¹ Salamo nataon'i Davida. Yaveh ro fahazavako sy famonjeko; ia ro hatahorako? Yaveh ro fialofan'ny aiko; ia ro tokony hatahorako? ² Lehe magnatogna handrotika ny nofoko reo mpanao ratsy,reop mpandrafy anahy sy reo fahavaloko de totoitsa ko lavo. ³ Leko de misy tafika mitoby hanohitsa anahy aza,de tsa hatahotsa ny foko; leko de misy ady hanohitsa anahy, na amin'zey aza de hiegnina mahatoky iaho. ⁴ Raha raika ro nangatahako tamin'i Yaveh , eko hitadia an'ny zay iaho: mba hahafahako mitoatsa an-dragnon'i Yaveh ao mandritsa ny andro aby iaignako, mba hahita ny fahasoavan'i Yaveh sy ny hisaintsaignany ao an-tempoliny. ⁵ Fa amin'ny andro fahoriako de hanitrika anahy eo amin'ny fialofany I;eo amin'ny saron'ny lainy ro hanitrihany anahy. Hagnakatsa anahy ho egny amin'ny vatolamy I! ⁶ Eko ny lohako de hasandratsa eo ambonin'ny fahavaloko magnodidigna anahy aby, hanolotsa reo fagnati-pisorom-pifaliana an-dainy iaho! Hihira sy hanao hira ho an'i Yaveh iaho! ⁷ Mihinoa ny feoko,Yaveh,sy mangaika mahery iaho! Mamindrà fo aminahy, eko valio iaho! ⁸ Mitarogna momba anao ny foko hoe: " Tadiavo ny tavany!" Mitadia ny tavanao iaho, Yaveh! ⁹ Aza manitrika ny tavanao aminahy; aza mamily ny mpanomponao am-pahasosorana! Agnao ro efa nagnampy anahy; aza mahafoy na mamela anahy, Andriamagnitsy ny famonjeko! ¹⁰ Fa na mahafoy anahy aza ny raiko sy ny reniko, Yaveh ro handray anahy. ¹¹ Ampianaro anahy ny lalanao, Yaveh! Tariho amin'ny lalagna marina aho noho ny fahavaloko. ¹² Aza manary anahy ho amin'ny fanirian'ny fahavaloko, fa reo vavolombelogna sandoka mitsangagna hanohitsa anahy, eko miaigna herisetra reo! ¹³ Ina ro nanjo anahy lehe tsa nino aho fa iaho de hahita ny fahasoavan'i Yaveh eo amin'ny tany honegnana? ¹⁴ Miandrasa an'i Yaveh; eko matanjaha, oka ny fonao hahery! Miandrasa an'i Yaveh!