¹ Salamo nataon'i Solomona. Omeo ny mpanjaka reo lalànao marina,Andriamagnitsa o, ny fahamarinanao ho an'ny zanaka lahin'ny mpanjaka. ² Hitsara ny ona amin'ny fahamarinana anie i ary ny mahantranao amin'ny rariny. ³ Hamoa fiadagnana ho an'ny ona anie reo tendrombohitsa; hamoa fahamarinana anie reo havoagna. ⁴ Hitsara ny mahantra amin'ny vahoaka i; hagnavotsa reo zanaky ny ory anie i ko hamotipotika ny mpampahory. ⁵ Hagmome voninahitsa Anao anie reo lehe vona eo koa ny masoandro, sady lehe vona eo koa ny volagna maneragna ny taranaka hifandimby aby. ⁶ Hirotsaka salan'ny oragna egny amin'ny ahitsa voatapaka anie i, salan'ny rotsak'oragna ze manondraka ny tany. ⁷ Hamogny anie ny ona marina amin'ny androny, sady hisy fiadagnam-be anie ambara-pahafoagnan'ny volagna. ⁸ Hanagna fanapahana amin'ny ranomasina mihoagny amin'ny ranomasina anie i. ⁹ Hihohoka eo agnatrehany anie reo monigna agny agn'efitsa; handohalika eo agnatrehany anie ny fahavalony de hileleka vovon-tany. ¹⁰ Handoa hetra anie reo mpanjakan'i Tarsisy sy reo nosy; hanolotsa fagnomezana anie reo mpanjakan'i Sheba sy Seba. ¹¹ ho lavo eo agnatrehany aby tokoa anie reo mpanajaka; hanompo anazy aby anie reo firenena. ¹² Fa magnavotsa ny ona ory ze mitaraigna sy ny ona mahantra tsa managna mpagnavotsa hafa i. ¹³ Mamindra fo amin'ny mahantra sy ory i, sady magnavotsa ny ain'ona ory. ¹⁴ Mamonjy ny ain'ny ze amin'ny fampahoriana sy herisetra i, sady sarobidy eo imasony ny ràn-dreo. ¹⁵ Ho velogna anie I! Homena Anazy anie ny volamenan'i Sheba. Hivavaka ho anazy hiany anie ny ona; hitahy anazy andro lava anie ny Andriamagnitsa. ¹⁶ Hisy vary fatratsa anie egny amin'ny tany; egny amin'ny tampon-tendrombohitsa anie ro hisy ny volin-dreo. Ho sahalamin'ny an'i Libanona anie ny vikatsan'zey; hamogny tahaka ny ahitsy ny saha anie ny ona ao an-tanàna. ¹⁷ Haharitsa mandrakizay anie ny agnarany; haharitsa tahaka ny masoandro anie ny agnarany; ho voatahy so aminazy anie ny ona; hangaika Anazy hoe tretrika aby ny firenena. ¹⁸ Isaorana anie Yaveh Andriamagnitsa, zey Andriamagnits'Israely, I rery ro manao raha mahazendagna. ¹⁹ Isaorana mandrakizay anie ny agnarany be voninahitsa, sady ho feno ny voninahiny anie ny tany manontolo. Amen de Amen. ²⁰ Tapitsa ny fivavahan'I Davida zanaka lahin'i Jese. Boky fahatelo