¹ Mihirà mahery ho an'Andriamagnitsa heritsika;mangeha mahery amin'ny hafaliana ho an'Andriamagnits'i Jakoba. ² Venteso ny hira de vilezo ny apongatapaka, ny lokanga mahafinaritsa miaraka amin'ny valiha. ³ Tsofy ny tandrok'anjomara amin'ny andron'ny volagna vaovao, amin'ny volagna fenomanana, sy miatomboka ny andro firavoravoantsika. ⁴ Fa lalàna ho an'Israely zay, didy nomen'Andriamagnits'I Jakoba. ⁵ Nampiengany ho fitsipika ao amin'i Josefa zay sy nandeha nanohitsa ny tany Egypta i, sy nandrinesako feo tsa fantako: ⁶ Nalaiko ny enta-mavasatsa teo an-tsorony, afaka tamin'ny fitagnana harogna ny tagnany. ⁷ Nangaika mahery tao agnatin'ny alahelonao agnao, de namonjy anao Aho; namaly anao tamin'ny kotro-drahogna mezigna Aho. Nitsapa anao tao amin'ny ranon'I Meriba Aho. Sela ⁸ Mitainoa, ra vahoakako, fa hampitandrigna agnareo aho, ra Israely, lehe mba nihaino Anahy mako agnareo! ⁹ Tsa tokony hisy andriamagni-kafa eo aminareo; tsa mahazo manompo andriamagni-kafa agnareo. ¹⁰ Iaho ro Yaveh Andriamagnitsareo, ze nitondra anareo hatagny amin'ny tany Egypta. Vohao midagnadagna ny vavanareo, de hameno anzay Aho. ¹¹ Fa tsa nihaino ny taroko ny oloko, tsa nankatò Anahy ny Israely. ¹² Ko de natolotso teo amin'ny hamafisan-dohan-dreo hiany reo mba hahafahany manao ze hitany fa mety aminazy. ¹³ Eh, lehe mba mihaino anahy ny oloko; eh, lehe mba andeha tamin'ny lalako ny oloko. ¹⁴ De haringako malaky ny fahavalon-dreode hahinjitso hanohitsa ny mpampahory andreo ny tagnako. ¹⁵ Enga anie reo ze mankahala an'i Yaveh hiankohoka amin-tahotsa eo agnatrehany! Ho megnatsa mandrakizay mandrakizay anie reo. ¹⁶ Ho fahanako vary soa ndrindra ny Israely; homeko fahafaham-po amin'ny tintely avy amin'ny vatolaampy agnareo."