¹ Ho an'ny mpiventy hira. Salamo nataon'i Davida. Andriamagnitsa zay deraiko o, aza mangina, ² fa mamely anahy ny ratsy fagnahy sy mpamitaka; milaza lainga manohitsa anahy reo. ³ Manodidigna anahy reo ka mitarogna raha fankahalana, ary mamely anahy fahatany reo. ⁴ Endrikendrika ro nataondreo ho setrin'ny fitiavako, fa iaho nefa mivavaka ho andreo. ⁵ Novaliandreo ratsy ny soa nataoko, ary halany ny fitiavako. ⁶ Manendre liaka ratsy fagnahy mba ho fahavalo sahala ireny ona ireny; manendre mpiapanga hitsangana eo an-tanany an-kavanana. ⁷ Sý notsaraina I de aoka ho meloka, ary aoka ny fivavahany hoeritseretina ho fahotana. ⁸ Avilao ho fohy ny androny;ary aoka ho hazan'ona hafa ny anjara asany. ⁹ Avilao ny zanany ho kamboty ray, de avilao ny vadiny ho mpitondrategna. ¹⁰ Aoka ny zanany hirenireny sy hitalaho, hangataka hanina sy mamela ny fonegnany ho Rota reo. ¹¹ Aoka ho alain'ny tompon-trosa ze anazy; de avilao ny vahiny handroba ze hazany. ¹² Aoka tsa hisy leko raika hagnatoro hatsaram-panahy aminazy; avilao tsa hisy hanaraka ny zanany kamboty. ¹³ Aoka ho ringana ny zanany; ary aoka ny agnarany ho vonona tsa ho amin'ny taranaka fara mandimby. ¹⁴ Aoka ho lazaina amin'i Yaveh ny heloky my razany; de aoka tsa ho hadinoana ny heloky ny reniny. ¹⁵ Aoka ho eo agnatrehan'i Yaveh mandrakariva ny hadisoan-dreo; avilao hofoagnan'i Yaveh amin'ny tany ny fahatsiarovana andreo. ¹⁶ Avilao hataon'i Yaveh zey satria io lihilahy io moko nde tsa mba namindra fo, fa nampijaly ny ory, sy ny kivy fo amin'ny fahafatesana. ¹⁷ Tè ozogna i; hanody anazy zey. Halany ny fitahiana; apitraho tsa hisy fitahiana ho avy aminazy. ¹⁸ Mampitafy tegna amin'ny ozogna salan'ny akanjony i, ary fagnoizognana ro mipàka agny agnatiny salamin'ny rano,salamin'ny diloilo agnaty takany ao. ¹⁹ Aoka ny ozogna ho tahaka ny fitafiana zey handrakofana ny tegnany, salamin'ny fehikibo anaovany mandrakariva. ²⁰ Aoka ho valisoa ho an'reo mpiampanga avy amin'i Yaveh, ho an'ze mitarogna ratsy aminahy. ²¹ Yaveh Tompoko o, manaova amin-katsaram-pagnahy aminahy noho ny amin'ny agnaranao. Satria soa ny famindram-ponao, vonjeo aho. ²² Fa ory sy mahantra aho, ery ny foko de voaratsa agnatiko ao. ²³ Mihegna tahaka ny aloky ny hariva aho; ary nahitsagna salan'ny valala. ²⁴ Rokaka ny fifadian-kanina ny lohaliko; manjary taolagna mifogno hoditsa aho. ²⁵ Ataon'ny mpiampanga anahy ho tsinotsinona aho; sy mahita anahy i de mihifikifi-doha. ²⁶ Ampio aho, Yaveh Andriamagnitso; vonjeo amin'ny famindram-ponao aho. ²⁷ Ary aoka ho fantan-dreo fa zay ro asanao, zay Agnao, Yaveh, ro nanao an'zay ²⁸ Leko magnozogna anahy aza reo, de mba tahio roa aho; lehe mamely reo; aoka ho megnatsa, fa ny mpanomponao hifaly. ²⁹ Aoka hitafy hegnatsa reo fahavaloko; aoka hiakanjo ny fahamegnarany ho tahaka ny tohitegna reo. ³⁰ Amin'ny vavako ro hanolorako fisaorana lihibe ho an'i Yaveh; hidera Anazy eo ampovoan'ona aho. ³¹ Fa mitsangagna eo an-tagnana ankavagnan'ny malahelo I, mba hamonjy anazy amin'ny ze mitsara anazy.