¹ Salamo nataon'i Davida, mba hitondrana fahatsiarovana. Yaveh, aza mitarogna mahery anahy amin'ny fahatizeranao; aza magnasazy anahy amin'ny fahasiahanao. ² Fa mandefogna anahy ny tsipikanao, de manindry anahy ny tagnanao. ³ Marary nohon' ny fahatizeranao aby ny vatako raimanotolo; tsa misy fahasalamana ny taolako ao nohon'ny fahotako. ⁴ Fa miparitaka aminahy ny heloko; enta-mavasatsa ho anahy reo ⁵ Manaitaigna ny feriko eko mamofogna tiren'ny hadalako. ⁶ Megnatsa iaho sady afa-baraka isan'andro; misaona isan'andro lava iaho. ⁷ Fa agnatiko ao, de feno firehetana, tsa misy fahasalamana amin'ny nofoko ao. ⁸ Rokaka aho sady torotoro tokoa; misento nohon'ny fangirifiriakn'ny foko aho. ⁹ Tompo o, fantatsao ny fagnirina laligna indrindra am-poko ao, eko tsa misy misitrika aminao ny sentoko. ¹⁰ Midobodoboka ny foko, miha-malazo ny heriko, pahigna ny fahitan'ny masoko. ¹¹ Ny sakaizako sy ny mpiara-mitory aminahy de magnalavitsa anahy noho ny raha misy aminahy; mijoro mihataka anahy reo namako. ¹² Mamelatsa fandrika ho anahy reo ze mikendry ny aiko. Reo ze mikendry ny handratsa anahy de miresaka fahapotehana ko milaza teny fitaka ny tontolon'ny androny. ¹³ Fa iaho, salamin'ona maregnina ro tsa mahare na ina na ina; salamin'ny ona moagna tsa mnitarogna ina. ¹⁴ Salamin'ny lihilahy tsa mandre sy tsa managna valin-teny iaho. ¹⁵ Miandry Anao tokoa iaho, Yaveh; hamaly Agnao, Tompo Andriamagnitso. ¹⁶ Mitarogna anizay iaho mba tsa ho faly ny fahavaloko. Lehe soloaka ny tongoko, de hanao zava-doza aminahy reo. ¹⁷ Fa efa totoitsa iaho, eko manaintaigna hiany. ¹⁸ Mieky ny heloko iaho; magnahy ny amin'ny fahotako aho. ¹⁹ Nefa be reo fahavaloko; be reo mankahala anahy tsa ahon-tsa ahoana. ²⁰ Mamaly ratsy anahy reo noho ny soa ; mitoraka fiampangana anahy reo leko de nagnorika ny soa aza iaho ²¹ Aza mamela anahy, Yaveh ; Andriamagnitso, aza magnalavitsa anahy. ²² Miavia malaky hamonjy anahy, Tompo mpamonjiko.