¹ Salamop nataon'i Davida. Yaveh, miasà amin'ny ze miasa hanohitsa anahy; ² Reso ny ampinga kitika sy ny ampinga lihibenao; mitsangana ko ampeo aho. ³ Ampiasao amin'ny ze mihaza anahy ny lefogna sy ny famaky fiadianao; tarogno amin'ny fagnahiko hoa: "Iaho ro famonjena anao." ⁴ Avilao ho megnatsa sy ho afa-baraka reo ze mitadia ny aiko. Avilao hihemotsa sy ho very hevitsa reo ze mitetika hagnisy ratsy anahy. ⁵ Avilao ho salan'ny akofa (ampombo) agnatin'ny rivotsa reo, lehe mitondra anazy reo anjelin'i Yaveh. ⁶ Avilao ho mezigna sy malama ny lalan-dreo, sy mandoditsa andreo ny anjelin'i Yaveh. ⁷ Mametraka harato ho anahy tsa amin'ny antony reo, mihady lavaka ho an'ny aiko tsa amin'ny antony reo. ⁸ Avilao hamely tampoka andreo ny fandringanana. Avilao ny harato ze napetrandreo mba hanambotsa andreo hiany. Avilao reo higetraka ao, amin'ny faharavany. ⁹ Nefa hifaly amin'i Yaveh iaho, eko hiravo amin'ny famonjeny. ¹⁰ Ny taolako aby hitarogna hoe: " Ra Yaveh, ia ro sahalanao, ze mamonjy ny ory amin'ny ze matanjaka loatsa ho andreo sy ny malahelo eko ny mahantra amin'reo ze mitadia handroba andreo?" ¹¹ Mitsangagna ny vavolombelogna tsa marina; miampanga lenga anahy reo. ¹² Mamaly ratsy anahy amin'ny soa ataoko reo. Malahelo iaho. ¹³ Feny, sy narary reo, de nanao akanjo fisaonana aho; nifady hanina ho andreo tamin'ny fagnondrehana ny lohako teo amin'ny tratrako iaho. ¹⁴ Ny alaheloko andreo de salamin'ny alaheloko ny rahalahiko, nitagnondrika salamin'ny misaona io aho. ¹⁵ Nefa sy lavo aho, de faly reo sady nivory; niaraka nivory hanohitsa anahy reo, de taitsa aho. Tsa niegnina namely anahy reo. ¹⁶ Tsa misy fifagnajagna koa ro nagnesoany anahy; nihidy vazagna taminahy reo. ¹⁷ Tompo o, mandra-pahoviana ro hitazagnanao anahy? Vonjeo amin'ny fandringanan-dreo ny fagnahiko, eko ny aiko amin'nyu liogna. ¹⁸ De hisaotsa Anao eo amin'ny fiangonan-dehibe iaho; hidera anao eo amin'ny onam-be aho. ¹⁹ Aoka tsa hifaly aminahy ny fahavaloko mpamitaka; aoka reo tsa hahatanteraka reo teti-dratsiny. ²⁰ Fa raha tsa miresaka fiadagnana reo, nefa mitetika hilaza fitaka hanohitsa reo ze miaigna am-piadagnana amin'ny taniny. ²¹ Mitagnatagna vava hivazavaza anahy reo; hoy reo hoe:"Aha, aha, ny masonay ro efa nahita an'izey." ²² Efa an'zay Agnao, Yaveh, aza mangigna ; Tompo, aza magnalavitsa anahy. ²³ Misandrata ho anahy eko mifohaza hiaro anahy; Andriamagnitso sy Tompoko, tohagno ny adiko. ²⁴ Arovo aho, Yaveh Andriamagnitso, noho ny fahamarinanao; aoka tsa himehy anahy reo. ²⁵ Aoka reo tsa hanao anakam-po hoe: " Aha, azonay ze nirianay." Aoka reo tsa hanao hoe; " Efa nolevogninay i." ²⁶ Aoka ho megnatsa sy ho very hevitsa reo ze te hagnisy ratsy anahy. aoka hitafy hegnatsa sy fahafaham-baraka reo ze magneso anahy. ²⁷ Aoka hikoka am-pifalena sy ho ravo reo ze nararyny fahamarignako; aoka reo hitarogna mandrakariva hoe: " Hoderaina anie Yaveh, I ro makasitraka ny fiadagnan'ny mpanompony." ²⁸ De hilaza ny fahamarinanao sy hidera Anao amin'ny androko aby iaho