¹ Salamo nataon'i Asafa. Azo antoka tokoa fa Andriamagnitsa de soa ho an'Israely, ho an'ze madio fo. ² Fa lehe iaho aloha, de seky niborisaka ny tongoko; seky soloaka ny diako ³ satria nitsiriritsa by mpirehareha aho sy nahita ny fahombiazan'NY ratsy fagnahy. ⁴ Fa tsa mba mijaly reo mandra-pahafatiny, fa de mahery sy voafahagna soa. ⁵ Afaka amin'ny enta-mavesatsy by lihilahy hafa reo; tsa mba ory salan'ny ona hafa ⁶ Mandravaka rojo andreo tahakan'ny eo amin'ny vozony ny fireharehana; my herisetra ro tagnany salamin'ny akanjo. ⁷ Hatagny amin'ny fahajambana salamizay to hiengan'ny ota; mamakivaky ny fon-dreo ny eritseri-dratsy. ⁸ Magneso sy mitarogna ratsy reo; amin'ny fiavognavognana to andrahoan-dreo fampahoriana. ⁹ Ampanoherin-dreo by lagnitsa ny vavany , sady mamakivaky ny tany ny lelan-dreo. ¹⁰ Nohozay de nitodika amin-dreo ny onany ko rano be ro voagoka. ¹¹ Hoy reo hoe: "Akory ro ahalalan'Andriamagnitsa? Moa misy ve ao amin'ny Avo Indrindra?" ¹² Hivero soa: reo ona reo de ratsy fagnahy; tsa mivaky loha mihintsy reo, nefa roso mpanan-karem-be. ¹³ Raha tsy mitohoka de tsy mitohoka ny niambenako ny foko sy ny nanotako ny tagnana tamin'ny tamin'ny tsa fanagnan-tsigny. ¹⁴ Fa nampahoriana sanandro lava aho sady noferina isa-maraina. ¹⁵ Lehe nitarogna aho hoe:"Hotarogniko reo raha reo," de efa namadika ity taranaka mandimby ny zanako ty aho. ¹⁶ Leko zay aza de niezaka nagnakatsa reo raha reo aho, tena sarotsa taminahy anefa zey. ¹⁷ Koa nandeha tao am-pitoerana masin'Andriamagnitsa tao aho ko mahatakatsa ny nanao an-dreo ¹⁸ Natoatsanao tamin'ny toerana malema tokoa reo ; naetrinao tamin'ny faharavana reo. ¹⁹ So de roso karakaina tagnatin'ny fotoagna fohy reo! Roso amin'ny fahataperana reo sady miafara amin'ny horohoro mahafandriandriagna. ²⁰ Sahalan'ny nofy afaran'ny fifohazana reo; Tompo o, sy miarigna Agnao, de tsa hihevitsa na ina na ina amireo nofy ireo. ²¹ Fa nalahelon ny foko, sady voatsindrogna mihintsy iaho. ²² Tsa mba nahafantatsa aho ery tsa lalin-tsaigna; salamin'ny biby tsa misy fotony aho manoloagna Anao. ²³ Nefa aho miaraka aminao hiany; mitagna ny tagnako Agnao. ²⁴ Hitarika anahy amin'ny torohevitsao Agnao sady sy afaran'izay de handray anahy amim-boninahitsa. ²⁵ Managna an'ia hafa-tsy Agnao moa aho agny an-dagnitsa agny? Tsa misy iriako indrindra hafa-tsy Agnao ety ambonin'ny tany. ²⁶ Miha-rokaka ny nofoko sy ny foko, fa herin'ny foko mandrakizay Andriamagnitsa. ²⁷ Ho levogna ze lavitsa Anao; ho ringagninao aby ze tsa matoky Anao. ²⁸ Fa lehe iaho aloha, ny tokony ho ataoko de ny magnatogna an'Andriamagnitsa. Efa nanao ny Tompo Yaveh ho fifaliako aho. Hilaza ny asanao aby manontolo aho.