¹ Salamo nataon'i Davida. Ho Agnao ro anandratako ny fanahiko ry Yaveh! ² Andriamagnitso o, matoky Agnao aho. Aza avela homegnatsa aho; aza avela hifaly amim-pandresena amiko reo fahavaloko. ³ Tsa hisy ho megnatsa anie ny ona ze magnantena Anao, ho megnatsa anie ze manao fihetsika mamitaka tsa amin'ny antony! ⁴ Ampahafantaro ahy reo làlanao, Yaveh o; ampianaro ahy reo lalanao. ⁵ Tariho aho ho ao amin'ny fahamarignanao ary ampianaro fa Agnao ro Andriamagnitsy ny famonjena ahy; Magnantena Agnao andro lava aho. ⁶ Tsarovy, ry Yaveh, reo asa fangirahanao sy famindram-po; fa efa nisy mandrakariva reo. ⁷ Aza mihevitsa reo fahotan'ny fahatanorako na ny fikomiako; tsarovy amin'ny famindraponao aho nohon'ny fahasoavanao, Yaveh o! ⁸ Soa sy mahitsy Yaveh; ka mampianatsa reo mpanota ny lalana I. ⁹ Mitarika ny manetry tena amize marina I ary mampiagnatsa azy reo ny lalany. ¹⁰ Reo lalan'Yaveh aby de fitiavana maharitsa sy fahatokiana ho an'ny ze mitandrigna ny fanekeny sy reo didiny mafy. ¹¹ Fa noho ny amin'ny Agnaranao, Yaveh o, de mamelà ny heloko, fa lihibe zany. ¹² Ia ro ona matahotsa an'Yaveh? Ny Tompo ro hanoro anazy ny lalana ze tokony hosafidiany. ¹³ Handeha amin-kasoavana hatrany ny fiagnany; ary reo taragnany handova ny tany. ¹⁴ Ny finamanana amin'Yaveh de hoan'ny reo ze manome voninahitsa Anazy, ary mampahafantatsa ny fanekeny amin' izy reo I. ¹⁵ Amin'Yaveh hatrany ny masoko, fa I ro hanafaka ny tongotso amin'ny harato. ¹⁶ Mitodiha aminahy ary mamindra fo aminahy; fa irery sy ory aho. ¹⁷ Mihitatsa reo fahorian'ny foko; alao ao amin'ny fahoriako aho! ¹⁸ Jireo ny fampahoriana anahy sy reo fisasarako; mamelà ny fahotako aby. ¹⁹ Jireo reo fahavaloko, fa be reo; mankahala anahy amim-pankahalana lozabe reo. ²⁰ Arovy ny aiko ka avoty aho; aza avela ho megnatsa aho, fa mialoka Aminao! ²¹ Hiaro anahy anie ny tsa fivadihagna sy ny fahamarignana, satria magnatena Agnao aho. ²² Avoto amin'ny fahoriagna aby Israely, Androamagnitsa o!