¹ Tiàko Yaveh satria mandrè ny feoko sy reo tapahiko ho amin'ny famindram-po I. ² Satria niheno anahy I, hangaika Anazy aho lehe vona velogna hiany. ³ Nandrohy anahy reo tadin'ny fahafatesana, sady ny fandriky ny fianan-tsy hita de nagnatrika anahy, nahatsiaro fangirifiriana sy alahelo aho. ⁴ De nangaika ny agnaran'i Yaveh aho nanao hoe:" Miangavy roa Yaveh, avoto ny aiko." ⁵ Yaveh de be famindram-po sady tsa mitagnila; ny Andriamagnitsika de be fangoraham-po. ⁶ Yaveh de miaro ny bado; nambaniana aho, de namonjy anahy I. ⁷ Afaka mipody agny amin'ny fotsaharana ny fagnahiko, satria Yaveh efa nanao soa taminahy. ⁸ Fa Agnao nagnavotsa ny aiko tamin'ny fahafatesana, ny masoko tamin'ny ranomaso, sady ny tongoko tsa ho totoitsa. ⁹ Hanompo an'i Yaveh agny amin'ny tanin'ny velogna aho. ¹⁰ Nino Anzay iaho,leko nitarogna aza aho hoe: " Tena ory aho." ¹¹ Nitarogna tsa amim-piheverana aho hoe:" Mpandenga aby ny ona." ¹² Akory ro hafahako magnefa an'i Yaveh ny hatsaram-pagnahiny aby taminahy? ¹³ Hatsangako ny kapoaky ny famonjena, sady angehiko ny agnaran'i Yaveh. ¹⁴ Ho tanterahiko reo voadiko nataoko tamin'i Yaveh teo agnatrehan'ny vahoakany aby. ¹⁵ Sarobidy teo imason'i Yaveh ny fahafatesan'reo ona masiny. ¹⁶ Eka tokoa, roa Yaveh, mpanomponao aho; mpanomponao aho; zanaka lahin'ny mpanompo vavinao; nalainao reo rohiko. ¹⁷ Hanolotsa ny sorom-pisaorana ho Anao aho sady hangaika ny agnaran'i Yaveh. ¹⁸ Ho tanterahiko reo voadiko tamin'i Yaveh teo agnatrehan'ny vahoakany aby, ¹⁹ tan-drindrin'ny tragnon'i Yaveh, teo aminao, roa Jerosalema. Derao Yaveh.