¹ Salamo nataon'i Davida. Aza masiaka noho reo mpanao ratsy; aza magniry reo ze manao ny tsa marina. ² Fa ho maigna tsa ho ela salamin'ny ahitsa reo eko halazo salamin'ny raha mitsiry ³ Matokia an'i Yaveh eko manaova ny soa; monegna egny amin'ny tany eko ampitombo ny fahatokiana. ⁴ Eko eo mankasitraka an'i Yaveh, de homeny anao ze irian'ny fonao. ⁵ Akino amin'i Yaveh ny lalanao; matokia Anazy, de hiasa ho anao I. ⁶ Hampiseho ny fahamarinanao salamin'ny mazava I eko ny rariny salamin'ny andro amin'ny mitataovovonana. ⁷ Mitombegna alohan'i Yaveh eko miandraza Anazy am-paharetana. Aza masiaka lehe misy ona mahomby amin'ny raha ataony, leko manao teti-dratsy i. ⁸ Aza masiaka sy kivy. Aza matahotsa.Mahatonga korotagna fotsiny zey. ⁹ Ho tapahana reo mpanao ratsy, fa reo ze miandry an'i Yaveh kosa de handova ny tany. ¹⁰ Afaka fotoagna fohy de hanjavogna ny ona ratsy; hijery eo amin'ny toerany agnao, fa i de ho roso. ¹¹ Fa ny malemy fagnahy de handova ny tany eko hisitraka amin'ny fagnambinana lihibe. ¹² Ny lihilahy ratsy fagnahy de manao teti-dratsy manohitsa ny marina eko magnidy ny nifiny aminazy. ¹³ Mimehy anazy ny Tompo, satria hitany fa avy ny androny. ¹⁴ Namoaka ny sabany ny ratsy fagnahy eko nagnenjagna ny tsipikany reo tamin'ny opry sy ny mahantra, mba hamono an'ze mahintsy. ¹⁵ Handefogna ny fon-dreo manokana ny sabatsan-dreo, eko ho simba ny tsipikan-dreo. ¹⁶ Soa lavitsa ny kely anagnan'ny marina noho ny hamaroany an'ny ona ratsy. ¹⁷ Fa ho tapahana ny tagnan'ona ratsy fagnahy, satria Yaveh manohana ny ona marina. ¹⁸ Yaveh mijery isan'andro isan'andro an'reo tsa manan-tsigny, eko ny lovan-dreo de ho mandrakizay. ¹⁹ Tsa ho megnatsa reo sy ratsy ny andro. Sy avy ny mosary, de hanagna ny ampy ho hanina reo. ²⁰ Tsa ho maty ratsy fagnahy. Ho salamin'ny voninahitsy ny saha reo fahavalon'i Yaveh; ho levogna reo eko ho levogna ho setroka. ²¹ Ny ona ratsy fagnahy de mindragna fa tsa magnapody, fa ny ona marina kosa makaka-tagnana sy magnome. ²² Ze notahian'Andriamagnitsa de handova ny tany; reo ze ozogniny de ho tapahina. ²³ Amin'ny alalan'i Yaveh ro hametrahana ny dian'ona , ny ona ze azo bekoana eo imason'Andrioamagnitsa ny lalany. ²⁴ Leko de totoitsa aza i, de tsa mba higetraka, satria mitagna anazy amin'ny tagnany i Yaveh. ²⁵ Efa mba tanora hiany iaho feny antitsa zizao; tsa vona nahita ona marina nilavo lefogna zao iaho leko nangataka mofo ny zanany. ²⁶ Mamindra fo sy mampindragna mandrakariva i, eko ho tahiana ny taranany. ²⁷ Mialà amin'ny ratsy eko manaova ze marina ; de hilamina mandrakizay agnao. ²⁸ Te fitsaràna Yaveh eko tsa mamela ny mpagnara-diany mahatoky. Voaaro mandrakizay reo, fa reo taranaky ny ratsy fagnahy kosa hotapahina. ²⁹ Handova ny tany ny marina eko tsa hiala ao mandrakizay. ³⁰ Ny vavan'ny ona marina de mitarogna fahendrena eko mampitombo fitsaràna. ³¹ Ny lalàn'ny Andriamagniny de am-pony ao; tsa ho soloaka ny tongony. ³² Ny ona ratsy fagnahy de mijery ny ona marina eko mitadia ny hamono anazy. ³³ Tsa hagnary anazy an-tagnan'ona ratsy Yaveh leko hagnameloka anazy sy notsaraina aza i. ³⁴ Miandraza an'i Yaveh eko tandremo ny lalany, de hanadratsa anao I mba ho fanagnanao ny tany. Ho hitanao ny hamongorana ny ratsy fagnahy. ³⁵ Efa nahita ona ratsy fagnahy nampihorohporo ona niely salamin'ny hazo mentso amin'ny taniny iaho. ³⁶ Fa sy nandalo teo ndraika aho, de teo i. Nitadia anazy iaho, fa tsa hita i. ³⁷ Araho maso ny ona tsa mivadika, eko farito ny ona marina; hisy hoavy soa ho an'onan'ny fiadagnana. ³⁸ Ho rigagna tateraka ny mpanota; tapaka ny ho avin'ona ratsy fagnahy. ³⁹ Ny famonjena ny ona marina de avy hatamin'i Yaveh; miaro andreo I amin'ny fotoagnan'ny korotagna. ⁴⁰ Magnampy sady magnavotsa andreo i Yaveh. Magnavotsa andreo amin'ny ona ratsy I sady mamonjy andreo satria efa nialoka Taminazy reo.