¹ Ho an'ny mpiventy hira; araka ny fomban'i Jedotona. Salamo nataon'i Asafa. Hangaika mahery an'Andriamagnitsa amin'ny feoko aho; Hangnaika an'Andriamagnitsa amin'ny feoko aho, de handre anahy ny Andriamagnitso. ² Nitadia ny Tompo aho tamin'ny androm-pahoriako; naninjitsa ny tagnako aho sy aligna, ro tsa nety rokaka. Tsa nety nampiononina ny fagnahiko. ³ Nieritseritsa an'Andriamagnitsa teo am-pisentoana aho; nieritseritsa ny momba an'Azy aho sy niha antitsa. Sela ⁴ Notananao tsa hikipy ny masoko; ory tateraka aho lehe hitarogna. ⁵ Nisaintsaigna ny andro taloha aho, ny fotoagna be taloha. ⁶ Andrak'aligna de nahatsiahy ny hira nohiraiko ndraika mandeha aho. Nandinika soa aho sady niezaka nanakatsa ze niseho. ⁷ Handà anahy mandrakizay ve ny Tompo? Tsa hankasitraka anahy koa ve I? ⁸ Moa ve tsa roso mandrakizay ny fitiavany? Moa ve tsa foagna ny fampagnatignany? ⁹ Moa ve Andriamagnitsa efa nagnadigno ny maha mpamindra fo? Moa ve ny fahatezerany efa nagnidy ny fangoraham-pony? Sela ¹⁰ Hoy iaho hoe:"Zao ro alaheloko: de ny fiovan'ny tagnana ankavagnan'ny Avo Indrindra mihoagny amitsika." ¹¹ Fa ho tsaroakao ny asanao, Yaveh; hisaigna ny amin'ny asanao zey mahazendagna taloha aho. ¹² Hisaitsaigna reo asanao aby manotolo aho ko handinika andreo. ¹³ Ny lalanao Andriamagnitsa o, ro masina; andriamagnitsa ina moa ro hampitahaina amin'Andriamagnitsa lihibe? ¹⁴ Agnao ro Andriamagnitsa ze manao raha mahazendagna; efa nagnatoro ny herinao teo amin'olonao agnao. ¹⁵ Nagnome fandresena ny vahoakanao tamin'ny alalan'ny herinao lihibe Agnao, de reo taranak'i Jakoba sy Josefa. ¹⁶ rano nahita anao, Andriamagnitsa o; nahita anao ny rano, de reki-tahotsa; nihorohoro ny laligna. ¹⁷ Nandraraka ranon'oragna ny rahogna. Ny habakabaka feno rahogna namoaka feo; Nifagnaretsaka ny tsipìkanao. ¹⁸ Ny feonao mikotroka de re amin'ny rivotsa; ny tselatsa nagnazava ny tany; nihorohoro sy nagnozongozogna ny tany. ¹⁹ Nandalo tamin'ny ranomasina ny lalanao sady ny didinao tamin'ny ranon manonja, feny tsa hita ny dia-tongotsao. ²⁰ Nitondra ny vahoakanao salamin'ny biby fiompy tamin'ny alalan'ny tagnan'i Mosesy sy Arona Agnao.