¹ Yaveh oh, Andriamagnitsy ny famonjena anahy,hitagny mahery eo agmatrehanao andro aman'agnaligna aho. ² Mitainoa ny fivavako; hino ny fitaraignako. ³ Fa feno fahoriana aho, fa nahatratsa ny fiaignan-tsy hita ny aiko. ⁴ Ny ona mihevitsa anahy salamin'ny mirorogna agny an-davaka; lihilahy tsa mba manan-kery aho. ⁵ Nafoy niaraka tamin'ny maty aho; iaho de koa maty ao am-pasagna, ze tsa nivakianao loha koa satria nalainao niala tamin'ny herinao reo. ⁶ Natoatsanao tagny amin'ny farany ambanin'ny lavaka , ao amin'ny aizigna sy toerana laligna aho. ⁷ Mavesatsa aminahy ny fahatizeranao, de migetraka eto aminahy aby ny ojanao. Sela ⁸ Noho Agnao, de milefa anahy ze mariny anahy. Efa nataonao ho fijery manafitohigna andreo aho. Voafandrika aho sady tsa afaka hilefa. ⁹ Miha rokaka ny fahoriana ny masoko; hangaika Anao amin'ny andro lava aby aho, Yaveh, avelatso ko anao ny tagnako. ¹⁰ Hanao raha mahazendagna ho an'ny maty ve Agnao? Reo ze maty ve hitsangagna hidera Anao? Sela ¹¹ Ho lazaina ao am-pasagna ve ny famindram-ponao, de ny tsa fivadihanao agny amin'ny toeran'ny maty? ¹² Ho fantatsa agny amin'ny aizigna ve reo asa mahagaganao, leko ny fahamarinanao agny amin'ny toeran'ny fagnadinoana? ¹³ Fa mitagny aminao an'iaho, Yaveh; ho avy eo agnatrehanao ny fivavako sy maraigna. ¹⁴ Yaveh, nahoana iaho ro lavinao? Nahoana ro asitrikao aminahy ny tavanao? ¹⁵ Efa nampahoriana hiany iaho ro seky maty tamin'ny fahatanorako. Nampijalian'ny horohoronao aho; de mamoy fo. ¹⁶ Fa nandalo taminahy teo ny fihetsika niaraka amin'ny fahasiahana. Efa nandringagna anahy ny asa mampihorohoronao. ¹⁷ Nameno anahy salamin'ny rano isan'andro aby reo; efa nagnodidign anahy aby reo. ¹⁸ Efa nampagnalavirinao anahy ny sakaiza sy ny mariny anahy aby. Sady ny famaizana hiany ro mariny anahy.