¹ Ho an'ny mpiventy hira. Salamo nataon'i Davida, ny mpanompon'i Yaveh, sy nihira ho an'i Yaveh ny tognon'ty hira ty tamin'ny andro namonjen'i Yaveh anazy tegny an-tagnan-dreo fahavalony aby sy tegny an-tagnan'i Saoly i. Nihira i hoe: Tiako Agnao, Yaveh, heriko. ² Yaveh ro harambatoko, fiarovana mahery, ze mitondra fiarovana ho anahy; I ro Andriamagnitso; harambatoko, mialoka Aminazy iaho. I ro ampingako, tandroky ny famonjeko, sy fiarovana mahery ho anahy. ³ Hangaikan an'i Yaveh iaho, eko voavonjy amin'ny fahavaloko iaho. ⁴ Nandrohy anahy ny tadin'ny fahafatesana, eko ny onjan'ny faharatsiana ro nandrendrika anahy. ⁵ Nandrohy anahy ny tadin'ny fiainan-tsy hita; namandrika anahy ny fandriky ny fahafatesana. ⁶ Nangaika an'i Yaveh iaho tagnatin'ny fahoriako; nikaika vonjy tamin'i Andriamagnitso iaho. ren'ny ny feoko hatamin'ny tempoliny; ny vonjiko de avy teo agnatrehany; ren'ny sofiny zey. ⁷ Eko nihovitsa sy nihorohoro ny tany; nihorohoro sy nihovitsovitsa koa ny fototsy ny tendrombohitsa satria nasiaka Andriamagnitsa. ⁸ Nagnanika ny setroka avy tamin'ny lavakorony, eko afo midedadeda ro nienga tamin'ny vavany. Nirehitsa tamizay ny vain'afo. ⁹ Novinohany ny lagnitsa eko nirorogna i, eko teo ambanin'ny tongony ny haizigna matevigna. ¹⁰ Nidingigna kerobima I eko nitsidigna; nisosa tegny amin'ny elatsy ny rivotsa I. ¹¹ Nataony tragno lay nagnodidigna anazy ny ezigna, ny raho-menty an-dagnitsa. ¹² Nitrotraka hategny amin'ny tselatsa teo alohan'ny havandra sy vain'afo. ¹³ Nikiotroka tegny an-dagnitsa Yaveh! Nikoka ny feon'ny Avo indrindra. ¹⁴ Nandefa ny zana-tsipikany i eko nandripaka ny fahavalony; tselatsa be ro nandripaka andreo. ¹⁵ Sy ahateo de nipoitsa ny fantson-drano; reo fanambanin'zao tontolo zao de nipoitsa hatamin'ny hikam-piadianao, Yaveh tamin;ny fipoaky ny fofon'aignin'ny lavakoronao. ¹⁶ Nagnijitsa ny tagnany hatagny ambony I; drinainy iaho! Sinitony hatao amin'ny rano manonja iaho. ¹⁷ Nagnavotsa anahy tamin'ny fahavaloko matanjaka I, tamin'ny ze nankahala anahy, satria mahery loatsa ho anahy reo. ¹⁸ So roso nanohitsa anahy reo tamin'ny androm-pahoriako fa Y aveh ro nanohagna anahy! ¹⁹ Nagnafaka anahy tegny amin'ny toerana malalaka I; namonjy anahy I satria nahafinaritsa Anazy aho. ²⁰ Nagnome valisoa anahy Yaveh nohon'ny fahamarignako; magnarigna anahy I satria nadio ny tagnako. ²¹ Fa iaho efa nitandrigna reo didin'i Yaveh eko tsa nivadika ratsy fagnahy tamin'ny Andriamagnitso. ²² Fa efa teo alohako aby ny lalany marina; lehe ny amin'ny didiny, de vona tsa nivadika tamin'ny reo aho. ²³ Iaho koa de tsa nagna-tsigny teo agnatrehany,eko nitandrigna ny tegnako tamin'ny fahotana aho. ²⁴ Noho zey de namelogna anahy ndraika Yaveh nohon'ny fahamarinako, satria nadio teo imasony ny tagnako. ²⁵ Ze mahatoky de ampisehoanao fahatokiana; ny ona ze tsa misy tsigny, de ampisehoanao tsa fanagnan-tsigny. ²⁶ Ny ona ze madio ,ro ampisehoanao fahadiovana; fa Agnao de mahira-tsaigna amin'ze ratsy fagnahy. ²⁷ Fa Agnao magnavotsa reo ona ory, eko magnambany reo mirehareha! ²⁸ Fa Agnao mandrehitsa ny jiroko; magnazava ny fahamaizignako Yaveh Andriamagnitsa o. ²⁹ Fa amin'ny alalanao ro ahafahako miridiridy ambonin'ny sakagna; amin'ny alalan'ny Andriamagnitso ro ahafahako mandingagna rindrigna. ³⁰ Lehe ny amin'Andriamagnitsa: tonga lafatsa ny lalany. Ny tenin'i Yaveh de madio! Ampingan'ze mialoka aby aminazy I. ³¹ Fa ia ro Andriamagnitsa ankoatsan'i Yaveh? Fa ia ro harambato ankoatsan'i Yaveh? ³² Andriamagnitsa ro mametraka hery aminahysalan'ny fehi-troka, ze mampitoatsa ny ona tsa misy tsigny eo amin'ny lalany. ³³ Ataony malaky famindra salan'ny diera ny tongoko eko mampitoatsa anahy egny amin'ny toerana avo! ³⁴ Magnazatsa ny tagnako ho amin'ny ady i eko ny sandriko hamoritsa ny tsipika varahigna. ³⁵ Efa nomenao anahy ny ampingan'ny famonjenao. Efa nanohagna anahy ny tagnanao ankavagnana, eko ny fankasitrahanao de naha-lihibe anahy. ³⁶ Efa nanao toerana malalaka eo ambaniko ho an'ny tongotso Agnao mba tsa hampiborisaka ny tongoko. ³⁷ Nandoditsa ny fahavaloko iaho eko nahatratsa anazy reo; tsa nipody iaho mandra-paharava andreo. ³⁸ Nopotehiko reo mba tsa ahafahany miarigna; efa lavo tambanin'ny tongoko reo. ³⁹ Fa agnao nametraka hery taminahy salan'ny fehi-troka ho amin'ny ady; nataonao ambaniko reo ze nitsangagna hanohitsa anahy. ⁴⁰ Nampiamboho ny vozon'ny fahavaloko ho anahy Agnao; drinavako reo ze nakahala anahy. ⁴¹ Nikoka vonjy reo, feny tsa nisy nagnavotsa anan-dreo; nangaika an'i Yaveh reo feny tsa nanoigna I. ⁴² Tinorotoroko majinika salan'ny vovoka alohan'ny rivotsa reo; nariako salan'ny fotaka agny an-dalagna reo. ⁴³ Nagnavotsa anahy tamin'ny fifamalian'ny ona Anao. Nataonao lohan'reo firenena iaho. Manompo anahy reo ona tsa fantako. ⁴⁴ Lehe vo nandre anahy reo, de nankato anahy; voatery niondrika teo alohako ny mpivahiny. ⁴⁵ Avy am-pihorohoroana hatao amin'ny fiarovana mafin-dreo ny mpivahiny. ⁴⁶ Velogna i Yaveh; ho deraina anie ny orimbatoko. Ho asandratsa anie ny Andriamagnitsy ny famonjena. ⁴⁷ I ro Andriamagnitsa ze namaly faty ho anahy, ze nanolotsa ny firinena ho ambaniko. ⁴⁸ Afaka tamireo fahavaloko iaho! Eka tokoana, nampiakarinao ambonin'ny ze nijoro hanohitsa anahy iaho! Navotanao tamin'ny lihilahy mahery fihetsika iaho. ⁴⁹ Noho zey de hagnome fisaorana ho anao, amireo firinena aho, Yaveh; hihira fiderana ho an'ny agnaranao iaho! ⁵⁰ Andriamagnitsa de nagnome fandrisena lihibe ho an'ny mpanjakany, eko nampiseha ny fifagnikem-pitokiana tamin'ny voahosony, tamin'i Davida sy reo taranany hatrin'ny ela.