¹ Majaka Yaveh; aoka ny tany hifaly; aoka ny moron-tsiraka be ho ravo. ² Rahogna sy ezigna ro magnodidigna Anazy. Fahamarinana sy rariny ro fiorenan'ny seza fiandrianany. ³ Afo ro mandalo eo alohany ko de mandevogna reo mpifagnandrigna aminazy amin'ny lafiny aby manotolo. ⁴ Ny tselatsany magnazava an'izao tontolo zao; hitan'ny tany zay ko de mihorohoro. ⁵ Miepo sahalamin'ny savoka eo agnatrehan'in Yaveh, zay Tompon'ny tany manontolo, reo tendrombohitsa. ⁶ Mitarogna ny fahamarinany reo habakabaka, sady mahita ny voninahiny ny firenena aby manontolo. ⁷ Ho megnatsa ze manompo ny sarin-draha voasikotsa, ze mirehareha amin'ny sampy tsa misy dikany; miankohofa eo amin'i Yaveh, agnareo ra andriamagnitsa aby manontolo! ⁸ Nandre Ziona ko de faly. Sady nifaly ny tanànan'i Joda noho ny didinao marina, Yaveh o. ⁹ Fa agnao, Yaveh o, ro avo indrindra ambonin'ny tany aby manontolo. Asandratsa avo indrindra ambonin'ni andriamagnitsa aby Agnao. ¹⁰ Agnao ze te an'i Yaveh, mankahala ny ratsy! Miaro ny ain'ny onany masina I, magnalaka anazy tsa ho eo an-tagnan'ny rasty fagnahy. ¹¹ Nafafy tamin'ny marina ny fahazavana ary ny fifaliana ho an'ny ze mahintsy fo. ¹² Miteza hifaly ao amin'i Yaveh, agnareo ona marina; sady manolora fisaorana sy mahatsiaro ny fahamasinany agnareo.