¹ Miandry an'Andriamagnitsa rery am-pahanginana iaho; hataminazy ny famonjena anahy. ² I rery ro vatolampiko sy famonjeko; I ro fiarovana ho anahy; tsa hangozohozo tokoa aho. ³ Mandra-pahoviana, agnareo aby, ro hanafika ona, mba hahafahanareo mampihozohozo anazy tahaka ny manda mirogna na fefy mihozongozogna? ⁴ Nihaogna taminazy rery reo mba hampihetry anazy amin'ny fitoerany be voninahitsa; te mitarogna lenga reo;mitsodrano anazy amin'ny vavany reo nefa magnozogna anazy agny am-pony. Sela ⁵ Miandry am-pahanginana an'Andriamagnitsa rery hiany iaho; fa mitoatsa agny Aminazy ny fagnategnako. ⁶ I rery hiany ro vatolampiko sy famonjena ho anahy; I ro fiarovako avo; de tsa hangozohozo aho. ⁷ Ao amin'Andriamagnitsa ny famonjena anahy sy ny voninahitso; ny vatolampin'ny heriko sy fialofako de ao amin'Andriamagnitsa. ⁸ Matokia Anazy amin'ny fotoagna rehetra, agnareo vahoaka;loaro eo alohany eo ny fonareo; de ho fialofantsika Andriamagnitsa. Fiatoana sy fiderana. ⁹ Tsa misy dikany ny ona ambany,de reo ona ambony de lenga; Lehe lanjaina miaraka,de mevagna noho ny tsa misy reo. ¹⁰ Aza matoky ny fampahoriana na fandrobana; de magnategna harena tsa misy dikany, satria hilanja ny vokany reo; aza magnakigna ny fonao amindreo. ¹¹ Efa nitarogna ndraika mandeha Andriamagnitsa, indroa ro nandrasako ny hoe: an'Andriamagnitsa ny hery. ¹² Agnao hiany koa, Tompo, ro fagnekena mahatoky, fa Agnao ro mamaly ny ona tsiraindraika avy amin'ze vitany.