¹ Tonon-kira, salamo natan'i Daviva. Tafatoetsa ny foko, Andriamagnitsa o; hihira aho, eka, hihira fiderana amin'ny foko ravoravo koa aho. ² Mifohaza, ry valiha sy lokanga; hifoha vao mangiran-dratsy aho. ³ Hisaotsa Agnao aho, ry Yaveh, eny amin'ny ona aby; hihira fiderana ho Agnao aho eny amin'ny firenena aby. ⁴ Fa ny famindram-ponao de lihibe abonin'ny lagnitsa ary mipaka eny amin'ireo habakabaka ny fahamendreham-pitokianao. ⁵ Misandràta, Andriamagnitsa o, any ambonin'ny lagnitsa, ary aoka ny voninahitsao hisandratsa manerana ny tany aby. ⁶ Mba ho voavonjy reo malalanao, vonjeo amin'ny tanana ankavananao aho ka valio. ⁷ Nitarogna tamin'ny fahamasinany Andriamagnitsa ka nanao hoe: "Hifaly aho ary hizara an'i Sekema; ary hizara ny Lohasahan'i Sokota. ⁸ Anahy i Gileada, ary anahy i manase, arolohako koa i Efraima; tehim-panjakako i Joda. ⁹ Tavindrano fanasako i Moaba eo amin'i Edoma ro hanipazako ny kapako; hihiaka fandesena Aho noho i Filistia. ¹⁰ Ia ro hitondra Anahy any amin'ny tanàna matanjaka? Ia ro hitarika Anahy ho any Edoma?" ¹¹ Andriamagnitsa o, tsa efa nanary agnay ve Agnao? Tsa hivoaka amin'ny ady miaraka amin'ny tafikay Agnao. ¹² Meo fanampiana agnay hanohitsa ny fahavalo, fa zava-poagna ny fanampian'ny ona. ¹³ Miaraka amin'ny fanampian'Andriamagnitsa ro haharesentsika; hanitsahany reo fahavalontsika.