¹ Saotsa ro atolotsay Anao, Andriamagnitsa o;saotsa ro atolotsay, satria milaza ny fagnatrehanao Agnao; ny ona milaza ny asanao zay mahazendagna. ² Hitsara ara-drariny aho amin'ny fotoagna voatendry. ³ Leko de hihovitsovitsa amin-tahotsa aza ny tany sy ny mponogna manotolo, de hamafisiko reo andrin'ny tany. Sela ⁴ Hoy aho amin'ny mpiavognavogna hoe: " Aza miavognavogna", ary amin'ny ratsy fagnahy hoe: " Aza manandratsa ny tandroka. ⁵ Aza manandratsa ny tandrokao amin'ny avo; aza mitarogna amin'ny hatoka mpagnambany." ⁶ Tsa avy agn' antsignanagna zao na hatagn'andrefana,ary tsa avy hatagn'agnefitsa mihintsy ro niavian'izay fanandratana zay. ⁷ Fa Andriamagnitsa ro mpitsara; I ro magnetry sady I ro manandratsa. ⁸ Fa Yaveh mitagna amin'ny tagnany ny kapoaky ny divay mandroatsa, zay voaharo hagnitsa, sy mandraraka an'izay. Hisotro an'zay hatamin'ny fara-fekany tokoa ny ratsy fagnahy aby manotolo amin'ny tany. ⁹ Fa iaho aloha hitarogna hiany ze nataonao; hihira fiderana ho an'Andriamagnits'i Jakoba aho. ¹⁰ Hoy I hoe:" Hanapaka ny tandroky ny ratsy fagnahy aby Aho, fa ny tandroky ny ona marina ho asandratsa ambony."