¹ Lihibe Yaveh ro tokony hoderaina indrindra, ao an-tagnan'Andriamagnitsika eo an-tendrombohiny masina. ² Avo mahafinaritsa, ny fifalian'ny tany aby, de ny tendrombohits'i Ziona, eo amin'ny ilany avaratsa, ny tanana'ny Mpanjaka lihibe. ³ Andriamagnitsa de efa nampahafantatsa ny tegnany tamin'ny lapany ho fialofana. ⁴ Fa, itito, ny mpanjaka nibotry; niara-nandalo reo. ⁵ Nahita an'zay reo,ko de talanjogna; reki-tahotsa, sy nilefa malaky. ⁶ Nahazo andreo tagny ny fangovitana, de salamin'ny hirifirin'ny apela eo am-piterahana. ⁷ Amin'ny alalan'ny rovotsa tatsignanana ro hamakianao ny sambon'i tarsisy. ⁸ Araka ny efa renay, ro hitanay ta an-tananan'i Yaveh tompon'ny maro, ta an-tananan' Andriamagnitsay; hampitoatsa anzay mandrakizay anie Andriamagnitsa. Sela ⁹ Efa nihevitsa ny momban'ny fagnikena mahatokinao agnay, Andriamagnitsa o, teo apovoan'ny tempolinao. ¹⁰ Araka ny Agnaranao, Andriamagnitsa o, de zay koa ro hiderana Anao hatagny amin'ny vazan-tany; feno fahamarinana ny tagnanao ankavagnana. ¹¹ Oka hifaly ny tendrombohits'i Ziona, oka hifaly reo zanaka vavin'i Joda noho ny didinao marina. ¹² Mandehana mihodikodigna ny tendrombohitsa Ziona, mihodikodigna aminazy; isao ny tilikambony, ¹³ hamarino soa ny mandany, de zahao reo lapany mba hahafahanao mitantara anizay amin'ny taranakao ho avy. ¹⁴ Fa io Andriamagnitsa io ro Andriamagnitsika mandrakizay doria; I ro ho tari-dalagna ho antsika hatamin'ny fahafatesana.