¹ Tsa ho anay, roa Yaveh, tsa hoa anay, fa ho an'ny agnaranao ro hagnateram-boninahitsa, fa ho an'ny fagnekenao mahatoky sy ho an'ny fahamendreham-pitokianao. ² Nahoana ro mitarogna reo firenena reo hoe:" Aia ny Andriamagnin-dreo?" ³ Ny Andriamagnitsay agny an-dagnitsa agny, manao ze tiany atao aby. ⁴ Volafotsy sy volamena reo sampin'ny firenena, asan-tagnan'ona. ⁵ Manam-bava reo sampy reo, fa tsa mitarogna; mana-maso reo fa tsa mahita; ⁶ manan-tsofigna reo, fa tsa mandre; managn'orognareo, fa tsa manimbolo. ⁷ Reo sampy reo manan-tagnana, fa tsa mahatsapa; manan-tongotsa reo, fa tsa mandeha; leko de ny mitarogna amin'ny vavany aza. ⁸ Reo ze nanao anazy de mitovy aminazy, salan'zay aby mitoky aminazy. ⁹ Israely o, matokia an'i Yaveh; I ro famonjenao sy ampinganao. ¹⁰ Ry taranak'i Arona , matokia an'i Yaveh; I ro famonjenao sy ampinganao. ¹¹ Agnao ze magnome voninahitsa an'i Yaveh, matokia Anazy; I ro famonjenao sy ampinganao. ¹² Mahatsiaro atsika Yaveh ko hitahy; hitahy ny taranak'Israely I; sady hitahy ny taranak'i Arona. ¹³ Hitahy ze magnome voninahitsa Anazy I; leko tanora leko atitsa. ¹⁴ Avilao Yaveh hampitombo isa anareo hiany, ny anao sy ny taranakao. ¹⁵ Yaveh ze nanao ny lagnitsa sy ny tany anie hitahy anao. ¹⁶ An'i Yaveh ny lagnitsa; fa ny tany nomeny ho an'ny olombelogna. ¹⁷ Ny maty tsa mba midera an'i Yaveh, leko ze mirorogna agny amin'ny mangingina tsa manao an'zay; ¹⁸ fa hisaotsa an'i Yaveh agnay androany ko ho mandrakizay. Miderà an'i Yaveh.