¹ ALEFA. Tretrika ze tsa misy tsigny ny lalany, de ze mandeha amin'ny lalàn'i Yaveh. ² Tretrika reo ze mitandrigna ny didy masiny, ze mitadia Anazy amin'ny fony manotolo. ³ Tsa mba manao ratsy reo; fa mandeha amin'ny lalany. ⁴ Dinidinao agnay hitagna ny fampianaranao mba hitandremanay soa an'izay. ⁵ Indriaho e, te ho tafatoatsa amin'ny didinao iaho! ⁶ De tsa ho megnatsa iaho lehe misagna aby ny didinao. ⁷ Hanolotsa fisaorana ho Anao amin'ny fo mahitsy iaho sy mianatsa ny lalà-marinao. ⁸ Hitandrigna ny didinao iaho; aza mamela anahy ho irery. BETA. ⁹ Akory ro hitandreman'ny tanora ny lalany mba hadio? Amin'ny fankatoavana ze tarogninao. ¹⁰ Amin'ny foko manotolo ro hitadiavako Anao; aza mamela anahy hania hiala amin'ny didinao. ¹¹ Narekitso ato am-poko ny raha tarogninao mba tsa hanotako aminao. ¹² Deraina Agnao, ra Yaveh; ampianaro ny didinao iaho. ¹³ Tamin'ny vavako ro nitopriako ny lalà-marina aby manotolo ze nataonao. ¹⁴ Miravoravoa amin'ny lalan'ny didim-pagnikenao mihoatsa ny amin'ny harena aby iaho ¹⁵ Hisaitsaigna ny fampianaranao aho ko hitandragna ny lalanao. ¹⁶ Akamamiako ny didinao; tsa hagnadigno ny teninao iaho. GIMELA. ¹⁷ Atorò ny mpanomponao halimem-pagnahy mba hahavelomako sy hitandremako ny tenineo. ¹⁸ Ampahirato ny masoko mba hahitako reo raha mahazendagna amin'ny lalànao ¹⁹ Vahiny iaho eto an-tany; aza manitrika ny didinao hiala aminahy. ²⁰ Torotoro fatratsa ny fitadiavana ny hahalala ny fitsipikao mandrakariva ro fagniriako. ²¹ Magnanatsa ny mpirehareha, de ze ona voaozogna,ka miolaka amin'ny didinao Agnao. ²² Alao amin'ny fahafam-baraka sy ny hegnatsa iaho, fa nanoa ny fitsipi-pagnikenao iaho. ²³ Leko de manao ny teti-dratsy ko magnendrikendrika anahy aza reo mpanampaka , de misaitsaigna ny ny fitsipikao ny mpanomponao. ²⁴ Ny didi-pagnekenao ro mamiko indrindra ,eko ro mpanolo-tsaigna anahy. DALETA. ²⁵ Mirekitsa amin'ny vovoka ny aiko! Omeo fiaignana amin'ny teninao iaho. ²⁶ Notarogniko taminao ny lalako, de namaly anahy Agnao; ampianaro ny didinao aho. ²⁷ Ataovo mahatakatsa ny lalan'ny fampianaranao iaho, mba hahafahako mandinika ny fampianara-mahagaganao. ²⁸ Difotsy ny alahelo iaho! Atanjaho amin'ny teninao iaho. ²⁹ Alao hiala aminahy ny lalan'ny fitaka; ampianaro anahy am-pahasoavana ny lalànao. ³⁰ Nofinidiko ny lalan'ny fahatokiana; efa nitandrina ny lalà-marinao teo anatrehako lalandava iaho ³¹ Ny didi-pagnikenao ro ho tanako,Yaveh o,aza avela hangahiahy iaho. ³² Hande mafy eo amin'ny lalan'ny didinao aho,fa agnao ro magnitatsa ny foko hanao anizay.HE ³³ Apenaro ny lalan'ny didinao aho,ry Yaveh ,dia ho tandremako hatramin'ny farany zay. ³⁴ Omeo saigna mazava aho,de hitandrigna ny lalànao;zay ro hisaitsaignako amin'ny foko aby. ³⁵ tariho amin'ny lalàn'ny didinao aho,fa mamiko ny mandeha amizay. ³⁶ Ampandihano amin'ny didi-pagnikenao ny foko de ho lavitsy ny harena tsa marina. ³⁷ Atodio ny masoko tsa hahita raha foagna ;vilombilomy amin'ny lalànao indray aho. ³⁸ Tantiraho amin'ny mpanomponao ny fampagnantigniana ze nataonao tami zay nagnaja Anao. ³⁹ Alao lavitsa ahy ny faniratsirana fa tena atahorako mafy.Fa soa ny fitsarana marinao. ⁴⁰ Indro tena nagniry mafy ny fampenaranao aho,vilombilomy amin'ny fahamarinanao iaho.VAO. ⁴¹ Yaveh o,omeo ahy ny fitiavanao tsa mety levona__ny famonjenao,araka ny fampagnatignianao; ⁴² de ho voavaliko ilay iray zay nagnamavo ahy,fa ny tarognao ro hitokiako. ⁴³ Aza esorina amin'ny vavako ny tarony fahamarinana,fefa niandry ny lalà-marinao aho. ⁴⁴ Hitandrina ny lalànao hatrany aho,mandrakizay doria. ⁴⁵ Handeha ampilamignana aho,fa mitadia ny fampenaranao. ⁴⁶ Hitarona momba ny didy masinao eo anatrehan'ireo mpanjaka iaho ka tsa ba ho menatsa. ⁴⁷ Mamiko ny didinao,ze hajaiko fatratsa. ⁴⁸ Hanandratsa ny tagnako amin'ny didinao zay tiako;hisaintsaina ny lalànao iaho.ZAINA. ⁴⁹ Tsarovy ny fampagnatignianao tamin'ny mpanomponao satria namenao fagnatigniana iaho. ⁵⁰ Izao ro fiononana ho ahy amin'ny fahoriako;ny fampagnatignianao ro mbola nahavelogna ahy. ⁵¹ Nagnesoeso ahy ny mpirehareha,kanefa iaho tsa ba niala tamin'ny lalànao iaho. ⁵² Nieritseritra momba ny lalà-marinao fahizay aho,ry Yaveh,ka mampahery ny tegnako. ⁵³ Nitagna anahy ny fahatizerana mahamay nohon'ny ratsy fagnahy zay mandà ny lalànao. ⁵⁴ Ireo didnao ro hirako tao amin'ny trano zay hitoerako vetivety foagna. ⁵⁵ Misaintsaigna ny Agnaranao mandritsy ny aligna iaho, ry Yaveh , de mitandrigna ny ny lalànao. ⁵⁶ Izay ro fataoko satria nitandrigna ny fampianarano iaho. HETA. ⁵⁷ Yaveh ro anjarako; efa niniaviko ny hitandrigna ny raha notarogninao. ⁵⁸ Mitadia fatratsa ny sitrakao amin'ny foko manotolo iaho; miantrà anahy, araka ny nampagnatignain'ny teninao. ⁵⁹ Nodinihiko ny lalako eko nagnolaka ny tongotso ho eo amin'ny didi-pagnikenao. ⁶⁰ Meka aho sady tsa mitaredretsa amin'ny fitandremana ny didinao. ⁶¹ Nanitogna anahy ny tadin'ny ratsy fagnahy; fa tsa nagnadigno ny lalànao aho. ⁶² Amin'ny sasak'aligna ro hitsanganako hagnome fisaorana Anao nohon'ny lalànao marina ⁶³ Naman'ze magnaja Anao iaho, de ze mitandrigna ny fampenaranao. ⁶⁴ Feno ny famindram-ponao ny tany ,Ry Yaveh ; ampianaro ny didinao iaho. TETA. ⁶⁵ Ry Yaveh o, nasianao soa ny mpanomponao,tamin'ny alalan'ny taronao. ⁶⁶ Ampianaro anahy ny fahaiza-magnavaka soa sy ny fahazavan-tsaigna, fa efa ninoako ny didinao. ⁶⁷ Talohan'ny nampahoriana anahy de naniasia iaho,fa zizao de mitandrigna ny teninao aho. ⁶⁸ Tena soa sady mpanao soa Agnao, eko de Agnao rery ro manao ny soa; ampianaro ny didinao iaho. ⁶⁹ Namandrika anahy tamin'ny lenga ny mpiavognavogna, feny mitandrigna ny fampianaranao amin'ny fokop manotolo iaho. ⁷⁰ Mihamahery ny fon-dreo, fa mamiko ny lalànao. ⁷¹ Soa hiany iaho nampijaliana mba hianarako ny didinao. ⁷² Ny fampianarana hatamin'ny vavanao de sarobidy lavitsa mihoatsa ny volamena sy volafotsy an'arivony ho anahy. JODA. ⁷³ Ny tagnanao ro nagnamboatsa sy namolavola anahy; omeo fahazavantsaigna iaho mba hianarako ny didinao. ⁷⁴ Reo ze magnaja Anao de ho faly sy mahita anahy satria de amin'ny tarognanao ro ahitako fagnatignana. ⁷⁷ Asio fangorahana aminahy mba ho velogna aho, feny ny lalànao ro tiako. ⁷⁸ Aoka ho megnatsa ny mpirehareha, fa nendrikendrihin-dreo iaho ; fe iaho hisaintsaigna ny fampianaranao. ⁷⁹ Hierika aminahy anie reo ze magnaja Anao; de ze mahafantatsa ny ny didim-pagnikenao. ⁸⁰ Tsa hisy tsigny ny foko nohon'ny lalana mba tsa ho megnatsa aho. KAFA. ⁸¹ Ketraketraky ny fiandrazana fatratsa ny hamonjenao anahy iaho! Eko amin'ny taronao ro hanagnako fagnatigniana. ⁸² Magniry fatratsa ny hahita ny fampagnatignanao ny masoko; sy viana Agnao ro hampionona anahy? ⁸³ Fa roso salan'ny sinin-divay hoditsa agnaty setroka iaho; fa tsa magnadigno ny lalànao iaho. ⁸⁴ Mandra-pahoviana ro hiaretan'ny mpanomponao an'zao; sy viana Agnao vo hitsara an'ny ze magnenjika anahy? ⁸⁵ Nihady lavaka ho anahy ny mpirehareha, sady nanohitsa ny lalànao. ⁸⁶ Azo ianteherana aby manotolo ny didinao.;magnenjika anahy amin-tsa antony reo ona reo; apeo aho. ⁸⁷ Efa seky nanapitsa ny aiko teto an-tany reo, feny tsa mahafoa ny fampianaranao iaho. ⁸⁸ Amin'ny fitiavanao tsa mivadika, vilomy iaho, mba hankatoavako ny didinao. LAMEDA. ⁸⁹ Yaveh o, mitoatsa mandrakizay ny teninao; miorigna mandrakizay agnan- dagnitsa ny teninao. ⁹⁰ Maharitsa ho an'ny taranaka aby manotolo ny fahatokianao; Agnao ro nagnorigna ny tany ery mitoatsa zey. ⁹¹ Mitohy mandrak'androany ny raha aby, araky ze voalazanao amin'ny lala-marinao, fa mpanomponao ny raha aby. ⁹² Lehe ysa sitrako ny didinao de efa matin'ny fahoriako iaho tahak'izey. ⁹³ Tsa ho adignoko mandrakizay ny fampianaranao, fa tamireo ro namilomanao anahy. ⁹⁴ Anao iaho; vonjeo iaho, fa mikatsaka ny fampianaranao. ⁹⁵ Mivognona hamotika anahy ny ratsy fagnahy, fa hikatsaka ny didim-pagnikenao aho. ⁹⁶ Hitako fa misy fetra aby manotolo ny raha aby, fa midadasika, tsa misy fetra ny didinao. MEMA. ⁹⁷ Endriaho ny fitiavako ny lalanao! Izey ro saintsaigniko tontolo andro. ⁹⁸ Mahendry anahy mihoatsa ny fahavaloko ny didinao, fa miaraka aminahy mandrakariva ny dididnao. ⁹⁹ Managna fahazavan-tsaigna mihoatsa an'reo mpampianatsa anahy aby iaho, fa misaintsaigna ny didim-pagnikenao. ¹⁰⁰ Mahatakatsa mihoatsan' reo be taogna noho iaho aho; satria nitandrigna ny fampianaranao iaho. ¹⁰¹ Niaro ny tongoko hiala amin'ny lalan-dratsy aby iaho mba hitandremako ny teninao. ¹⁰² Tsa niholaka lalagna niala tamin'ny lala-marinao iaho, fa Agnao ro nampianatsa anahy. ¹⁰³ Endriaho ny hamamin'ny teninao sy nandramako,aka, mamy mihoatsa ny tantely amin'ny vavako! ¹⁰⁴ Amin'ny fampianaranao ro ahazahoako fahaiza-magnavaka; noho zey de halako aby ny lalan-diso. NONA. ¹⁰⁵ Fanilo ho an'ny tongoko eko jiro ho an'ny lalako ny teninao. ¹⁰⁶ Efa nianiagna iaho ery nohamafisiko zey, fa hitandrigna ny lala-marinao aho. ¹⁰⁷ Tena ory tokoa 'iaho; velomy iaho, ry Yaveh, araka ze nampagnatignanao tamin'ny teninao. ¹⁰⁸ Yaveh o, mba ikeo roa ny fagnati-tsitrapo hatamin'ny vavako, ery ampianaro ny lala-marinao aho. ¹⁰⁹ Eo an-tagnako lalandava ny aiko, nefa tsa mba magnadigno ny lalanao aho. ¹¹⁰ Nanao vela-pandrika ho anahy ny ratsy fagnahy, fa tsa naniasia hiala amin'ny fampianaranao aho. ¹¹¹ Tarogniko ho lovako mandrakizay ny didim-pagnikenao. ¹¹² Tafatoatsa amin'ny fanaovana ny didinao mandrakizay hatamin'ny farany indrindra ny foko. SAMEKA. ¹¹³ halako ny miroaroa-saigna, fa tiàko by lalànao. ¹¹⁴ Agnao ro toerana fisitrihako sy ampingako;miandry ny teninao aho. ¹¹⁵ Mialà aminahy agnareo mpanao ratsy, mba hitandremako ny didin'Andriamagnitso. ¹¹⁶ Tohagno amin'ny alalan'ny teninao aho mba ho velogna ko tsa ho megnatsa amin'ny fagnatignako. ¹¹⁷ Tohagno aho ,de hiadagna; hisaintsaigna ny lalànao hiany iaho. ¹¹⁸ Lavinao aby ze maniasia miala amin'ny diidinao, fa mpamitaka sady tsa azo itokiana reo ona reo. ¹¹⁹ Alaonao salan'ny tain-drendrika aby ny ratsy fagnahin'ny tany; noho izey de tiako ny didy masinao. ¹²⁰ Mangovongovitsa ny tahotsa Anao ny vatako, eko matahotsa ny lala-masinao iaho. AINA. ¹²¹ Manao ze rariny sy marina aho; aza mahafoy anahy ho agny amin'ny mpampahory anahy. ¹²² Omeo atoka ny fanambinan'ny mpanomponao; aza avela hampahory anahy ny mpirehareha. ¹²³ Miha-rokaka ny masoko eo ampiandrasana ny famonjenao sy ny tarogna marinao. ¹²⁴ Atorò ny mpanomponao ny fagnekena mahatokinao, eko ampianaro ny didinao aho. ¹²⁵ Mpanomponao aho,omeo fahazavan-tsaigna aho mba hahalalako ny didim-pagnikenao. ¹²⁶ Fotoagna hiasan'Yaveh zao, fa nandika ny lalànao ny ona. ¹²⁷ Tiako mihoatsa noho ny volamena ny didinao,mihoatsa noho ny volamena soa indrindra. ¹²⁸ Noho zay de magnaraka soa aby ny fampianaranao aho, eko halako aby nu lalam-pitaka. PE. ¹²⁹ Mahazendagna ny fitsipikao, zay ro antony hankatoavako an'reo. ¹³⁰ Ny fampiharihariana ny tarognanao ro magnome fahazavana ; magnome fahazavan-tsaigna ho an'ze tsa nampianarina an'zey. ¹³¹ Vohako ny vavako ko misagnasagna, fa magniry ny didinao mihintsy iaho. ¹³² Mihireha aminahy eko mamindrà fo aminahy, araka ny ataonao amin'ze tea ny agnaranao hiany. ¹³³ Ampizoro amin'ny teninao ny tongoko; aza avela hisy fahotana hanapaka anahy. ¹³⁴ Avoto amin'ny fampahorian'ny olombelogna aho mba hitandremako ny fampianaranao. ¹³⁵ Oka hamirampiratsa amin'ny mpanomponao ny tavanao, eko ampianaro anahy ny didinao. ¹³⁶ Ranomaso be ro miraradraraka amin'ny masoko satria mitandrigna ny lalànao ny ona. TSADE. ¹³⁷ Marina Agnao, Yaveh, eko rariny ny didinao. ¹³⁸ Nagnome am-pahamarinana sy am-pahatokiana ny didim-pagnikenao. ¹³⁹ Nandravarava anahy ny fahasosorana satria magnadigno nyy taronao ny mpifagnandrigna aminahy. ¹⁴⁰ Efa voazaha-toetsa soa ny teninao, eko tian'ny mpanomponao zey. ¹⁴¹ Tsa de misy dikany iaho sady nohamavoana, nefa tsa mba magnadigno ny fampianaranao aho. ¹⁴² Marina mandrakizay ny fitsaranao, eko mendri-pitokiana ny lalànao. ¹⁴³ Leko de nahazo anahy aza ny fahoriana sy ny fangnirifiriana, de vona mamiko hiany ny didinao. ¹⁴⁴ Marina mandrakizay ny didim-pagnikenao;omeo fahazavan-tsaigna aho mba ho velogna. KOFA. ¹⁴⁵ Nihiakiaka tamin'ny foko manotolo aho hoe: "Valeo aho,ro Yaveh, de hitagna ny lalànao. ¹⁴⁶ Mangaika Anao aho ; vonjeo aho, de hitandrigna ny didim-pagnikenao." ¹⁴⁷ Mifoha mialohan'ny mangiran-dratsy iaho eko nila famonjena. Ao amin'ny teninao ny fagnatignako. ¹⁴⁸ Mihiratsa alohan'ny fiovan'ny fiambenan'ny aligna ny masoko hisaitsaignako ny teninao. ¹⁴⁹ Mandrinesa ny feoko amin'ny fagnikena mahatokinao; vilomy iaho, ra Yaveh, araka ny nampagnatignainao tao amin'ny lalà-marinao. ¹⁵⁰ Miha-mandriny anahy ze mandoditsa anahy, feny lavitsy ny lalànao reo. ¹⁵¹ Mariny Agnao, ra Yaveh, ery azo itokoana aby manotolo ny didinao. ¹⁵² Nianatsa ny didi-pagnikenao ze napetrakao tamin'ny toerany mandrakizay hatry ny ela be aho. RESY. ¹⁵³ Jireo ny fahoriako ko vonjeo aho,, fa tsa mba magnadigno ny lalànao aho. ¹⁵⁴ Misoloa vava anahy ko avoto aho; tano aho,arak'ze nampagnatignanao tamin'ny teninao. ¹⁵⁵ Lavitsa ny ratsy fagnahy ny famonjena, fa tsa te ny didinao reo. ¹⁵⁶ Lihibe ny famindram-ponao, ra Yavah o; vilomy iaho, araka ny ataonao mandrakariva. ¹⁵⁷ Be ny mpandoditsa anahy sy ny fahavaloko, nefa tsa niala tamin'ny didim-pagnikenao iaho. ¹⁵⁸ Mafandriandriagna ny fijireko ny mpamadika satria mitandrigna ny teninao reo ¹⁵⁹ Hendriahoe ny fitiavako ny fapianaranao; vilomy iaho, ra Yaveh, araka ny nampanantinianao tamin'ny fanekena mahatokinao. ¹⁶⁰ Fahamarinana ro loharanon'ny teninao; maharitsa mandrakizay ny lalà-marinao tsirairay. SINA ¹⁶¹ Mandonditsa tsy ahoan-tsy ahoana reo andriana;de mangorohoro ny foko,matahotsa ny tsa hanoa ny taronao. ¹⁶² Falifaly amin'ny tarognanao dekoa ogna raika mahazo babo lehibe. ¹⁶³ Tsa tiako sady hamavoako ny fitaka, fa tiako ny lalànao. ¹⁶⁴ Impito isan'andro ro hiderarako Anao nohon'ny lalà-marinao. ¹⁶⁵ Fiadagnana lihibe ro hanan-dreo ze te ny lalàna; tsa misy mahatafitohigna an-dreo. ¹⁶⁶ Miandry ny famonjenaoiaho,ra Yaveh, eko manoa ny didinao. ¹⁶⁷ Mitandrigna ny didy masinao aho, eko tiako mihintsy reo. ¹⁶⁸ Mitagna ny fampianaranao sy ny didy masinao aho, fa fantatsao aby ze ataoko. TAV. ¹⁶⁹ Mihinoa ny kaika ataoko, ra Yaveh; omeo fahazavan-tsaigna ao amin'ny tarognanao aho. ¹⁷⁰ Ho avy eo aminao anie ny fangatahako; apeo aho, araka ny efa ny nampagnatignanao tamin'ny taronao. ¹⁷¹ Hiboiboika fiderana ny somiko,fa ampianarinao anahy ny didinao. ¹⁷² Oka ny lelako hihira ny amin'ny teninao, fa marina aby ny didinao manotolo. ¹⁷³ Hgnampy anahy anie ny tagnanao, fa nifidy ny fampianaranao aho. ¹⁷⁴ Magniry ny fagnavotanao mihintsy iaho, ra Yaveh, eko ny lalanao ro mamiko. ¹⁷⁵ Ho velogna anie iaho ko hidera anao, eko hagnampy anahy ny lala-marinao. ¹⁷⁶ Efa nirenireny dekoa ondry very iaho; tadiavo ny mpanomponao, fa tsa mba nagnadigno ny didinao aho.