¹ Mamindra fo aminahy, Andriamagnitsa o, noho ny fagnikenao mahatoky; noho ny amin'ny hamaroan'ny asam-pamindram-ponao, vovno ny fahadalana nataoko. ² Sasao an-tsakany sy an-davany iaho mba ho afa-keloka de diovo amin'ny fahotako. ³ Fa fantako ny heloko, ary de alohako eo mandrakariva ny fahotako. ⁴ Taminao de taminao rery, ro efa nanotako sy nahavitako raha ratsy teo imasonao; fa mahintsy Agnao lehe mitarogna; ro marina sy mitsara ⁵ Itito, teraka tamin'ny heloko iaho; lehe vona notorotoronin-dreniko, de efa tamin'ny fahotana aho. ⁶ Itito, magniry fahamendreham-pitokisana ato am-poko Agnao; ato am-poko ro hampahafantaranao anahy fahendrena. ⁷ Diovo hysopa aho,de ho madio; sasao aho,de ho fotsy mihoatsa ny oram-panala. ⁸ Ampandreneso haravoana sy fifaliana iaho mba hahafahan'ny taolako notapahinao hifaly. ⁹ Asitriho amin'ny tavanao reo otako ka afaho aby ny heloko. ¹⁰ Amorony fo madio aho, Andriamagnitsa o, ary havaozy fagnahy marina ny ato agnatiko. ¹¹ Aza alavirina amin'ny fagnatrehanao aho, de aza alaina aminahy ny Fgnahinao masina. ¹² Ampodiano aminahy ny fifaliana amin'ny famonjenao, de tohagno amin'ny fagnahy vonona aho. ¹³ De hampianatsa reo mpandika lalàna ny lalanao aho, ko de hiova fo reo mpanota. ¹⁴ Mamelà anahy noho ny fandatsahan-drà Andriamagnitsy ny famonjena anahy, de hihiaka ny fifalian'ny fahamarinanao aho. ¹⁵ Tompo o, vohao ny somiko, de hagnatoro dera ho Anao aho. ¹⁶ Fa tsa mankasitraka sorogna Agnao, leko iaho manolotsa anzao; tsa managna fahafinaretana amin'ny fagnatitsa oroana Agnao. ¹⁷ Ny fagnatits'Andriamagnitsa de fagnahy torotoro. Agnao, Andriamagnitsa o, de tsa hanao tsinintsinona ny fo torotoro sy manegnina. ¹⁸ Manaova soa amin'ny fankasitrahanao an'i Ziona; Areno ndraika ny mandan'i Jerosalema. ¹⁹ De hankasitraka reo sorom-pamarinana, amin'ny fagnatirsa oroana de reo fagnatitsa oroana aby Agnao; ko de hanolotsa ombilahy eo amin'ny alitara ny vahoakanay.