¹ Tianay ho fantatrareo, ry rahalahy, ny mahakasika ny fahasoavan'Andriamanitra ijy nomena tao amin'ireo fengonan'i Makedonia. ² Nandritran'ny fitsapana makadiry amin'ny fahorena, ny fitondraky ny hafaliena sy ny fara-fisotrian-dreo die namaitre harena makadirin'ny falalahan-tagnana. ³ Satria mijoro vavolombelogna iaho fa nagnano be arak'ijay vitane areo, ary mihôtra an'ijay vitany aja. Ary tamin'ny sitrapon-dreo manokagna ⁴ sy niaraka tamin'ny fitaraignana mahare no nangatahan-dreo taminay ny fahafahana mba hanagna anjara amin'itiky asa fanompôna eo amin'ireo mpino itiky. ⁵ Tsy niseho arak'ijay nantenainay ijane. Fa koja, nanolotra ny tegnane meloha tamin'Andriamanitra areo. Ary nanolo-tegna hônay areo tamin'ny sitrapon'Andriamanitra. ⁶ Ka nandrisika an'i Titosy ahay, ijay efa nanomboka an'ijane asa ijane, mba hagnatanteraka ny fahasoavana eo aminareo. ⁷ Fa anareo koja die manan-karena amin'ny raha abiaby, amin'ny finôna, amin'ny jaka, amin'ny fahalalana, amin'ny fahajotôna abiaby, ary amin'ny fitiavanareo anay. Ka atôvy ajo antoke mba hanan-karena amin'ijane asa fahasoavana anareo. [NY ULB sy ny UDB, miaraka amin'ireo dikan-teny maro hafa, die mivaky hôtran'ijao: "Ao amin'ny fitiavanao anay." Ny dikan-teny hafa die mivaky mivaky hôtran'ijao: "Ary ao amin'ny fiavanay anareo"] ⁸ Tsy mijaka ijane hôtran'ny didy iaho. Fa koja, mijaka ijane iaho amin'ny fitsapana ny fahamarignan'ny fitiavanareo amin'ny fampitahana ijane amin'ny joto-pon'olo hafa. ⁹ Satria fantatrareo ny fahasoavan'i Jesôsy Kristy Tompontsena. Ka na nanan-karena aja ijy, die nanjary misotry loholoho anareo, ka amin'ny alalan'ny fisotriana no mety ajahônareo harena. ¹⁰ Amin'ijane voria ijane die hagnome toro-hevitre anareo iaho ijay hagnampy anareo. Herintaogna dilatre ijay, die tsy nanomboke nagnano raha fotsine anareo, fa nagniry ny magnano ijane. ¹¹ Ankehitriny vitay ijane, hôtran'ny nisian'ny joto-po sy fagnirena hagnano ijane, die enga anie hagnatontosa ijane koa anareo, arak'ijay ajonareo hamboarina. ¹² Satria laha magniry mahare ny hagnano ijane asa ijane anareo, die raha tsara sy ajo ekena ijane. Tsy mentsy mifototre amin'ijay hanagnan'olo raike an'ijane, fa tsy ijay tsy anagnane. ¹³ Fa ijane asa ijane die tsy mba hagnamevagna ny hafa ary hagnavesatre anareo. Fa koja, tokone hisy rarine. ¹⁴ Ny harenanareo amin'ijao fotôgna ijao die hagnome ijay rombejin-dreo. Ka ijane koa die mba hagnomejan'ny harenan-dreo ijay rombejinareo. Ary mba agnomejan-dreo ny rarine. ¹⁵ Araka ijay efa vôsoratra hoe: "ilay raike ijay nanagna rahabe die tsy nanagna sisa, ary ilay raike ijay nanagna ny bitike die tsy nanagna ny tsy ampy. ¹⁶ Fa an'Andriamanitra ny fisôrana, ijay nagnavela ny tao am-pon'i Titosy ny fahamatorana ijay anagnako aminareo. ¹⁷ Fa ijy tsy nagneky ny haikan-tsena, fa tena matotre ny amin'ijane mandy koa. Nagnantogna anao tamin'ny sitrapone manokagna ijy. ¹⁸ Nampengainay ijy niaraka tamin'ilay rahalahy ijay nideraina teo agnivon'ny fengonana abiaby noho ny asane ijay mitory ny filajantsara. ¹⁹ Tsy ijay mandy, fa ijy mandy koa die nitondroin'ireo fengonana mba hienga hiaraka aminay hitondra ijao asan'ny falalahan-tagnana ijao. Ijane die hôn'ny voninahitr'ijy Tompo ary hon'ny fagnirenay hagnampe. ²⁰ Mitandrigna ahay ny amin'ny mety hisian'olo mitaraigna mombanay mahakasika an'io sa falalahan-tagnana ijay hamboarinay io. ²¹ Ka mila mitandrigna ahay mba hagnano ny mete, fa tsy eo agnatrehan'ny Tompo irerike mandy, fa eo alohakan'olo koa. ²² Mandefa rahalahy raike hafa mandy koa ahay miaraka amin-dreo. Matetike ahay no nitsapa an'aje, ary nahita an'aje mafana fo tamin'ny asa rahabe. Majoto loholoho ijy ijao ankehitriny noho ilay fahatokisane makadiry ijay anagnane aminareo. ²³ Laha ny amin'i Titosy, ijy no akamako sy mpiara-miasa amin'ahe hônareo. Laha ny amin'ny rahalahinay, die nalefaan'ireo fengonana areo. Voninahitre hôn'i Kristy areo. ²⁴ Ka atoroy an-dreo ny fitiavanareo, ary atoroy amin'ny fengonana ny anton'ny fireharehanay momba anareo.