¹ Dangu di,baadu bega badugi gu yudeya,bitshi gu Antioshi,ba yandigi gu longa ba pangi ba dibundu mbi:"mbi loo ba lu taabi binu ba bagala,nga bwedi matshigu ma Mososhi bu ma baa yagula,loo lu huluga.'' ² polu ye Badinabashi loo ba gumbudi mapandi mana,ba kega bitshi teembi ye baa,ya yena ba zoodi Polu ye Badinabashi ye baadu beega ba Antioshi mu gwenda gu Yelusami mudiambu benda ba yufula mapandi mana gwedi batumwa ye ba mbuda ba dibundu, ³ beeni dibundu ba ba dumishi mudiambu ye mapandi mana,mu ndjila ba ludi manu ma Fenishiya ye manu ma Samadiya.Benda lela baadu mu ndjila kii pila baadu bana loo beedi bayuda ba balumuni mbundu djina di Gahungu.Tsangu djina di hani gieshi gi vula gwedi ba pangi bootsu ba dibundu. ⁴ Dangu di bitshi guma gu Yeslusalemi,ba tumwa,bambuda ye baadu bega ba di bundu,ba bayambi bwoona ba baledi mapandi mootsu ma bahangi Gahungu. ⁵ Dangu di,bafadishi bega bana ba gadi ba gumi ba kidishidu,ba niamugi mudiambu ba yagula mbi:"ga fani gu bataba kega bana ba gondi ba kidishidu lu fani ba lela mu gu landa matshigu ma Mososhi. ⁶ Ba tumwa ye ba mbuda ba wanagani gi hani gi moshi pimbu-pimbu mu mapandi mana. ⁷ Dangu di basoludi gu hwii,Piela ga niamugi ga yandigi gu yagula mbi:"ba pangi bami,yabani mbi yandiga gu mwaga Gahungu soodi mu kadi ga binu mudiambu baadu bega ba gondi bayuda,ba yuga ⁸ tsangu dji pimbu,baa kega ba gwigila mu djia. Haa Gahungu wuna wu yabaga mbundu dji baadu,ga baledi mbi ndi ga ba gumbudi dangu di hegi muhunga wu gedila,pila yi ga duhegi. ⁹ Loo ga shi luswaswanu mu kadi ga pidu ye baa mudiambu ga gadudi masumu mudiambu ba gwigila. ¹⁰ Dangu di,mudiambu di kii lu ba mega Gahungu?Mudiambu di kii lu ba zola saa bu googu ye londi di muudu di ba kidishidu bu googu buna bu bakaga bapidu ye beeni binu ye buna bu lu dalaga pila yi gu needa? ¹¹ Haa loo ba gwigila mbi du guluga mudiambu Fwumu Yesu ga du dalaga mu disu di pimbu;ba kega ba gulugagi pila yi moshi." ¹² Dangu di,baadu bootsu ba gadi pweede mu gu yugishila Badinabashi ye Polu wuna wu ba lelaga kii pila Gahungu ga ba haegi ngolu dji gu hanga mapandi maguyiga ma pila ye pila mu kadi ga baadu bana ba gondi bayuda. ¹³ Dangu Badinabashi ye Polu di ba manishi gu yagula,Yagobu ga yagudi mbi:"ba pangi,nzugishilani.'' ¹⁴ Shimoni ga du ledi kii pila Gahungu ga yindudi mu mbala yi teegu gwedi baadu bana ba gondi bayuda mudiambu ye gu soola baadu bega mu kadi ga mu gu gala baadu bandi. ¹⁵ Mapandi ma yagudi ba mbigudi ma gwenda ndjila yi moshi ye mapandi mana mudiambu ba sonigi mu muganda wu Ghaungu mbi: ¹⁶ "Gahungu ga ba yagula mbi gu ngoyi mapandi mana,yi gwitsa kega,bwoona dunga nzu yi Davidi yina yi bwii yi niamugisa kega bima biootsu bina bi fwii mu nzu yina bu yi yidiga kega. ¹⁷ Bwoona baadu bana bootsu ba gondi bayuda bana ba yisoodi mu gu gala baadu bami,ba kega bu ba soola.'' ¹⁸ yi yabishi mapandi mana madugi gu leya,mi kega yi bagula buna.'' ¹⁹ Yagobu ga yagudi kega mbi:"manunga maami loo du fani yangigisa baadu bana ba gondi bayuda,dangu di ba balumuna mbundu gwedi Gahungu. ²⁰ Haa du basonigidi mu muganda mbi: loo gu diani mbitshi wu bahani teegi magabu gwedi duhungu dubidegi gwedi tshigu,loo gu hangani gi ndumbu,loo gu diani mbitshi wuna wu ba zuwii wu muminu;loo gu nwani kega meengi. ²¹ Yandiga gu mwaga ba longa matshigu ma Mososhi mu gosu bula,ba dangaga kega mu gosu gilumbu gi gu hululuga mu manzu ma bisambu ma bayuda.'' ²² Dangu di,ba tumwa,ba mbuda ye baadu bootsu ba dibundu ba geshi mbi ba fani soola baadu bega mu kadi ga baa gu ba dumisa ye Polu ye Badinabashi gu bula di Antioshi ba soodi Yuda wuna wu balendigaga mbi Badinabashi,soodi kega Silashi baa boodi ba gadi baadu ba ludjidu mu kadi ga dibundu. ²³ Ba ba hegi muganda wu gu needa guna gu Antioshi:"pidu Batumwa ye ba mbuda bana beedi ba pangi ba pidu mu di bundu du dumishi mbodi binu ba pangi bana ba gondi bu duga bayuda lu galaga gu Antioshi ye gu gidini gi manu gi Sidiya. ²⁴ Pidu du yugi mbi baadu bega ba gadugi gwedi pidu bitshi lugumisa bisaga-saga mu mapandi maa,ma baa ba mana yagula.Mapandi mana ma ba duhega pashi gu mbundu,haa loo du ba duni mu gwitsa buna. ²⁵ di dukeshi pidu bootsu mbi du ba soola baadu bega mudiambu di ludumisa ndjila yi moshi ye bandugu ba pidu Badinabashi ye Polu. ²⁶ Badinabashi ye Polu ba kandi fwaa mudiambu ye gisalu gi Fwumu wu pidu Yesu kidishidu. ²⁷ Tunda du dumishi yuda ye Silashi ba yabisa tsangu dji pimbu ndjila yi moshi nga pidu mu ganu di baa. ²⁸ Muhunga wu Gahungu ye pidu,haa loo du mu gu gonda saa bu googu bwega ye londi di binu,haa gi lemu gi moshi buna gi Fwumu giagi: ²⁹ Loo fani dia mbitshi wuna wu ba hani teegu magabu gu duhungu du bidegi,loo lu fani nwaa meengi,loo lu fani dia mbitshi wuna wu ba zuwii wu hwaa ganga muminu,loo lu fani hanga gindumbu.Mbi bu lu duni mapandi mana gwedi pimbu yi vula. Salani pimbu!" ³⁰ Dangu di,baadu bana ba badumishi bendi tii gu bula di Antioshi.Dangu di,bitshi guma guna,ba lendigi baadu bootsu ba dimbundu,ba bahegi muganda. ³¹ Dangu di,badangi gu hwii,ba daadi gieshi gi vula mudiambu muganda wuna ga ba hegi giesa. ³² Yuda ye Silashi bagadi ba mbigudi,bwoona ba hani malongi mayela gwedi ba pangi bana mudiambu di gu ba hega gi gesa ye ngolu. ³³ Gu ngoyi mbi bi gwii,ba pangi ba dibundu ba bavududi mu pimbu yiootsu,bwoona bitshi gwedi baadu bana ba badumi. ³⁴ (Haa Silashi ga yagudi mbi:"yi fani salayaya.)'' ³⁵ Haa Polu ye Badinabashi ba sadi gu Antioshi.baa ye baadu bega bavula,ba gadi muni longa ye gu yabisa baadu tsangu yi Fwumu Gahungu. ³⁶ Gu ngoyi bilumbu ga ndambu,Polu ga ledi Badinashi mbi:"du vuduga mudiambu di gwenda ba pangi ba dibundu bana beedi mu mabula mootsu mana ma dwenda yabisa tsangu dji Fwumu Gahungu,bwoona du yaba mbi bu ba gumi kii pila.'' ³⁷ Badinabashi ga zolambi ba neda kega Yoani wuna wu balendiga kega Madigo. ³⁸ Haa Polu ga duni mbi:"pimbu loo mu gu mu neda,mudiambu ga dushishi gu Pafidiya,loo gendi kega mu gu hanga ye pidu ndjila yi moshi.'' ³⁹ Tembi yi ngolu yi gadi mu kadi ga baa.Bwoona ba bongagani.Badinabashi ga nedi Madigo,di bendi mu matswa mu gisanga gi Shipidi. ⁴⁰ Haa Polu ga soodi Shilashi,bwoona dangu di gazola gwenda,ba pangi ba di bundu ba lela Polu mbi:"Fwumu Gahungu ga gu geba shela nga bu ga gu zolaga.'' Bwoona di gendi. ⁴¹ Ga ludi mu gini gi gifudi gi Shidiya ye mu gi dini gi gifudi gi Shidiya;dangu di genda luda,genda hana ngolu mu dibundu.