¹ Ba ludi gu bula di Amifipolishi ye Apoloni,di ba guma gu Tesalonika nzu yi bisambu yi bayuda yi gadi guna. ² nga bu gadi gifwuu giandi,Polu gendi mu nzu yi bisambu yi bayuda.Bilumbu bidadi bi gu hululuga ba yandigi gu yagusagana ye baadu mudiambu ye muganda wu Gahungu. ³ ga yandigi gu ba dendudila,ga yandigi gu lela kega mbi,ga yandigi gu balela pila yi basonigi mu muganda wu Gahungu,Mesiya ga dadi pashi,Gahungu ga mu samugishi mu lufwaa''mudiambu Gahungu wu zoodi buna.Gayandigi gu yagula mbi:"Yesu wu yi lu lela ndi muudu weedi Meshiya.'' ⁴ baadu bega mu kadi ga baa ba shi mbundu mu mapandi ma ga yagula Polu di bitsi wanagana ye Shilashi pila yi moshi kega ye baadu bega bana ba gondi bayuda,haa basamba Gahungu gi hani gi moshi ye bayuda,ye bakedu ba vula ba neeni,ba kega ba shi mbundu,ba kega bitshi vugana ye baa. ⁵ Haa bayuda ba bayugilagi gigeneni.Ba sendi baadu bega ba pamba-pamb mu ndjila,ba yandigi gu saa mavanga mu kadi ga baadu.Bula diootsu di yitshi bi saga-saga,ba djungi nzu yi Jasoni mudiambu ye gu dinga Polu ye Silashi ⁶ mu gu baneeda gu misu mi baadu bootsu. Haa loo ba badadi,bwoona ba needi Yasoni ye ba pangi bega badibundu gu misu ma ba fwumu ba bula.Ba yandigi guyagula mu ndaga yi ngolu mbi:"baadu ba bagumishi gifudi giootsu,gisaga-saga,dangu di bitshi guma yaa. ⁷ Yasonimuudu wu bayambi mu nzu yandi!Baadu bootsu loo badjidisagi tshigu yi fwumu wu neeni wu Loma,mudiambu ba yagulagi gwedi fwumu wega wu neeni,djina diandi Yesu.'' ⁸ Baadu bootsu ye ba fwumu ma mabula mana ba yugi kabu dji vula mudiambu ye mapandi mana. ⁹ Ba dingi mbongu gwedi Yasoni muudu wu bayambi,loo ba hega mbi:Polu ye Shilashi loo ba hangi kega mapandi mana ma gifaa gina,bwoona ba yagudi. ¹⁰ Dangu piba bi dibwii ba pangi ba dibundu ba dumishi Polu ye Silashi gu bula dina di Beree.Dangu di ba gumi guna,bendi mu nzu yi bisambu yi bayuda. ¹¹ Baadu ba Bere bu bagadi ye mabanza ma pimbu gu guluda beeni Tesalonika,mudiambu ba gumbudi tsangu dji Gahungu ye luzolu lwootsu.Gosu gilumbu ba djidisagi pimbu-pimbu muganda wu Gahungu,mudiambu ba dala mbi mapandi ma yagulaga Polu mendilaga gi geledi. ¹² baadu ba vula ba gadi mukadi ga ba bagwigidi.Mukadi ga baadu bana ba gondi bayuda,bakedu ba vula ba famidiya ma neeni ye ba bagala ba vula ba gwigidi kega. ¹³ a ndaga yi bayuda bana ba gadi ye bula di Tesalonika ba yugi kega mbi,Polu wu yenda hana tsangu dji Gahungu gu bula di Bere.Bendi ba godishi mavanga ye kadi ga baadu.baadu bana ba yugi kabu. ¹⁴ Ya yena,ba pangi ba ledi Polu tswalu mu gwenda gundambu yi nzadi yi neeni haa Shilashi ye Timode ba sadi ye Bediya. ¹⁵ Baadu bana bendi leda Polu,bendi ndjila yi moshi tii gu bula di Atenishi.Polu ga ba ledi mu gwenda lela Silashi ye Timode mbi mbi:ba mulanda,tswalu shela.Bwoona baadu bana ba dugi gu Bediya. ¹⁶ Dala,dangu Polu di ga bagingagi gu Atenishi,muhunga wu gedila ga mu ledi mbi:vula di gadi wu gu yula ye bidegi. ¹⁷ Bwoona,ba yandigi gu yagusagana ye bayuda ye bana ba samba Gahungu,ye gosu dangu ye zandu ga yindula baadu bana badega yena. ¹⁸ Haa baadu bega ba hangi Filozofi Epikidi ye Kisitoyika.ba yandigi gu saa teembi ye ndi.Baadu bega bayagudi mbi:"kii mapandi shela muudu wuu ga zoodi yagula?'Bega mbi:"ga ba moniga geedi longi wu duhungu wu mu nzendji'',mudiambu ga ba longa tsangu dji pimbu dji Yesu ye lufududmugu. ¹⁹ Ba mu gami ba munedi gu Adeyopagi,ba yagudi mbi:"du fani yaba mapandi maa wu balonga? ²⁰ Mudiambu wu ba yagula mapandi maapa mu matsu ma pidu.Tunda du ba zola yaba mapandi maa kii mabazola yagula. ²¹ Gu mukiediga,baadu bootsu ba Atenishi ye banzendji bana badjingaga guna ba ludisa dangu di baa di gulugishila mapandi ma. ²² Polu ga niamugi ye kadi-kadi ga Areyopa gayagudi mbi:"binu baadu ba Ateneshi,yi badala mbi duhungu du binu. ²³ Mudiambu,dangu di luda gu bula di binu,bu yi dadi bi hani bi lusambagagi,yi dadi kega mesa magi meengi ma Mososhi ma ba sonigi ye londi mbi:"gwedi Gahungu wuna wu ba gondi ya ba teegu.''Ya yena yitshi mu gu lu lela Gahungu wu lu gondi yaba teegu. ²⁴ Gahungu wuna wu hangi gifudi gi muhundu ye bima biootsu bina biedi mu kadi.Ndi muudu weedi Fwumu wu yilu ye manu,loo ga galaga mu manzu ma dungaga baadu gu mioogu mi baa. ²⁵ Loo gadalaga fwunu mbi baadu ba bamuhega magabu,mudiambu muudu wu hegaga baadu mooni,muhunga wu gu humunina ye bima biootsu.