¹ Ho an'ny mpiventy hira; ampiarahina amin'ny valiha. Maskilan'i Davida. Manongolagna sofigna amin'ny fivavako, Andriamagnitsa o; de aza miery amin' ny fitaraignako. ² Hino aho de valio; miriorio ny eritseriko,de mitoloko aho. ³ Noho ny feon'ny fahavaloko,noho ny fampahorian'ny ratsy fagnahy; mampitondra fahoriana anahy reo de mandodditsa anahy amim-pahasiahana. ⁴ Mangorohoro agnatiko ato ny foko, de nitrotraka taminahy ny horohorom-pahafatesana. ⁵ Efa avy aminahy ny fahatahorana sy ny fangovitana, de nanafotsa anahy ny horohoro. ⁶ Hoy iaho hoe:"hee, lehe mba nanagn'elatsa salamin'ny voromahilala manko iaho! De nitsidigna iaho de ho agny amin'ny fitsaharana. ⁷ Ity, nirenireny lavitsa tokoa iaho; niegnina agny agn'efitsa. Sela ⁸ Ho roso malaky iaho hamonjy fialofana. Mba tsa ho hazan'ny tafio-drivotsa sy ranon'oram-baratsa ." ⁹ Ringano i, Tompo o, ampifangaro ny fitarognany! Fa efa nahita herisetra sy fifandirana tan-tanana ao iaho. ¹⁰ Mandehandeha andro aman'aligna eo ambonin'ny mandan'zay reo. ¹¹ Heloka sy sopatsa ro agnivon'izay. Faharatsiana ro eo ; tsa miala amin'ny tsenany ny fampahoriana sy fitaka. ¹² Fa tsa fahavalo ro nitarogna mahery anahy, lehe tsa zey de afaka niaritsa hiany iaho; ary tsa ny mankahala anahy ro nitsangagna hanohitsa anahy, lehe tsa zey de afaka nanitrika ny tegnako taminazy hiany iaho. ¹³ Fa agnao ndrindra, lihilahy mitovy saranga aminahy. Namako sakaizako ndrindra. ¹⁴ Nanagna fiombognana mamy atsika;nandeha tao an-dragnon'Andriamagnitsa niaraka tamin'ona atsika. ¹⁵ Avilao hanapoka anazy ny fahafatesana .Avilao ho hirorogna velogna agny amin'ny fiainan-tsy hita reo,satria faharatsiana ro itoeran-dreo, na aia na aia misy andreo. ¹⁶ Lehe aho aloha,de hangaika an'Andriamagnitsa aho, de Yaveh hagnavotsa anahy. ¹⁷ Mitaraigna sy mitoloko aho amin'ny hariva, ny maraigna sy ny mitatao vovognana;de handre ny feoko I. ¹⁸ Hamonjy ny fiaignako soa amatsara i amin'ny ady ze nanohitsa anahy, fa be reo ze niady taminahy. ²⁰ Nanandra-tagnana hamely ze nihavana taminazy ny sakaizako;tsa nagnaja ny fagnikena ze nanagnany i. ²¹ Nalama salamin'ny dibera ny vavany, nefa nankahala ny fony; Malambo salamin'ny diloilo ny tarony, nefa kay sabatsa natsatotsatoka reo. ²² Apitraho amin'Yaveh ny enta-mavesatsanao, de hanohagna anao I; tsa hamela ny ona-marina hangozohozo mihintsy I. ²³ Fa Agnao, Andriamagnitsa o, ro handrorogna ny ratsy fagnahy agny an-davaky ny fahapotehana; reo mangetaheta ra sy reo ona mpamitaka de tsa hiaigna mihintsy leko antsasaky ny an'ny hafa aza,fa iaho kosa hatoky Anao.