¹ Vavaka nataon'i Davida. Mihinoa ny fangatahako ny rariny, Yaveh; hino ny antso vonjiko! Atongilagno amin'ny fivavahako hatamin'ny somiko tsa misy fitaka ny sofinao. ² Aoka ho avy eo agnatrehanao ny fitsarana anahy; aoka ny masonao hijery ny rariny! ³ Lehe mijaha toetra ny foko Agnao, lehe avy aminahy amin'ny aligna Agnao,de hagnadigno anahy Agnao eko tsa hahita fikasan-dratsy; tsa hanota ny vavako. ⁴ Ny amin'ny asan'ona, de tamin'ny taron'ny sominao(molotsao) ro nitandremako ny tegnako tamin'ny alaln'ny mpandika lalàna. ⁵ Ny diako de mafy origna teo amin'ny lalanao, eko tsa solafaka ny tongoko. ⁶ Mangaika Anao iaho, fa mamaly anahy Agnao, Andriamagnitsa; atongilagno aminahy ny sofinao eko mihinòa sy mitarogna iaho. ⁷ Atorò amin'ny fomba mahatalanjona ny tsa fivadiham-pangnikenao, Agnao ze mamonjy reo ze mialoka aminao amin'ny alan'ny tagnan-kavagnanao amin'ny fahavalon-dreo! ⁸ Arovy salan'ny anaka andrioamasonao iaho; asitriho ao ambany aloky ny elatsao ⁹ amin'ny fagnatrehan'ny ratsy fagnahy ze mamela anahy iaho, de reo fahavaloko ze mzgnodidigna anahy. ¹⁰ Tsa managna famindram-po na amin'ia na amin'ia reo; ny vavan-dreo de mitarogna agn'avogna. ¹¹ Magnodidigna ny lalako reo. Mibanjigna ny mason-dreo handavo anahy amin'ny tany. ¹² Reo de salan'ny liona te hamiravira fatratsa, salan'ny liona tanora mamitsaka amin'ny toerana fierena. ¹³ Mitsangana, Yaveh! Tafio reo! Akapohy amin'ny tany ny tavan-dreo! Avoto tsa ho azon'ny ratsy fagnahy amin'ny alalan'ny sabatsao ny aiko! ¹⁴ Avoto amin'ona amin'ny alalan'ny tagnanao iaho,Yaveh, amin'ny onan'izao tontolo zao ze amity fiaignana ty hiany ro anjarany! Hameno harena ny trokan'ny sarobidinao Agnao; hanagna taranaka be reo eko hamela ny hareny ho an'ny taranany. ¹⁵ Feny iaho kosa , de hahita ny tavanao amin'ny fahamarinana; ho afa-po,amin'ny fijerena anao iaho, sy mifoha.