¹ Tamin'gny andro zay ro nandeha nitory tagny agn'efitr'i Jodia i Jaona mpanao batisa manao hoe: ² "Mibebaha, fa akaiky gny fanjakan'gny lagnitry." ³ Fa I ro nivolagnin'Isaia mpaminany, manao hoe: "Misy feo raiky mikaiky mare agny agn'efitry hoe: 'Amboaro gny lalan'gny Tompo, ahitsio gny lalany."' ⁴ Ka Jaona nisiky volon-drameva ka nanao fehikibo hoditry tamin'gny valahany. Valala voho gny tantely remby ro nataony fihina. ⁵ Ka Jerosalema, Jodia iaby, voho gny faritry iaby magnodidy gny reniranon'i Jordana ka nagnato azy. ⁶ Nataony batisa tegny amin'gny reniranon'i Jordana reo, lafa nikaiky gny fahotany. ⁷ Voho nahajery gny Fariseo voho Sadoseo maro nagnanto azy mba ho atao batisa i, ka hoy I tamy ndreo hoe: "Ry taranaky menarana feno poizy, ia ro nampitao agnareo hitsoaky gny fahasiaha zay ho avy? ⁸ Mamihy vihy manahaky gny fisolohoa. ⁹ Sady ka misaina gny hanao anakam-po hoe: 'Magna agn'i Abrahama ho baba zahay.' Fa volaniko aminareo fa Andriagnanahary ro mahavita mananga agnaky ho agn'i Abrahama gna baka amy reo vato reo aza. ¹⁰ Sady lafa napetraky eo am-pototry gny hazo gny famaky. Ka reo hazo iaby zay tsy mamoa voa soa ro ho tapahy sady atoraky agny anaty motro. ¹¹ Manao batisa agnareo amy gny rano ho amy gny fibebaha aho. Fa mahery noho zaho I zay avy afarako, sady zaho ro tsy mendriky mihitsy gna gny hanaday kapany aza. Hanao batisa agnareo amy gny Fanahy Masina sy gny motro I. ¹² Fa an-tanany egny gny fikororoha mba hanadiova gny famoloany sady hanandraria gny variny agny an-tsompitra. Fa I ro handoro reo akofa amy gny motro zay tsy mety maty." ¹³ Avy eo Jesosy baka Galilia ka avy teo amy gny renindranon'i Jordana mba ho ataogn'i Jaona batisa. ¹⁴ Nefa i Jaona ro niezaky gnanaka azy, manao hoe: "Zaho ro mila ataonao batisa, gnefa anao koa va ro mamondry ahy?" ¹⁵ Jesosy namaly sady nivola taminy hoe: "Enkeo zay henaniky zao,fa zao no mety amintsika hahatanteraky gny fahamarina iaby." Bakeo Jaona gnanenky azy. ¹⁶ Lafa vita batisa I, ka niboaky tanaty gny rano Jesosy, sady indroy, nisokatry taminy gny lanitry. Hitany gny Fanahy Andriagnanahary lai voromailala sady nandeha tanambony. ¹⁷ Sady misy feo baka an-danitry agny gnanao hoe: "Inty ro Agnako malalako. Izay sitrako indrindra."