalu. ²³ Dangu di lungishi Mososhi ma mvula gumi ye miya,ngindu dji mu yitshidi mu gwe dala ba pangi bandi gu Yishilela. ²⁴ Ga dadi mweni Egipiti muni niogula mweni Yishilela pashi,ya yena ga zuwii mweni Egipiti mudiambu di gu muvudila mbi. ²⁵ Mososhi ga yaba mbi ba pangi bandi ba Yishiledi ba yaba mbi Gahungu ga mu dumishi mudiambu di gu bagadula mu pashi.Haa loo ba yabi. ²⁶ Mu gi lumbu gi landi Mososhi ga dadi baadu boodi ba Yishilela muni nwana.Ga zola mbi ba wanagana.Ga ba ledi mbi:dalani lwedi ba pangi shi;mudiambu di kii lu bahanga mbi? ²⁷ Haa muudu wuna wu hanga pangi wandi mbi ga pushi Mososhi gu ngoyi,ya yena ga mu leshi mbi:naa wu gu shi fwumu mudiambu di gu sambisa? ²⁸ Wu ba zola wu nzuwa nga bwoona bu zuwi mweni Egipiti mayoni. ²⁹ Dangu di ga yugi mapandi mana,Mososhi ga dini.Bwoona ge djinga gu gifudi gi Madiani.Ga budi baana boodi ba bagala guna. ³⁰ Gu ngoyi mamvula ma gumi maya,wandjio gitshi moniga gwedi ndi mu kadi ga segi pena-pena ye mundonda wu shinayi.Wandjio weeni ga gadi mu gongolu di mbaa mu ga mudi ga moshi ga lema. ³¹ Mososhi ga yidugi mudiambu ye mapandi mana ma gadadi.Dangu di genda pena-pena di gu dudala,ga yugi ndaga yi Fwumu Gahungu muni yagula mbi: ³² "Yedi Gahungu gaba kega bagu,Abalayamu,Yisagi,ye Yagobu.''Mososhi ga yandigi gu degida,loo ga dala pila yi gudala. ³³ Ya yena Fwumu Gahungu ga mu ledi mbi:"gadula ma sandadi maagu,mudiambu gi hani gi giwu niamugi giedi manu ma sandu. ³⁴ Mu gi gidi,yi dadi kii pila ba dadisa baadu bami pashi gu Egipiti.Yi yugi gu dila gu ba badila mudiambu ye pashi.Yi bagwitsa gulumuga mudiambu di gu ba gadula mu pashi.Yiza yi ba gu duma gu Egipiti. ³⁵ Shi beeni Ishilela bu baduni Mososhi mudangu di ba muleshi mbi:na wu gu shi Fwumu mudiambu ye gu du sambisa?''Haa mu lusalusu lu wandjio wuna wu yitshi mu monigila mu gamudi.Gahungu,Mososhi mu gwenda gala Fwumu ye muhulushi. ³⁶ Mososhi muudu wu duushi baana ba Yilela gu Egipiti.Ga hangi mapandi ma gu yiduga gu Egipiti mu mwetshi wu neeni wu benga ye mu manu ma maganga ma mvula gumi ye maya. ³⁷ Ndi Mososhi ga leshi kega baadu ba Yishilela mbi:"Gahungu ga lu dumisa mbigudi wandi nga mi mu kadi ga bapangi ba binu. ³⁸ Ndi wu gadi mu gimvuga ye baadu ba yishilela dangu di ba wanagani mu manu mapidu,gi hani gi moshi ye wandjio wuna wu muledi ye londi di mundonda wu Shinayi.Ga sendi tsangu di mooni mudiambu di gu du haga. ³⁹ Haa bakaga ba pidu loo bazolaga gu mulemvugila.Bu ba muduni ba zola kega vuduga gu Egipiti. ⁴⁰ Ba leshi Adioni mbi:"du hangila duhungu duna du bidegi duna du gwenda bia gu twala.Mudiambu Mososhi wuna wu du dushi gifudi di Egipiti,loo du ba yaba mbi kii mapandi ma mubwidi. ⁴¹ Bwoona,ba hangi gidegi gi moshi ga mwaana ngombi.ba yandigi gu hana magabu gwedi gidegi gina,ba hangi fedi mudiambu di gu gumbisa gima gina gi ba hangi ba beeni. ⁴² Haa Gahungu loo ga ba dadi kega,ga ba yambudi mu gu samba miooda,nga bwoobu ga basonigi mu muganda wu ba mbigudi mbi:"mbi buni,binu beeni Yishilela.Magabu mana ma meengi ye magabu mega lu pega mi.Dangu di lu gadi ma mvula magumi maya mu manu ma maganga? ⁴³ Loo,haa lu nedaga ga nzu ga gahungu moleki.Ye gifanisu gi gahungu wu binu Refani.Lu hangi bidegi bina mudiambu lu bisambaga.Bwoona yi lu gadula yi lu neda gu leeya mu gifudi gi ba bilona. ⁴⁴ Ba kaga ba pidu mu manu ma maganga,ba gadi ye ganzu ga tenda gena ga lesaga mbi Gahungu geedi ye baa.Ba hangi Gahungu bu ga leshi Mososhi,ga landi nga pila yi ga daadi. ⁴⁵ Bakaga ba pidu ba shishi gwedi bakaga ba pidu bega bana ba landa.Bakaga ba pidu bana ba nedaga dangu di sendi gifudi gi baadu bana ba tsagadi Gahungu gu twala yi baa.Mudangu di ba kodishi mu gifudi gina,Josuwe ga gadi fwumu wu baa.Ba giebaga tii mu dangu di gwitsa Todila Davidi. ⁴⁶ Gahungu ga Yagobu ga zolaga Davidi,ya yena Davidi ga mu dingi tswaa mu gu mudungila nzu. ⁴⁷ Haa Salomoni muudu wu du ngishi nzu mudiambu ye Gahungu. ⁴⁸ Haa Gahungu loo ga galaga mu nzu yina yi dungi baadu mu mioogu mi baa,nga bu yagui mbigudi mbi: ⁴⁹ "Yilu diedi gidi giami gi gifwumu,ye manu medi gima giami gi du ludilaga milu.kii nzu yi lu fani tungila?''Gu yagula gu Fwumu:''guni yi fani gwenda hululuga? ⁵⁰ Bima biootsu loo mbi mi hani?" ⁵¹ Haa,binu lwedi mudu gu guba.lwedi nga ba pani:manunga ma binu meedi ma ngolu,loo lu yugagagi ndaga yi Gahungu!Dangu diootsu lu dunaga muhunga wu Gahungu nga bakaga ba binu. ⁵² Mu kadi nga ba mbi gu dina bakaga ba binu ba gondi dadisa pashi?ba zuwii bana ba yabigisagi baadu mbi muudu wu moshi wu Gahungu bu ga gwitsa.Dangu di binu lu mudegi,lu mu zuwii. ⁵³ Binu baadu lu sendi matshigu mana ma Gahungu.ma ga dumishi gwedi ba wandjio mu gwitsa gu lu hega,haa binu loo lu daadi.'' ⁵⁴ Dangu baadu bana di ba yugi mapandi mana ba yugi gisegu.Ba ganga minu mibaa ngolu mudiambu ba yugidi Etieni kabu dji vula. ⁵⁵ Haa Etieni ga gadi wu gu yula ye muhunga wu Gahungu.Ga dadi gu yilu,ya yena gadadi lugumu lu Gahungu.Gadadi kega Yesu wu niamugi gu googu di gidada gi Gahungu. ⁵⁶ Etieni,ga yagudi mbi:''dala mi yi badala yilu di gangugi mwaana muudu wu niamugi gu googu di gidada gi Gahungu.'' ⁵⁷ Ya yena baadu ba yagudi mu ndaga yi ngolu,ba gangi matsu ma baa.ba bootsu bindi gu mu bwila mu gi mvuga. ⁵⁸ Ba mudashi mungolu ye bula,ya yena ba yandigi gu mu lumba madadi mudiambu di gu mu zuwa.Baadu bana ba mulumba madadi ba hani duzaga du baa gwedi mwaana wu moshi,djina diandi Sawulu. ⁵⁹ Dangu di ba balumba Etieni madadi ga sambidi:"Fwumu Yesu senda mooni wami.'' ⁶⁰ Ya yena ga fugamani,ga yagudi mu ndaga yi ngolu mbi:"Fwumu,loo gu danga masumu ma bahangi!"dangu di ga yagudi mapandi gu hwii ga fwii.