¹ Misaora an'i Yaveh, fa mendrika I, fa maharitsa mandrakizay ny famindram-pony. ² Aoka ny Israely hitarogna hoa:" Maharitsa mandrakizay ny famindram-pony." ³ Apitraho ny taranak'i Arona hilaza hoe: " Ny fagnekeny mahatoky de maharitsa mandrakizay," ⁴ avilao reo mpanompo an'i Yaveh hilaza hoe:" Maharitsa mandrakizay ny famindram-pony." ⁵ Tagnatin'ny fahoriako ro nangehako an'i Yaveh; namaly anahy Yaveh sady nagnafaka anahy. ⁶ Momba anahy Yaveh: tsa hatahotsa aho; ina moa ro hataon'ona aminahy? ⁷ Mpamonjy eo agnilako Yaveh; hahita fandresena amireo ze mankahala anahy iaho. ⁸ Soa lavitsa ny mialoka amin'i Yaveh noho zay mametraka fitokiana amin'olombelogna. ⁹ Soa lavitsa ny mitoatsa ao amin'i Yaveh noho zay mametraka fitokiana amin'ny andrian-dahy. ¹⁰ Ny firenena magnodidigna anahy aby; ho tapahiko amin'ny agnaran'i Yaveh reo. ¹¹ Nagnodidigna anahy reo; eka, nagnodidigna anahy reo; ho tapahiko amin'i agnaran'i Yaveh reo. ¹² Nagnodidigna anahy salan'ny tantely reo; nanjavogna malaky salan'ny afo teo amin'ny tsilo reo; ho tapahiko amin'ny agnaran'i Yaveh reo. ¹³ Nanafika anahy reo mba handavo anahy, feny nagnampy anahy i Yaveh. ¹⁴ Yaveh ro heriko sy hafaleako, sady I ro tokagna mpagnavotsa anahy. ¹⁵ Tainò so amin'ny lalin'ny fahamarinana ny hiakam-pifalian'ny fandresena;nandresy ny tanan-kavagnan'i Yaveh. ¹⁶ Asandratra ny tagnan-kavagnan'i Yaveh; mandresy ny tagna-kavagnan'i Yaveh. ¹⁷ Tsa ho maty aho, fa velogna de hilaza reo asan'i Yaveh. ¹⁸ Efa sinazin'i Yaveh mihintsy iaho; feny tsa nanolotsa anahy ho maty I. ¹⁹ Vohao ho anahy ny vavahadin'ny fahamarinana; hitsofoka ao aho sady hisaotsa an'i Yaveh. ²⁰ 'Zay ro vavahadin'i Yaveh; ny ona marina ro mitsofoka ao. ²¹ Hisaotsa Anao aho,satria namaly anahy Agnao, de roso famonjena ho anahy Agnao. ²² Ny vato ze nolavin'ny mpanao tragno roso vato fehizoro. ²³ Zay ro nataon'i Yaveh; mahazendagna imasotsika zay. ²⁴ 'Ty ny andro nataon'i Yaveh; hifaly sy ho ravoravo amizay tsika. ²⁵ Miangavy roa Yaveh, omeo fandresena agnay! Miangavy roa Yaveh, omeo fahombiazana agnay! ²⁶ Ho tahiana ze avy amin'ny agnaran'i Yaveh;ao an-dragnon'i Yaveh ro hitsofanay rano anao . ²⁷ Yaveh ro Andriamagnitsa, sady efa nagnome fahazavana ho anay I; narohiny tamireo tady teo amireo tandroky ny alitara ny sorogna. ²⁸ Agnao ro Andriamagnitso, ka hisaotsa Anao aho; Agnao ro Andriamagnitso; hanandratsa Anao aho. ²⁹ Eka, misaora an'i Yaveh, fa mendrika I; sady maharitsa mandrakizay ny famindram-pony.