Toko faha 3

1 Farany, ry rala, mifale ao amin'ny Tompo . Tsy manairana ana ny mamerigna manoratra regny ra regny ho an'nareo. Regny ra regny de de hiaro an'nareo. 2 Mitandrema am'reo amboa. Mitandrema am'reo mpagnano ratsy. Mitandrema am'reo fanapahana ratsam-batagna. 3 Fa tsika no vofora. Ary tsika no manompo amin'ny fanahin'Andriamanitra. Ary tsika no mirearea akao amin'i Krsisty Jesôsy, ary tsy mitoky amin'ny nofo. 4 Na de zany aza, za tegnako de afaka mitoky amin'ny nofo. Ra misy ôla mihevitra fa izy de managna fitokisana amin'ny nofo, afaka managna mihôtra noho zany za, 5 noforaina tamin'ny andro fahavalo za,teraka takao amin'ny vahôkan'i Israely,takao amin'ny fokon'i Benjamina, Hebreo takao am'reo Hebreo za, araka ny lalàna de Fariseo za. 6 Tamin'ny zotom-po, de nagnenjika ny fiangonana za, Raha ny amin'ny fahamarinana ambanin'ny lalàna de tsy manan-tsigny za. 7 Fa n'ino n'ino tombony ho ana, de noraisiko ho sahala amin'ny fatiantoka regny nohony amin'i Kristy. 8 Raha ny tegna izy, nataoko ho fatiantoka avokoa reo zavatra daôly reo no ny haleiben'ny falalana an'i Kristy Jesôsy Tompo. Noho Izy de nareko ny ra daôly. Heveriko ho fako regny mbô hazaôko an'i Kristy. 9 Ary ho tazagna akao amin'Azy za. Tsy managna ny fahamarinana ho an'ny tegnako avy amin'ny lalàna za, Fa kosa manangna ny fahamarinana ze tamin'ny alalan'ny finôna an'i Kristy za, fahamarinana avy amin'Andriamanitra ze miorina amin'ny finona. 10 Ka am'zao fotôna zao de te hafantatra an"Azy sy ny herin'ny fitsanganany tamin'ny maty ary ny fiombonana am'reo fijaleny za. Te hiova amin'ny alalan'i Kristy za mba hitovy ny fahafatesany, 11 mbô hafako mahatsapa ny fitsanganana amin'ny maty. 12 Tsy marina fa efa nandray reo ra reo sahady za, na hoe tonga tanteraka za. Fa miezaka za mba handrombaka le nandromban'i Kristy Jesôsy ana. 13 Ry rahalà, ty mieritreritra za fa ny tegnako de efa nandrombaka an'zany. fa misy ra raika : Tsy tadidiko ze aigny afara ary miezaka an'ze akeo alô za. 14 Miezaka magnatratra ny tanjona zà mba haazo ny lokan'ny antso avy aigny agnambo avy amin'Andriamanitra akao amin'i Kristy Jesôsy. 15 Tsika daôly ze matotra, ôka tsika hisaigna ôtran'zany ary raha misy eritreritrareo hafa momba ny ra daôly de ho hapoitran'Andriamanitra aminareo iany kô zany. 16 Kanefa, n'ino n'ino efa takatritsika, ôka tsika hifikitra am'zany. 17 Öka ho mpaka taka ana, nareo ry rala. Dinio ankeky reo ze mande araka ny ôtran'ze tazagnareo akao aminay. 18 Betsaka reo mande, reo ze efa notaraviko anareo matetika, ary am'zao fotôna zao, za milaza aminareo amin-dranomaso_ ôtran'ny fahavalon'ny hazofijalen'i Kristy. 19 Fandringanana no fiafaran-jareo. Fa ny kibony no andriamanitra Tompoiny, ary ny firearean-jareo de akao amin'ny famenarany, meritreritra ny zavatr'zao tontolo zao zareo. 20 Fa aigny an-danitra ny fanjakantsika, ze handignesantsika Mpamonjy iany kô, de ny Tompo Jesôsy Kristy. 21 Izy de hagnova ny tegnantsika ze marefo mba ho vatagna mitovy amin'ny tegnany rakotry ny voninahitra,ze natao tamin'ny herin'ny fahefany mbô hampagneky ny ra daôly amin'ny tegnany.