¹ Mitainoa, Yave oh, de mamale anahy, fa mahantra sy mijaly aho. ² Arovo aho, fa tsa mpivadika; Andriamagnitso, vonjeo ny mpanomponao ze mitoky aminao. ³ Mamindrà fo aminahy, Tompo oh, fa mitagny aminao andro lava mihintsy aho. ⁴ Ampifaleo ny mpanomponao, fa aminao ro hivavahako, Tompo o. ⁵ Soa, Agnao, Tompo oh, sady vonona hamela heloka, ary magnatoro famindram-po lihibe ho an'ze mitaraigna aminao Agnao. ⁶ Yaveh, mitainoa ny fivavako; mandrinesa ny ny feon'ny fangatahako. ⁷ Mangaika Anao aho tamin'nny androm-pahoriako, de hamaly anahy agnao. ⁸ Tsa misy leko raika aza azo ampitoviana Aminao amireo andriamagnitsa, Tompo oh. Tsa misy asa sahalamin'ny asanao. ⁹ Ny firenena aby ze efa namboarinao de ho avy handohalika eo agnatrehanao, Tompo oh. De hagnome voninahitsa ny agnaranao reo. ¹⁰ Fa lehibe agnao sady manao raha mahazendagna; Agnao rery ro Andriamagnitsa. ¹¹ Ampianaro anahy reo lalanao, Yaveh oh. De ho roso amin'ny fahamarinana aho. Ampiraiso ny foko mba hanoroako fagnajana aminao. ¹² Tompo oh Andriamagnitsa oh, hidera anao amin'ny foko manotolo aho; hagnome voninahitsa ny agnaranao mandrakizay aho. ¹³ Fa lihibe ny famindram-ponao aminahy; efa namonjy ny aiko tamin'ny halalin'ny fiagnan-tsy hita Agnao. ¹⁴ Andriamagnitsa o, efa nitsangagna hanohitsa anahy ny mpiavognavogna. Ny andian'ona mahery setra mifofo ny aiko. Tsa mba mihevitsa Anao reo. ¹⁵ Fa Agnao Tompo oh, Andriamagnitsa mpamindra fo sy be fahasoavana, mahari-po sady be famindram-po sy mendrim-pitokiana. ¹⁶ mihireha aminahy de managna indra-fo; omeo ny herinao ny mpanomponao; vonjeo ny zanaka lahin'ny mpanompovavinao. ¹⁷ Aneho famantarana ny sitrakao aho. Reo ze mankahala anahy de hahita anizay de ho megnatsa satria AgnaoYaveh, efa nagnampy anahy sy nampionona anahy.