¹ Hihira ho an'ny asa fagnikena mahatokin'i Yaveh mandrakizay iaho. Hilaza ny fahamarinanao amin'ireo taranaka ho avy iaho. ² Fa iaho efa nitarogna hoe; "Efa natoatsa mandrakizay ny fagnikena mahatoky; efa natoatsanao agny an-dagnitsa ny fahamarinanao." ³ Efa nanao fifagnikena tamin'ny voafidiko Aho, efa nanao fianiagnana tamin'i Davida mpanompoko Aho. ⁴ Hampitoatsa mandrakizay ny taranakao Aho, ro hampitoatsa ny seza fiandriagnanao magneragna ny taranaka aby manotolo." Sela ⁵ Midera reo fahagagana ataonao ny lagnitsa, Yaveh o; deraina ao amin'ny fiangonanan'ny masina ny fahamarinanao. ⁶ Fa ia egny an-dagnitsa ro azo ampitahaina amin'i Yaveh? Ia tamin'ny zanaka lahin'ny andriamagnitsa ro mitovy amin'i Yaveh? ⁷ I de Andriamagnitsa zey nomena voninahitsa lihibe tao amin'ny filan-kevitsin'ny masina sady nahazendagna ny nagnodidigna Anazy aby manotolo. ⁸ Yaveh Abdriamagnitsa Tompon'ny maro oh, ia ro mahery salanao, Yaveh? Manafotsa anao ny fahamarinanao. ⁹ Mamehy ny ranomasina mahery Agnao; sy manonja reo, de mampitony Agnao. ¹⁰ Tinorotoronao salamin'ona vinono i Rahaba.Tamin'ny sandrinao mahery ro nagnilezanao ny fahavalonao. ¹¹ Anao ny lagnitsa, eko ny tany koa. Nahary zao tontolo zao sy ze eo aminy aby Agnao. ¹² Namorogna ny atsimo sy avaratsa Agnao. Mifaly amin'ny agnaranao i Tabara sy Hermona. ¹³ Managna sandry mahery sy tagnana mahery Agnao, sady avo ny tagnanao ankavagnana. ¹⁴ Ny fahamarinana sy fitsaràna ro fagnambanin'ny seza fiandriagnanao. Avy eo agnatrehanao ny fagnikena mahatoky sy fahamendreham-pitokiana. ¹⁵ Tretrika ny ona ze manompo Anao! Yaveh o, mandeha amin'ny fahazavan'ny tavanao reo. ¹⁶ Mifaly amin'ny agnaranao mandrakizay ireo, sady amin'ny fahamarinanao ro hanandratany Anao. ¹⁷ Agnao ro voninahitsy ny herin-dreo, ary mpandresy amin'ny fankasitrahanao agnay. ¹⁸ Fa an'i Yaveh ny ampinganay; ny mpanjakanay de I ly Masin'Israely. ¹⁹ Tagny aloha tagny de nitarogna tamin'ny mahatokinao tagnaty fahitana Agnao; hoy Agnao hoe: " EFa nametraka satro-bininahitsa teo amin'ny mahery Aho; efa nanandratsa voasafidy raika tamin'ny vahoaka iaho. ²⁰ Nifidy an'i Davida mpanompoko Aho; tamin'ny diloiloko masina ro nagnosorako anazy. ²¹ Hanohagna anazy ny tagnako; hampahery anazy ny sandriko. ²² Tsa misy fahavalo hamitaka anazy;tsa misy zanaka lahin'ny ratsy fagnahy hampahory anazy. ²³ Ho torotoroako eo alohany reo fahavalony; ho vonoako reo ze mankahala anazy. ²⁴ Ny fahamarinako sy ny fagnekeko mahatoky ro homba anazy; ho mpandresy amin'ny agnarako i. ²⁵ Hapetrako eo ambonin'ny ranomasina ny tagnany eko ny tagnany ankavagnana eo ambonin'ny ony. ²⁶ Hangaika Anahy i hoe:" Agnao ro Raiko, Andriamagnitsa o, ary vatolampin'ny famonjena anahy." ²⁷ Iaho koa hametraka anazy ho salamin'ny zanako lahimatoa, zay ambony indrindra amin'ny mpanjakan'ny tany. ²⁸ Hagnitatsa ny fagnikena mahatokiko amin'ny mandrakizay Aho; ary ny fagnikeko aminazy de ho voaaro. ²⁹ Hampaharitsa ny taranany mandrakizay Aho ary ny seza fiandriagnany haharitsa tahaka ny habakabaka egny ambony egny. ³⁰ Lehe mahafoy sy tsa mankatò reo lalàko ny zanany, ³¹ lehe mandika ny fitsipiko ko tsa mitandrigna ny teniko reo, ³² de hagnafay ny fikomiandreo amin'ny tsorakazo Aho ary ny helony amin'ny tsoka. ³³ Fa tsa hagnalaka ny fitiavako aminazy tsa miova na hivadika amin'ny fampagnatignako Aho. ³⁴ Tsa handika ny fagnekeko na hagnova ny tarogna tarogniko Aho. ³⁵ EFa nianiagna tamin'ny fahamasinakoindraika Aho, tsa handenga amin'i Davida Aho: ³⁶ "Reo taranay de hitohy mandrakizay ery ny seza fiandrianany de haharitsa salan'ny masoandro eo alohako. ³⁷ Zay de hitoatsa mandrakizay salan'ny volagna, ny vavolombelogna mahatoky egny an-dagnitsa." Sela. ³⁸ Feny Agnao tsa nety sy nandá; nasiaka tamin'ny mpanjakanao voahosotsa. ³⁹ Efa niala tamin'ny fagniken'ny mpanomponao Agnao. Efa nanimbazimba ny satro-boninahiny tamin'ny tany Agnao. ⁴⁰ Efa nagetrakao aby reo rindriny . Efa drinavanao ny fiarovana maheriny. ⁴¹ Ze nandalo d'efa nandroba anazy aby. ⁴² Efa roso fitaovana mahafandriandriagna ny namany i. Nanandratsa ny tagnana ankavagnan'ny fahavalony Agnao; nampifalianao aby reo fahavalony. ⁴³ Navadikao ny lelan-tsabany ko tsa nampijoro anazy lehe hiady. ⁴⁴ Finaragnanao ny famirapiratany; narorognanao tamin'ny tany ny seza fiandrianany. ⁴⁵ Nafohezinao ny andron'ny fahatanorany. Kinorokorokao hegnatsa i. Sela ⁴⁶ Hafiriana, Yaveh o? Hanitrika ny tegnanao mandrakizay ve Agnao? Mandra-pahoviana ro hirehitsa salan'ny afo ny hatizeranao? ⁴⁷ HE, saino ny momban'ny androko fohy, sy ny namorognanao ny zanak'olombelogna aby ho matimaty foagna! ⁴⁸ Ia ro afaka hiaigna ko tsa ho maty, na hagnavotsa ny ainy manokagna egny an-tagnan'ny Fiaignan-tsy hita? Sela ⁴⁹ Tompo o, aia reo asan'ny fagnekena mahatokinao taloha ze nianiagnan'i Davida tamin'ny fahamarinanao? ⁵⁰ Tsiaro, Tompo o, ny fagnesoana natao tamin'ny mpanomponao ary ny fomba nizakan'ny foko reo teny ratsy be hatamin'ny firenena. ⁵¹ Nikoka teny ratsy reo fahavalonao, Yaveh oh; nohesoan-dreo ny dia-tongon'ny vohosotsao. ⁵² Ho deraina mandrakizay anie Yaveh. Amen, Amen. Boky faha efatra.