¹ Salamin'ny diera magniryu ny rano mikoriagna mahery, ro hetahetako ho Anao, Andriamagnitsa. ² Mangetaheta an'Andriamagnitsa aho, ho an'ny Andriamagnitsa velogna. Sy viana iaho ro ho avy sy hiseho eo agnatrehan'Andriamagnitsa? ³ Ny ranomasoko ro sakafoko andro aman'aligna, sy ny fahavaloko mitarogna aminahy isan'andro hoe: " Aia ny Andriamagnitsanareo?" ⁴ Reto raha reto ro ro ntonga de avy an-tsaiko ao lehe mandraraka ny fagnahiko aho: endriaho ny nandehanako niaraka tamin'ny vahoaka sy nitaraignako ho andreo tan-dragnon'Andriamagnitsa tao tamin'ny hikam-pifaliana sy fiderana,fankalazana be ny firavoravoana. ⁵ Nahoana rto mitanondrika agnao ry fagnahiko? Nahoana agnao ro tohigna agnatiko ao? Magnategnà an'Andriamagnitsa, fa hidera Anazy ze famonjeko ndraika iaho. ⁶ Andriamagnitso, ny fagnahiko de mitanondrika agnatiko ao, noho zey de mahatsiaro Anao aho avy amin'ny tanin'ny Jordana,amin'ny tendro telon'ny Tendrombohits'i Hermona, eko hatamin'ny havoan'i Mizara. ⁷ Ny laligna mangaika ny laligna ao amin'ny tabataban'ny riandranonao; ny onjanao sy ny alon-dranonao aby de nanafotsa anahy. ⁸ Nefa Yaveh handidy ny fagnikeny mahatoky amin'ny atoandro; ny amin'ny aligna de hiaraka aminahy ny hirany, vavaka raika ho an'Andriamagnitsy ny aiko. ⁹ Iaho hitarogna amin'Andriamagnitsa, vatolampiko hoe:" Nahoana ro de nagnadigno anahy Agnao? Nahoana ro de mandeha misaona noho ny fampahorian'ny fahavalo iaho?" ¹⁰ Salamin'ny fisian'ny sabatsa eo amin'ny taolako, ro itarognan'ny mpifagnandrigna aminahy anahy mahery, lehe mitarogna aminahy hiany reo hoe: " Aia ny Andriamagnitsareo?" ¹¹ Nahoana ro mitanondrika agnao, ry fagnahiko? Nahoana ro tohigna ato agnatiko agnao? Magnategna an'Andriamagnitsa, fa vona hidera Anazy ze famonjena ho anahy sy Andriamagnitso ndraika iaho.