¹ Du yi tshi guma kega gu Dedibi,bwoona gu ngoyi gendi gu bula dina di Listre.Mu kidishidu wu moshi djina diandi Timode.ngu diandi ga gadi muyuda,wuna wu gidugi mukidishidu,dada wandi loo ga gadi muyuda. ² Ba pangi,bandi mbundu bagadi gu bula dina di balendigaga Listre ye Ikoniumi,ba yagula mapandi ma pimbu mudiambu diandi. ³ Wandjio wu djioodi ga lumbi mu nzadi mungu kabu yina yi gadi mubulu diandi mwetshi ga gumi nga meengi ma muudu wu fwii,bwoona bima bi mooni biootsu bina bi gadi mu nzadi mungu bi fwii. ⁴ Wandjio wu dadu ga lumbi mu manzadi ye tuu dji mwetshi kabu djina dji gadi mu bolu djiandi,bwoona manzadi ye ma tuu ma gumi meengi ye meengi. ⁵ Haa yi yugi wandjio wuna wu gadi ye giyega gi guyala mietshi,muni yagula mbi:"weedi muudu wu gedila,muudu wuna weedi ye muudu wuna wu gadi,wu geshi pandi pimbu! ⁶ Muhunga wu gedila ga ba ledi:"loo ba fani gwenda yagula mapandi ma Gahungu mu gidini gi Aziya,ya yena di ba ludi gu manu ma Friziya ye ma Galatiya. ⁷ Dangu di ba gumi pena-pena ye gidini gi gifudi gi Miziya,ba zolagi gwenda gu gidini gi gifudi gi Bitiniya,haa muhunga ye Yesu mu ndjila.Loo yi ba hegi ndjila. ⁸ Ya yena di ba ludi gu Miziya,di bendi gu vula di moshi Trowashi. ⁹ Pila Polu di ga dadi gu ndotshi muudu wu moshi wu gidini gi gifudi di Masedoniya wu niamugi,baa muni mu wondila mbi:"yiza sabuga Masedoniya wu du sadisa.'' ¹⁰ Dangu Polu di gadadi buna gu hwii,kaga mu dangu dina du yandigi gu dinga pila yi gwenda gu Masedoniya,mudiambu du dadi mbi,Gahungu ga du lendigi yabi mu gwenda ya bigisa tsangu djiandi dji pimbu. ¹¹ Pidu du yambula Trewashi,du goda mu matswa,bwoona dwenda mu gisanga gi Samotrase.Haa gilumbu gi landi dwendi gu bula di Neyapolishi. ¹² Dangun di dugadugi guna,dwendi gu bula dina Fidipi,bula di teegu di gidini gi gifudi di Masedoniya.Djiedi gu mioogu mi baadu ba gifwumu gi Loma.Du nimbi bilumbu bi vula guna. Mu gilumbu gi gu hululuga du gadugi gu bula ¹³ du finami gu mwetshi.Du yindula mbi dwenda du dala gi hani gi bayuda gi basambilaga.Du gadi yena,di du solula ye bakedu bana bitsaga wanagana guna. ¹⁴ Mukedu wu moshi,djina diandi Lidi.Lu ga duyugagi. Gadi gu Medisa wu muledi mibenga.Bula diadina Tiyaditira ga ba samba Gahungu gi hani gi moshi ye bayuda. Fwumu Gahungu ga gangudi mabanza mandi mu gu yuga mapandi ma Polu.Ma ga yagula. ¹⁵ Du mu bodigi,baadu ba gadi mu nzu yandi di ga du woodidi mbi:"mbi bu lu dadi mbi gu gigidi du budi Fwumu Yesu gu mbundu yami,lwitsa lu gala gu nzu yami.''Pidu du gadi mu gu duna. ¹⁶ Gilumbu gi moshi dangu di,dwenda mu gi hani gi bisambu,dwitshi wanagana ye wa mukedu wu moshi.Ga gadi mu higa,ndi kega wu gadi ye muhunga wu mbi wuna wu mu lela mapandi ma fani bwaa. ¹⁷ Ga yandigi gu du landa ye Polu,ndi kega ga yandigi gu yagula mu ndaga yi ngolu mbi:"baadu ba hangilaga Gahungu!Du balulelaga kii pila du Fani guluga. ¹⁸ Ga hanga buna bilumbu bi vula,tii guna Polu loo kega ga gadi ye pila yi gu ganga mbundu.Polu ga balumugi ga ledi muhunga mbi:"yi ba gu gulela mu djina di Yesu Kidishidu:''duga mu kadi gandi!"Mu dangu diadina muhunga wuna ga dugi. ¹⁹ Dangu di,ba fwumu bakedu wuna wu badadi mbi:loo beedi ye pila yi gu senda kega mbungu gwedi ndi,ba gami Polu ye Silashi,ba banedi gihani gi galagi gi bafwumu ba leta. ²⁰ Di ba yagudi mbi:baadu Baguishi bula gi saga-saga.Bedi Bayagudi. ²¹ ba badulongu kega bifwu bina biedi tshigu mu gifwumu gi loma mu gu gigumbula ye mu gi gulanda. ²² Baadu bootsu ba bayugidi kabu:Bafwumu ba gadudi miledi ma Polu ye Shilashi,di ba ledi baadu mu gu babula muswamba. ²³ Dangu di ba babudi miswamba mbala dji vula gu hwii,bendi gu basa mudangumbada ba ledi pulushi wuna wu dalaga beeni dangumbada mu gu ba dalaga pimbu-pimbu. ²⁴ Pulushi ga ba shii mu dangumbada tswalu,ga ba gangi milu mi baa mudiba ya. ²⁵ Mu miidi mi piba,Polu ye Shilashi ba samba Gahungu,ba yimba mudiambu di gu mu hega lugumu.Baadu bega ba gadi mu dangumbada,ba gadi muni gu ba yugishila. ²⁶ mu gilumbu gi landi,manu ma nigagani ngolu shela. Ma nigishi fondasho yi dangumbada bi gangugi,miyololu miootsu mi gadi gwedi beeni dangumbada,mi gadugi. ²⁷ Pulushi weeni ga shamugi gu gilu,dangu di gadadi mbi biafulu bi dangu mbada bi gangugi,ga sendi mbeedi mudiambu gadi zuwa ndi beeni. Mudiambu ga yaba mbi beeni dangu mbada bootsu ba djini. ²⁸ Polu ga yagudi mundaga yi ngolu mbi:"loo gu di hanga mbi!pidu bootsu dwedi yeeya. ²⁹ Pulushi ga dingi mwinda,gitshi goda mu dangumbada mu tiinu. Gitshi fugama mu milu mi Polu ye Shilashi ye madegida mootsu. ³⁰ Di gabadushi ye ndjila,di gabayufudi:"badada ba,kii yi fani hanga mudiambu yi guluga?" ³¹ Ba mbi:"saa mbundu gwedi Fwumu Yesu,bwoona nga wu guluga,ndi ye baadu beedi mu nzu yagu." ³² Di ba mu longi malongi ma Gahungu,ndi ye baadu ba gadi mu nzu yandi. ³³ Kaga mu dangu ya yina di piba,ga ba sendi,ga yandigi gu yobisa mapuda ma baa.Dangu ga sendi mbodiga ye baadu bandi bootsu. ³⁴ Gu ngoyi ganedi Polu ye Silashi gu nzwandi,ga bahegi madongu,ndi ye baadu bootsu ba gadi gu nzwandi ba gadi ye gieshi dji vula mudiambu ga shi mbundu gwedi Gahungu. ³⁵ Mu musuga-musuga,bafwumu ba bapulushi ba leta ba dumishi ba pulushi mu gwenda lela pulushi wuna wenda dala beeni dangumbada mbi:"yambula baadu bana benda.'' ³⁶ Pulushi wuna gendi lela Polu mapabndi mana:"bafwumu ba yagudi mbi ndani gubinu.Dangi di dugani,ndani pimbu.'' ³⁷ Haa Polu ga ledi pulushi mbi:"ba du budi miswamba mu misu ma baadu bootsu gu gonda du sambisa mutindu wu ba sambisaga baadu.Pidu dwedi baadu ba gifwumu gi Loma!gu ngoyi di gu badusa mu dangumbada,dangu di bazoodi gu ba dusa mugitswegi?Loo gwedi buna.Pimbu ba beeni bitsa ba du dusa. ³⁸ Ba pulushi be yagula mapandi mana gwedi ba fwumu.Bafwumu ba yugi booma dangu di ba yugi mbi Polu ye Silashi beedi baadu ba gifwumu gi Loma. ³⁹ Bitshi gu badinga padido,ya yena ba badushi mu dangumbada,ba bawoondidi mu gu duga gu bula di baa. ⁴⁰ Dangu Polu ye silashi di ba dugi mudangu mbada bendi tii mu nzu yi Lidi.Dangu di Polu ye Shilashi ba dadi ba pangi ba dibundu,ba bahegi gigesa beendi gu baa.