¹ Andriamagnitsa o, aza mangigna! Aza manao tsinotsinona anay ary mitoera fa aza mamitsaka, Andriamagnitsa o. ² Io, mikomy ny fahavalonao, sady reo ze manakahala anao de efa nampitraka ny lohany. ³ Mitetika hanohitsa ny olonao reo ro niara-nikasa ny hanohitsa reo voaaronao. ⁴ Efa nitarogna reo hoe:" Avia , de andao atsika hamotika andreo salamin'ny firenena raika. De tsa ho tsaroana koa ny agnaran'Israely." ⁵ De niara nitetika paik'ady raika reo; ko nitraoka hanohitsa Anao. ⁶ De ny lain'i Egoma sy ny Ismaelita, ary ny vahoakan'i Moaba sy reo Hagrita, ze niara-niteti-dratsy tamin'i ⁷ Gebala, Amona, Amaleka; de ny filistia sy reo mponin'ny Tyro. ⁸ Nitraoka tamin-dreo hiany koa Asyria; manampy ny taranak'i Lota reo. Sela ⁹ Ataovy amin-dreo salamin'ny nataonao tamin'i Mediana, ary tahaka ny nataonao tamin'i Sisera sy tamin'i Jabina tao amin'ny ony Kisona. ¹⁰ Maty tagny En-dora reo sady roso salamin'ny zezika ho an'ny tany. ¹¹ Ataovy salamin'i Oreba sy Zeba ny mpanapan-dreo,sady salamin'i Zeba sy Zalmona ny andrian-dreo aby manotolo. ¹² Hoy reo hoe: "Andao alaintsika ho antsika ny tany fihinanam-bilognan'Andriamagnitsa." ¹³ Andriamagnitso o, ataovy salain'ny tadio, salamin'ny akofa eo eo alohan'ny rivotsa, ¹⁴ salamin'ny afo mandoro ny ala, ary salamin'ny lelan'afo ze mampirehitsa ny tendrombohitsa reo. ¹⁵ Hazao amin'ny rivotsa amin'ny rivo-maherinao reo, de ampihorohoro amin'ny tafio-drivotsao. ¹⁶ Fino hegnatsa ny tavan-dreo mba hitadiavany ny agnaranao, Yaveh o. ¹⁷ Ho megnatsa sy hangorohoromandrakizay anie reo; ary ho maty agnaty fahafaham-baraka. ¹⁸ De ho fantan-dreo fa Agnao rery hiany, Yaveh,ro Avo Ndrindra manerana ny tany aby.