¹ Yaveh o, efa nagnatoro sitraka tamin'ny taninao Agnao; napodinao tamin'ny laoniny ny fifalen'i Jakoba. ² Efa naelanao ny heloky ny olonao; efa nosarognanao ny otan-dreo aby. Sela ³ Efa nagnalaka nyfahavigniranao Agnao; efa niala tamin'ny hatizerna mahamay agnao. ⁴ Apodiano agnay, Andriamagnitsy ny famonjena anay, ary aoka hiala aminay ny tsa fahafalianao, hasiaka aminay mandrakizay ve Agnao? ⁵ De hitoatsa hasiaka amin'ny taranaka mandimby aby manotolo ze ho avy ve Agnao? ⁶ Tsa hamellogna anay ndraika koa ve Agnao? De ho faly aminao ny vahoakanao. ⁷ Atorò anay ny famindram-ponao, Yaveh, tantiraho aminay ny famonjenao. ⁸ iheno ze tarògnin' Yaveh Andriamagnitsa aho, fa hihavana amin'ny onany I, sy reo mpanara-dia mahatokiny. Eko tsa hopody amin'ny lalan'ny fahadalàna ndraika koa reo. ⁹ Ny famonjeny de azo antoka fa eo agnilan'ny ze matahotra Anazy; de hitoatsa amin'ny taninay ny voninahitsa. ¹⁰ Nifanojo ny fifagnekena mahatoky sy ny fahamendreham-pitokiana; efa nifampitohoka ny fahamarinana sy ny fiadagnana. ¹¹ Miboiboika avy amin'ny tany ny fahamendreham-pitokiana, ary fahamarinana mitsirika hategny amin'ny lagnitsa. ¹² Eka, Yaveh hagnome reo fitahiany soa, sady hamokatsa ny taninay. ¹³ Ny fahamarinana handeha eo alohany, sady hanao lalagna ho anny diany.