¹ Ry Yaveh, Andriamagnitsa mamaly faty, Andriamagnitsa mamaly faty, mamirapirata aminay. ² Mitsangana, ry mpitsara ny tany , omeo ny mpirehareha ze mendrika andreo. ³ Hafiriana ny ratsy fagnahy, ry Yaveh, hafiriana ny ratsy fagnahy ro ⁴ hiravoravo? Mandraraka ny avognavony reo;ze manao ny ratsy mieboebo aby. ⁵ Tinorotoron-dreo ny ona ,ry Yaveh; ze firenenao de ampahoriandreo. ⁶ Mamono ny mpitondrategna sy na vahiny ze miaigna agny amin'ny firenen-dreo reo, eko mamono ny kamboty ray. ⁷ Hoy reo hoa :"Tsa hahita Yaveh,eko tsa hatsikaritsa an'izey ny Andriamagnits'i Jakoba." ⁸ Mahatakàra, agnareo ra ona tsa misaigna! Agnareo gegy, amiviana agnareo vo mba hianatsa? ⁹ I ro nanao ny sofigna, moa ve tsa handre I? I ro nanao ny maso, moa ve tsa mahita I? ¹⁰ I ro mifehy ny firenena, moa ve tsa mahitsy I? I ro magnome fahalalana ny ona. ¹¹ Yaveh mahalala ny sain'ona, fa raha foagna reo. ¹² Tretrika ze ampianarinao, ry Yaveh, ze ampianarinao hatamin'ny lalànao. ¹³ Nomenao fitsaharana i tamin'ny fotoam-pahoriana mandra-pihady lavaka ho an'ny ratsy fagnahy. ¹⁴ Fa Yaveh tsa hahafoa ny onany na namela ny lovany. ¹⁵ Fa ho marina ny fitsarany;eko ny mahitsy fo de hagnaraka anazy aby. ¹⁶ Ia ro hitsangagna hiaro anahy amireo mpanao ratsy? Ia ro hijoro ho anahy hanohitsa ny ratsy fagnahy? ¹⁷ Lehe tsa Yaveh ro nagnampy anahy, de saika trotraka tagny amin'ny toeran'ny fahanginana iaho. ¹⁸ Sy nitarogna iaho hoe: " Mangorohoro ny tongoko," de nanohagna anahy, ny famindram-ponao, ry Yaveh. ¹⁹ Sy be ny ahiahiko, de mampifaly anahy reo fampiononanao. ²⁰ Afaka miaraka aminao ve ny seza fiandrianan'ny faharavana, ze mamorogna ny tsa rariny amin'ny alalan'ny lalana? ²¹ Niara-nitetikareo mba hifofoanany ain'ny marina eko magnameloka ho faty reo tsa manatsigny. ²² Fa Yaveh ro efa tilikamboko avo, eko vatolampy fialofako ny Andriamagnitso. ²³ Hitondra ny helo-dreo eo aminazy I eko handringagna andreo amin'ny faharatsiany manokagna. Hamono andreo Yaveh Andriamagnitsika.