¹ Mu dangu dina talu yi ba kidishidu di du gadi muni guma ba vula.Bwoona ba yuda bana ba yagulaga ndaga yi gigregi,ba bogudaga gwingi mudiambu ba balesaga mbi:"bakedu bana ba mafwidi bedi yaa ye kadi ga pidu,binu loo lu basadisaga mu dangu di lu gabisaga madongu gootsu gilumbu. ² Balongugi bana gumi ye bioodi,ba lendigi ba kidishidu bootsu mu gimvuga gina.bwoona ba baledi mbi:"loo gwedi pimbu pidu mu yambula gisalu gi gulonga tsangu dji Gahungu mudiambu ye gu gabisaga madongu. ³ Bwoona,binu ba pangi solani ba bagala ba ntsambadi mu kadi ga binu bana beedi ye bifii bi pimbu ba fani gala baadu bana bana ba yuudi ye muhunga wu Gahungu.ba fani gala ye mayela ma vula.bwoona du saa mu gisalu gii. ⁴ Du saa ngolu mu gu samba Gahungu ye gu yabisa tsangu dji pimbu.'' ⁵ Baadu bootsu ba gimvuga gina ba gumbudi mabanza mana.Bwoona ba soodi Etieni,muudu wu moshi mu kadi wu yudi ye muhunga wu Gahungu ye lugwigilu luvula.Bwoona ba soodi kega Fulubi,proshori,Nikanori,Timoni,Padimenashi,ye Nikola,muudu wu Antioshi wu gidugi mu yuda. ⁶ Ba needi gu misu mi batumwa,ya yena ba tumwa ba sambi Gahungu gu hwii ba bashi mioogu. ⁷ Dangu di danga yi Gahungu pasagani mu ndambu ye ndambu,talu yi ba kidishidu yitshi yi vula gu yelusalemi.Banganga ba Gahungu bendi ba gumbudi lugwigilu luna. ⁸ Gahungu ga sagumuna Etieni gwingi,ya yena Etieni ga gumi ye ngolu dji vula.Gahungu mapandi maa guyiduga mu kadi ga baadu. ⁹ Haa gu gadi ye baadu bega ba galaga gi mvuga gi moshi gu nzu yi bisambu yi ba yuda.Bwoona yi ba lendiga nzu yi bisambu yi baadu ba gadugi mu gi higa.Baadu bega ba sagaga teembi ye Etieni,baadu bana ba gadugi bula Sireni ye gu bula di Alexandriya,baadu bega kega ba gadi ye baa,ba gadugi gu bula di Silisiya ye gu provensi di Asia. ¹⁰ Haa,loo ba nungi,mudiambu Etieni ga yagulaga ye mayela ma muhunga wu gedila ma ga muhegi. ¹¹ Bwoona,ba fudi mbongu gwedi baadu,mudiambu be yagula mbi:"bu du yugi mbi ga vwenza Mososhi ye Gahungu.'' ¹² Ba pushi baadu bega ye ba mbuda ba bayuda,ye ba longi batshigu.Bitshi gama Etieni,bwoona ba mu needi gu twala yi gimvuga gi neeni gi bayuda. ¹³ Ba dushi ba mbangi ba bupala wuna wu yagudi mbi:"muudu wuu ga vwendji kaga nzu yi bisambu yi pidu ye matshigu ma Mososhi. ¹⁴ Du mu yugi muni yagula mbi:"Yesu wuna,muudu wu Nazaledi bu gafwa,nzu yi bisambu yii,yi matshigu mana ma Mososhi ma gu dushidi,ga ma saa bwega kega.'' ¹⁵ Baadu bootsu bana ba gadi mu gimvuga gi neeni gi bayuda.Ba gadi kaga muni dala Etieni ngolu,ba dadi mbi mbunzu yandi nga mbunzu yi wandjio.