¹ Raha misy famperezana akao amin'i Kristy, raha misy fampiononana avy amin'ny fitiavany, raha misy firaisana ao amin'ny Fagna, raha misy famindram-po gedabe sy fentrana, ² de ataovo feno ny fifaliko amin'ny firaisana ôtran'zany, amin'ny fanagnana fitiavana mitovy, amin'ny firaisana am-pagna, ary amin'ny fananganana tanjona mitovy. ³ Aza magnano n'ino n'ino amin'ny fitiavan-tegna na fanandratan-tegna fôgna. Fa amin'ny fanetren-tegna kosa de mevera ny hafa mandombolombo ny tegnanareo. ⁴ Tokony tsy itady ze masoa ny tegnanareo iany ny kô. ⁵ Mevera ôtran'ny firaisana ze takao amin'i Kristy Jesosy iany kô. ⁶ Efa nisy ôtran'ny endrik'Andriamanitra izy, fa tsy nievitra izany ho fitovina amin'Andriamanitra zany ho ra hifikirana Izy. ⁷ Ny mifanoitra amin'zany, nofoanany ny tegnany. Naka ny endriky ny mpanompo Izy. Ary nibôgna ôtran'ny olombelona Izy. Ary ita nitovy tamin'olombelona Izy. ⁸ Nagnetry tegna Izy ary tonga mpankatoa hatramin'ny fahafatesana,de le fahafatesan'ny hazofijaliana! ⁹ Non'zany de nasandratr'Andriamanitra agnambo de agnambo iany kô Izy. Nameny le Agnarana ze ambonin'ny agnarana rehetra Izy. ¹⁰ Nataony zany mba ho amin'ny Anaran'i Jesosy no andoalen'ny loalika rehetra, ny loalik'reo ze aigny an-dagnitra sy aketo an-tany ary aigny ambanin'ny tany. ¹¹ Nataony zany agneken'ny lela daôly fa i Jesosy Kristy no Tompo, ho voninahitr'Andriamanitra Ray. ¹² Non'zany, ry malalako, ôtran'ny ankatoavanareo hatraigny, tsy eo amin'ny fagnatrehako iany fa mihôtra lavitra aza fa amin'zao fotôna zao rafa tsy akeo za, de abôgna amin'ny taotra sy hovitra ny famonjena anareo. ¹³ Satria Andriamanitra no miasa akao aminareo mba ho vonon-kagnano no sady hiasa ho an'ny fifaliny anareo. ¹⁴ Ataovy tsy am-pitaraignana na fiadin-kevitra ny ra rehetra. ¹⁵ Magnaova salan'zany mba ho tonga zanak'Andriamanitra tsisy tsigny sady marina, tsisy kilema anareo. Miasà salan'zany mba hamirapiratanareo ôtran'ny fahazavana eo amin'zao tontolo zao, akeo ampovôn'ny taranaka meloka sady maditra. ¹⁶ Mifikira mafy amin'le Tenin'ny fiaignana mba hananako antony hireharehàna amin'ny andron'i Kristy. Fa amin'zany de ho fantatro fa tsy very maigna ny niazakazako ary tsy very maigba ny niasàko. ¹⁷ Fa na de aidigna ho fagnatitra akeo amin'ny soragna sy fanompoam-pinona aza za, de mifaly za, ary miara-mifaly aminareo daôly za. ¹⁸ Ary ôtran'zany kô no hifalenareo, ary miara-mifaly aminà anareo. ¹⁹ Fa magnantegna akao amin'i Tompo Jesosy za fa handefa an'i Timoty aigny aminareo faingana, mga hahery iany kô za rafa haiko ny ra momba anareo. ²⁰ Fa tsy managna ôla hafa mitovy toe-tsaigna amin'azy za, ze tegna manahy ny aminareo. ²¹ Fa izy daôly de mikaraka ny tombon-tsony, fa tsy ny zavatr'i Jesosy Kristy ²² Fa fantatrareo ny famendreny, satria ôtran'ny zaza manompo ny rainy, no nanompony niaraka tamina takao amin'ny filazantsara. ²³ Koa magnantegna ny handefa an'zy za raha vô hitako hoe magnano akôry ny fanden-draha aty aminà. ²⁴ Fa matoky ny Tompo za fa ho avy aigny faingana kô ny tegnako. ²⁵ Fa meritreritra za fa ilaina iany kô ny mampiverigna an'i Epafrodito ainy aminareo. Ralako izy sy mpiara-miasa no mpiara-miady, sady mpitondra ny hafatrareo izy no mpanompo amin'ze ilaiko. ²⁶ Fa tra-pahorena mafy izy, ary manigna ny hiaraka taminareo daôly izy, satria reigninareo fa narary izy. ²⁷ Fa tegna narary izy ka efa seiky maty. Fa mamindra fo tamin'azy Andriamanitra, ary tsy tamin'azy rerika, fa taminà kô, mba tsy hanagnako alahelo ambonin'ny alahelo. ²⁸ Kô de amim-parisiana gedabe daôly no handefasako an'azy, ka rafa hahita an'azy ndre anareo de mba hifaly ka de ho afaka kokoa amin'ny fanahiko za. ²⁹ Raiso akao amin'ny Tompo Epafrodito miaraka amin'ny fifalina rehetra. Hajao ny ôla ôtra an'azy. ³⁰ Fa ho an'ny asan'i Kristy no nanakaikezany ny fafatesana. Fa nagnano vy very ny aignany izy hanompoana ana mba hagnatanterany ze tsy afaka nataonareo tamin'ny fanompona taminà.