¹ Avia, ndao atsika hihira ho an'i Yaveh; ndao atsika hihira an-kafalena ho an'ny vatolampin'ny famonjena atsika. ² Ndao hitsofoka amin'ny fagnatrehany amin'ny fisaorana; ndao tsika hihira ho Anazy amin'ny salamo fiderana. ³ Fa Yaveh ro Andriamagnitsa lihibe sy Mpanjaka lihibe ambonin'andriamagnitsa hafa. ⁴ Eo an-tagnany ny fitoerana laligna amin'ny tany; Anazy ny fitoerana avon'ny tendrombohitsa aby manotolo. ⁵ Anazy ny ranomasina, fa I ro nanao anizay, sady ny tagnany ro nahary ny tany maigna. ⁶ Avia, ndao atsika hiondrika sy hihohoka; ndao atsika handohalika eo agnatrehan'i Yaveh, mpahary atsika; ⁷ Fa I ro Andriamagnitsika, sady ona fiandriny atsika sy ondry ambenany atsika. Enganie androany mba hohenoanao ny feony! ⁸ Aza magnamafy ny fonao, salamin'ny tagny Meriba, na salamin'ny tamin'ny andron'i Masa tagny agn'efitsa, ⁹ ze nitsapana sy nagnandraman'ireo razambenareo Anahy, leko de hitandreo aza ny asako. ¹⁰ Efapolo taogna ro nasiaka tamin'izay taranaka zay Iaho ko nitarogna hoe: " 'ty de vahoaka managna fo mania; tsa nankato Anahy reo." ¹¹ Noho zay de nivoady tamin-kkahasosorana Aho mba tsa hiditsa ao amin'ny toeram-pitsaharako mihintsy reo.