¹ Mitainoa, ra mpiandry ny Israely, Agnao ze mitarika an'i Josefa ho toy ny andian'ondry; Agnao ze mitoatsa eo ambonin'ny Kerobima, mamirapiratsa eo aminay! ² Eo imason'i Efraima sy Benjamina ary Manase, ampiharo ny fahefanao; miavia de vonjeo agnay. ³ Andriamagnitsa o, ampodiano agnay; ampamirapirato aminay ny tavanao, de ho voavonjy agnay. ⁴ Ry Yaveh Andriamagnitsa tompon'ny rehagna, sy viana Agnao ro hasiaka amin'ny olonao lehe mivavaka reo? ⁵ Agnao efa namahagna andreo tamin'ny mofon-dranomaso sady nagnome andreo ranomaso fatratsa hosotroany. ⁶ Manao anay ho raha hifandirana ho an'ny namany aminay Agnao, ary ny fahavalonay mihehy ny momba anay eo amindreo. ⁷ Ry Andriamagnitsa tompon'ny maro o, apodianao agnay; ampamirapirato aminay ny tavanao, de ho voavony agnay. ⁸ Agnao nitondra voaloboka avy tagny Egypta; ko nandroaka reo firenena sy namboly anzany. ⁹ Nagnadio ny tany ho amin'zay Agnao; nitombo faka zay de nameno ny tany. ¹⁰ Voarakotsy ny alokaloka ny tendrombohitsa, reo sederan'Andriamagnitsa alofan'ny sapany. ¹¹ Naparitany hatagny amin'ny ranomasina reo sapany de ny sakeliny tamin'ny Ony Efroata. ¹² Nahona ro noravanao ny mandany mba hiotazan-dreo ze mandalo aby ny voany. ¹³ Reo lambo hatagny agn'ala manimba anizay, de ny bibin'ny saha mihinagna anizay. ¹⁴ Mipodiana, Andriamagnitsa tompon'ny maro o; tsinjovy hategny an-dagnitsa de diniho sy karakarao ty voaloboka ty. ¹⁵ Ty ro fakany ze nambolen'ny tagnanao ankavagnana, ny sampany ze nampitsirianao. ¹⁶ Dinoro zay sady tinapaka; maty nohon'ny fahasiahana reo. ¹⁷ Ny tagnanao anie ho eo amin'ny olon'ny tagnanao ankavagnana, zanak'ona ze nampahirezinao ho Anao. ¹⁸ De tsa hiala Aminao agnay; vilomy ndraika agnay, de hangaika ny agnaranao. ¹⁹ Yaveh Andriamagnitsa tompon'ny maro, ampodiano agnay, ampamirapirato aminay ny tavanao, de ho voavonjy agnay.