¹ Mamindrà fo aminahy, Andriamagnitsa o, fa manafika anahy reo lihilahy! Reo miady aminahy manery mihintsy ny fanafihany andro lava. ² Mandia anahy andro lava aby ny fahavaloko; fa be reo miady aminahy amim-pireharehana. ³ Lehe matahotsa aho, de hapetrako aminao ny tokiko. ⁴ Amin'Andriamagnitsa, ro iderako ny tarony; amin'Andriamagnitsa ro efa nametrahako ny tokiko; tsa hatahotsa aho; ina ro hataon'ny nofo aminahy? ⁵ Mandika vilagna ny taroko andro lava reo; manohitsa anahy amin'ny fisaignan-dratsy aby reo. ⁶ Mikambagna reo, miery reo, de mitsongo dia anahy, satria mikendry ny aiko. ⁷ Aza avela hilefa amin'ny fanaovan-dratsy reo reo. Reseo amin'ny hatizeranao ny ona, Andriamagnitsa o. ⁸ Magnisa ny firenireneko Agnao de manao ny ranomasoko ao an-tavoahanginao; moa tsa voasoratsa ao amin'ny bokinao ve reo? ⁹ Ko de hipody reo fahavaloko amin'ny andro ze hangehako Anao; fantako zay, fa hiady ho anahy Andriamagnitsa, ¹⁰ Amin'Andriamagnitsa ro iderko ny tarony, amin'i Yaveh ro iderako ny tarony, ¹¹ amin'Andriamagnitsa ro itokiako, de tsa hatahotsa aho. Ina ro azon'ona atao aminahy? ¹² Aminahy ato ny adidy hagnatanterahana ny voadiko aminao, Andriamagnitsa o; hanolotsa fagnati-pisaorana ho anao aho. ¹³ Fa efa namonjy ny fiagnako tamin'ny fahafatesana Agnao; nitagna ny tongoko tamin'ny figitrahana Agnao, mba hahafahako mandeha eo agnatrehan'Andriamagnitsa amin'ny fahazavan'ny velogna.