¹ Maskila nataon'i Asafa. Mihinoa ny fampianarako, ra vahoakako, tainò reo tarogna aloaky ny vavako. ² Hamoha ny vavako amin'ny fagnoharana aho; hihira mahakasika ny zava-miafigna momban'ny raha taloha aho. ³ Zay de raha 'fa henonay sy 'fa nianaranay, raha efa tinaron'ny razambebay anay. ⁴ Tsa hanitrika an'reo amin'ny taranany agnay. Hitarogninay amireo taranaka mandimby reo ny asa mendrim-piderana nataon'i Yaveh, ny heriny, de reo raha mahagaga efa vitany. ⁵ Fa nametraka didim-mpagnikena tamin'i Jakoba I, sady nanendry lalána tagny Israely. Nandidy reo razambenay I mba hampianatsa an'ireo amin'ny zanany. ⁶ Nandidy an'zay I mba hahalalan'reo taranaka handimby reo didiny, de reo zanaka vona tsa teraka , zay tokony hitory anzao amin'ny zanany hiany. ⁷ DE hametraka ny fagnatignany amin'Andriamagnitsa reo ko tsa hagnadigno ny asany, fa hitandrigna ny didiny. ⁸ ko de tsa ho sahalamin'ny razambeny, ze mahery loha sy taranaka mpikomy, taranaka tsa mahintsy fo, tsa nanolotsa ny fagnahiny sy tsa nitoky tamin'Andriamagnitsa reo. ⁹ Reo Efraimita de nitondra tsipìka, feny nihemotsa reo tamin'ny andron'ny ady. ¹⁰ Tsa nitandrigna ny fagnekena tamin'Andriamagnitsa reo,sady nandà ny nankatò ny lalàny. ¹¹ Nagnadigno reo asany, reo raha-mahazendagna efa natorony andreo. ¹² Nagnadigno reo raha maha-zendagna ze nataony teo imason'ny razambeny, tagny amin'ny tany Egypta, tany amin'ny tanin'i Ziona reo. ¹³ Nagnasaraka ny ranomasina I sady nitondra andreo namakivaky anizay; nataony nitsangagna salamin'ny manda ny rano. ¹⁴ Rahogna ro nitarihany Andreo sy atoandro, tamin'ny afo mazava sy aligna. ¹⁵ Vinakiny ny vatolampy tagny agn'efitsa, moment rano be fatratsa reo, ampy haminoana ny ranomasina. ¹⁶ Nampikororoka rano avy tamin'ny vatolampy I sady nataony nogororoka Tahaka ny renirano zay. ¹⁷ Nefa de vona nanohy nanota taminazy hiany reo, fikomiana tamin'ny Avo indrindra tagny agn'efitsa. ¹⁸ Nihatsy ady an'Andriamagnitsa reo, tamin'ny alalan'ny fangatahan-kanina mba hahavoky andreo. ¹⁹ Nitarogna nanohitsa an'Andriamagnitsa reo; zao ro nataon-dreo hoa:" Afaka mamelatsa latabatsa ho anay agny agn'efitsa tokoa ve Andriamagnitsa? ²⁰ Jireo, lehe namaky ny vatolampy I, deniraraka ny rano sady nikororoka nandifotsa. Feny afaka magnome mofo koa ve I? Hamatsy hena ho an'ny vahoakany ve I?" ²¹ Sy ren'I Yaveh zay, de nasiaka I; de dinorony tamin'ny afo Jakoba,sady namely ny Israely ny hasosorany, ²² satria reo de tsa nino an'Andriamagnitsa sady tsa natoky ny famonjeny. ²³ Feny nandidy ny habakabaka ambony I sady namoha ny varavaran'ny lagnitsa. ²⁴ Nandraraka mana salamin'ny ranon'oragna mba hohanin-dreo I, sady nagnome vary andreo hatagny an-dagnitsa. ²⁵ Nihinagna ny mofon'anjely by vahoaka. Nandefa hanim-be ho andreo I. ²⁶ Nampitsoka ny rivotsa avy hatagny atsignanana tegny amin'ny habakabaka I, sady tamin'ny alalan'ny heriny ro nibekoany my rivotsa hatagny atsimo. ²⁷ Nanotraka hena teo amindreo tahaka ny vovoka I, vorogna be salamin'ny fasi-dranomasina. ²⁸ Reo de nitrotraka teo ampovoan'ny tobin-dreo, nagnodidigna by laing aby. ²⁹ De nihinagna reo ko voky. Nomeny andreo ze niriany fatratsa. ³⁰ Feny vona tsa afa-po hiany reo; ny haniny nefa vona tegny am-bavany. ³¹ Ko de namely andreo ny fahatezeran 'Andriamagnitsa ary namono ny matanjaka indrindra tamindreo. Nandalo ny kilonga lahin'Israely I. ³² Leko de teo aza zay,de vona nanota hiany reo, tsa nino reo asa mahazendagna. ³³ Noho zay Andriamagnitsa nagnafohy ny androndreo; ary feno horohoro ny taognany. ³⁴ Lehe nampahorian'Andriamagnitsa reo, de nanomboka nitadia Anazy, sady nipody nitadia Anazy fatratsa. ³⁵ Ho tsaroan-dreo fa Andriamagnitsa ro vatolampin-dreo sady Andriamagnitsa Avo Ndrindra ro mpamonjy anazy. ³⁶ Feny mody manao vava malemy Aminazy reo sady handenga Aminazy amin'ny fitarognandreo. ³⁷ Satria ny fondreo vona tsa niorigna tanteraka taminazy, sady sady reo tsa nitagna ny fagnikeny. ³⁸ Fa I kosa, amin'ny maha mpamindra fo, de namela ny helo-dreo ro tsa namotika andreo. Eka, matetika I ro mitagna ny hasosorany, ra sady tsa nagnetsika ny fahavignirany aby manotolo. ³⁹ Tsaroany fa reo de tamin'ny nofo, rivotsa mandalo sady tsa mipody koa. ⁴⁰ Impiry moa reo ro nikomy hanohiotsa Anazy tagny agn'efitsa sady nampalahelo Anazy tagny amin'ny tany ngazagna! ⁴¹ Nandragotsa an'i Yaveh hiany ko roso nanafitohigna an'i Ray Masin'Israely. ⁴² Tsa nisaigna ny amin'nby heriny reo, tamin'ny nagnavotany andreo tamin'ny fahavalony, ⁴³ lehe nagnatanteraka reo famantarany mampihorohoro tagny Egypta sy reo raha mahazendagna tagny amin'ny faritanin'i Ziona I. ⁴⁴ Navadiny ho rà ny onin'i Egypta mba tsa hahafahandreo misotro eo amin'ny renirano. ⁴⁵ Nandefa andian-dalitsa nandevogna andreo I sy sahogna niely tamin'ny tanindreo. ⁴⁶ Nomeny ny sompanga ny fambolen-dreo ny sasany nomeny valala. ⁴⁷ Pinotiny tamin'ny havandra ny voalobon-dreo sady ny aviaviny tamin'ny havandra be. ⁴⁸ Nandraraka havandra tamin'ny biby fiompin-dreo sy varatsa tamin'ny ondry aman'osin-dreo I. ⁴⁹ Nanjera andreo tamin'ny firihetan'ny fahasosorany. Nandefa ny fahavignirana, hatizerana, sady fahoriana tahaka ny andiany mitondra loza I. ⁵⁰ Nagnamarigna ny lalagna ho an'ny fahatizerany I; tsa niaro andreo tamin'ny fahafatesana I; fa nanolotsa andreo amin'ny areti-mandringagna. ⁵¹ Vinonony aby ny lahimatoa tao Egypta , ny voalohan-teraky ny herin-dreo tao an-dain'i Hama. ⁵² Nitondra ny olony nienga salamin'ny ondry I sady nitarika sndreo tagny agn'efitsa salamin'ny andian'ondry. ⁵³ Niferiny am-pilamignana reo ko tsa natahotsa, fa ranomasina nandifotsa ny fahavalony. ⁵⁴ Nitondra an-dreo tagny amoron'ny tany masina I,tamizay tendrom-bohitsa zay hazan'ny tagnany ankavagnana zay. ⁵⁵ Drinokany reo firenena teo alohan-dreo sady tinendriny ho lovany. Nampitoatsa reo fokon'israely tao an-dain-dreo I. ⁵⁶ Nefa nandrangotsa sy nandá an'Andriamagnitsa Avo Ndindra reo sady tsa nitandrigna reo didy masiny. ⁵⁷ Tsa natoky reo sady nivadika salamin'ny razany; nania salamin'ny tsipìka manjiona reo. ⁵⁸ Satria reo nampasiaka Anazy tamin'ny fitoerana avon-dreo sady nihantsy ny hasarotam-piarony tamin'ny sampy. ⁵⁹ Sy nandre an'zay Andriamagnitsa, de nasiaka sy nandà tateraka an'Israely. ⁶⁰ Namela ny fitoerana masina tao Silo I, de ny lay ze nitoerany teo amin'ny vahoaka. ⁶¹ Namela ny tanjany ho babo I, ro nagnome ny voninahiny ho eo an-tagnan'ny fahavalo. ⁶² Nanolotsa ny olony ho amin'ny sabatsa I, ary nasiaka tamin'ny lovany. ⁶³ Ny afo nandevogna ny kilongalahiny, ary ny kilongampelany tsa mba nanagna hira fampakarana. ⁶⁴ Lavon'ny sabatsa reo mpisorognany, sady tsa naha-tomagny reo mpitondrategnan-dreo. ⁶⁵ Sy ahateo de nifoha salamin'ny mpiady mangaingaika nohon'ny divay. ⁶⁶ De nandroaka reo fahavalony I; ary nametraka an-dreo ho amin'ny hegnatsa mandrakizay. ⁶⁷ Nolaviny ny lain'i Josefa, sady tsa nifidy ny fokon'i Efraima I. ⁶⁸ Ny fokon'i Joda sy ny tendrombohitsa Ziona tiany ro nofinidiny. ⁶⁹ Nagnorigna ny fitoerany masina salamin'ny lagnitsa i, ary salamin'ny tany ze efa naoriny mandrakizay. ⁷⁰ Nifidy an'i Davida, mpanompony I, ary nagnalaka anazy avy tagny am-balan'ondry. ⁷¹ Nagnalaka anazy avy tamin'ny fagnarahana reo ondry vavy miaraka amin'ny zanany I, sady nitondra anazy ho mpiandry an'i Jakoba , vahoakany,vahoakany, sy an'Israely, lovany. ⁷² Niandry anazy tamin'ny fahitsian'ny fony i Davida, ary nitondra andreo tamin'ny fahaizan'ny tagnany.