¹ Andriamagnitso o, Andriamagnitso o, nahoana ro namela anahy Agnao? Nahoana ro lavotsa loatsa amin'ny famonjena anahy Agnao eko lavitsa amin'ny tenin'ny fangirifiriako? ² Andriamagnitso o, nitaraigna taminao an'iaho sy toandro,nefa tsa vinalinao, eko sy aligna de tsa nangina iaho! ³ Feny masina Agnao; mitoatsa salan'ny mpanjaka amin'ny fideran'nyIsraely Agnao. ⁴ Natoky Anao ny razambenay; natoky Anao reo,ko novinonjinao. ⁵ Nitaraigna taminao reo de novonjena. Natoky Anao reo ko de tsa mba diso fagnatignana. ⁶ Nefa kakagna iaho fa tsa mba ona, fahafaham-baraka ho an'olombelogna eko nataon'ona tsa misy fotony. ⁷ Reo aby ze mahita anahy de mitarogna ratsy anahy; esoan-dreo iaho; eko magnifikifi-doha aminahy reo. ⁸ Hoy reo:" Matoky an'i Yaveh i; avilao hagnavotsa anazy Yaveh. Avilao I hagnavotsa anazy, fa akasitrahiny i." ⁹ Fa agnao ro nitondra anahy hatao an-troka; nataonao matoky Anaoi aho fony tan-tratran-dreniko. ¹⁰ Natoraka taminao iaho hatagny an-trokan-dreniko; Agnao ro Andriamagnitso hatamin'iaho tan-trokan-dreniko! ¹¹ Aza magnalavitsa anahy,fa mariny ny fahoriana; tsa misy ina hagnampy anahy. ¹² Magnodidigna anahy ny ombilahy masiakan'ny Basana. ¹³ Hamihagnahagna ny vavany aminahy salan'ny liona mierogna mandrapaka ny rembiny reo. ¹⁴ Nararaka salan'ny rano iaho, eko nipitsoka aby ny tolako. Salamin'ny savoka ny foko; miepo ao agnatiko zey. ¹⁵ Maigna salamin'ny vilagny tany ny heriko; mirekitsa amin'ny lagnilagniko ny lelako. nampandry anahy teo amin'ny vovoky ny fahafatesana Agnao. ¹⁶ Fa nagnodidigna anahy ny amboa; efa magnodidigna anahy ny vondrn'ny mpanao ratsy; noloahin-dreo ny tagnako sy ny tongoko. ¹⁷ Voaisako aby ny tolako. Mijery sy nandinika anahy reo. ¹⁸ Zinaran-dreo taminazy ny fitafiako; nilokan-dreo ny akanjoko. ¹⁹ Aza magnalavitsa anahy, roa Yaveh; malakia roa hagnavotsa anahy, ro heriko! ²⁰ Avoto amin'ny sabatsa ny fagnahiko , ny sisa fiaignako amin'ny andian'amboadia. ²¹ Vonjeo amin'ny vavan'ny liona iaho; avoto amin'ny tandroky ny ombidia iaho. ²² Hilaza ny agnaraonao amin'ny rahalahiko iaho; eo apovoan'ny fiangonana ro hiderako Anao. ²³ Agnareo matahotsa an'i Yaveh, midera Anazy! Agnareo taranak'i jakoba aby manotolo, magnomeza voninahitsa Anazy! Mijoroa am-pitalanjognana Aminazy, agnareo taranak'Israely aby manotolo. ²⁴ Fa tsa manao tsinotsinona na mankahala ny ona ory I; tsa nanitrika ny tavany taminazy i Yaveh; lehe nitaraigna taminazy ny ona ory, de nahare I. ²⁵ Ny fiderako de ho Anao ao am-piangonana lihibe; hagnatanteraka reo voadiko alohan'ny ze matahotsa Anazy iaho. ²⁶ Ny ory de hihinana eko ho afa-po; reo ze mitadia an'i Yaveh hidera Anazy. Ho velogna mndrakizay anie ny fonareo. ²⁷ Hahatsiaro eko hipody amin'i Yaveh reo vahoaka aby amin'ny tany; hiakohoka eo agnatrehanao reo fianakaviam-pirenena aby manotolo. ²⁸ Fa an'i Yaveh ny fanjakana; I ro mpanapaka reo firenena. ²⁹ Ny ona mpanan-karena aby de hiravoravo sy hidera; hiankohoka eo agnatrehanao aby reo ze hody vovoka,reo ze tsa afaka miaro ny ain-dreo. ³⁰ Ny taranaka ho avy de hanompo Anazy, hotarogna amin'ny taranaka magnaraka ny amin'ny Tompo reo. ³¹ Ho avy reo eko hilaza ny fahamarinany; hilaza amin'ona vona tsa teraka ze efa nataony reo!