¹ Misaora an'i Yaveh, fa soa I, fa maharitsa mandrakizay ny famindram-pony. ² Ia ro afaka hanisa reo asa lihibe zay natan'i Yaveh na hanonona feno reo asa mendri-piderany? ³ Hotahiana anie reo ze manao ny marina, sy reo zay manao asa marina mandrakizay. ⁴ Tsaroy Aho, ry Yaveh, sý mampiseho sitraka amin'ny onanao Agnao; ampio aho lehe mamonjy andreo Agnao. ⁵ Ary de hahita ny fanambinan'ireo voafidinao aho, hiravoravo amin'ny fifalian'ny firenenao sy hanome voninahitsa amin'ny lovanao. ⁶ Nanota sahala reo razambeny agnay, nanao ny tsa nety agnay, ary nahavita ratsy. ⁷ Tsa nankatoavin'ireo razanay reo asa soanao tany Egypta; tsa niraharaha ny habetsaky ny famindram-ponao reo; ka nikomy teny amin'ny ranomaina, teny amin'ny Ranomasina Mena. ⁸ Na de izay aza, novonjeny reo nohon'ny agnarany mba hahafahany mampiseho ny heriny. ⁹ Notaroniny mafy ny Ranomasina Mena, de ritra izay. De nitarika andreo nita reo laligna I, sahala ny nita efitsa. ¹⁰ Namonjy andreo tamin'ny tanan'ireo zay nankahala andreo I, ary nanavotsa andreo tamin'ny tanan'ny fahavalo. Fa nosaronan'ny rano reo fahavalondreo; ¹¹ tsa nisy na de raika amindreo aza ka avotsa. ¹² Ary nino ny tarogny reo, ka nihira fiderana Anazy. ¹³ Nefa nalaky nanadino zay nataony reo; tsa niandry reo torolalany. ¹⁴ Fatra-pila tany an'efitsa ka nitadia hihoatsa an'Andriamagnitsa tagny an'efitsa. ¹⁵ De nomeny ny fangatahany, saingy nandefa aretina handany ny vatandreo I. ¹⁶ Tany an-toby de nialona an'i Mosesy sy Arona, mpisorona masin'i Yaveh, reo. ¹⁷ Nisokatsa ny tany ka niteligna an'i Datana ary nanarona reo mpanaraka an'i Abirama. Nirehitsa teo amindreo ny afo; ¹⁸ ka nandevona ny ratsy fagnahy ny afo. ¹⁹ De nanao zanak'ombilahy tao Horeba reo ka nanompo ny sarin-draha vy. ²⁰ Natakalndreo sarin'ombilahy voasokitsa zay mihinana ahimaitso ny voninahits'Andriamagnitsa. ²¹ Nanadino an'Andriamagnitsa Mpamonjy andreo reo, zay nana asa lihibe tagny Egypta. ²² Nanao raha soa mahafinaritsa tao an-tanin'i Hama sy raha mahery tao amin'ny ranomasina Mena I. ²³ Ary nandidy ny fandringanana andreo I, lehe tsa i Mosesy, zay voafidiny, ro niditsa an-tsehatra teo amin'ny fanapahana mba hanova ny fahatezerany amin'ny fandringanana andreo. ²⁴ De nataondreo tsinontsinona ny tany mahavokatsa; tsa nnino ny fampanantiniany reo; ²⁵ fa nimonomonona tao an-dainy reo, ary tsa nankatò an'i Yaveh. ²⁶ Noho izay de nanangana ny tanany i ary nianiana tamindreo fa hamela andreo ho faty any an'efitsa, ²⁷ hampiely ny taranakandreo erak'ireo firenena ary hampiely andreo any amin'ny tany hafa. ²⁸ Nanompo an'i Bala Peora reo ary nihinana reo sorona natolotsa ho an'ny maty. ²⁹ Nihantsy Anazy ho tezitra tamin'ny fihetsiny reo, ka de namely andreo ny areti-mandringana. ³⁰ De nitsangana i Fineasa ka nirotsaka an-tsehatra, ary nitsahatra ny areti-mandringana. ³¹ Anisan'ny asa marina ho anazy mandrakizay izay hatrany amin'ny taranaka fara mandimby. ³² Nampatezitra an'i Yaveh koa reo tarogna amin'ny ranon'i Meriba, ka nijaly i Mosesy noho reo. ³³ Nampahory an'i Mosesy reo, ka de nitarogna mafy i. ³⁴ Tsa nandringana reo firenena araka ny nandidian'i Yaveh andreo, ³⁵ nefa reo niharo tamin'ireo firenena sy nianatsa ny fanaony ³⁶ ka nanompo reo sampiny, zay lasa fandrika ho anazy. ³⁷ nao sorona reo zanany lahy sy reo zanany vavy ho an'ireo demonia reo. ³⁸ Nandatsaka ny rà tsa manan-tsiny reo, ny ràn'ireo zanany lahy sy ny an'ireo zanany vavy zay natandreo sorona ho an'ireo sampin'i Kanana; ka nanimbazimba ny tany tamin'ny rà. ³⁹ Voaloto tamin'ireo asany; sahala reo mpijangajanga reo noho ny nataony. ⁴⁰ Ka de tezitra tamin'ny ona i Yaveh, ary nataony tsinontsinon ny vahoakany. ⁴¹ Nameny ho eny an-tanan'ireo firenena reo, ary reo nankahala andreo ro nanapaka taminazy. ⁴² Nampahory andreo ny fahavalony, ary noferiny hanaiky ny fahefany reo. ⁴³ Sy ndraika avy nananpy andreo I, fa reo koa ro nikomy ary naletiky ny fahotany ihany. ⁴⁴ Na izay aza de nijery ny fahoriandreo I sý nitaigno andreo nitagny hovonjena. ⁴⁵ Nampatsiaro ny fanekeny tamindreo I ka nanenina nohon'ny fitiavany tsa miova. ⁴⁶ De nataony niantra andreo ny mpamabo aby. ⁴⁷ njeo agnay, ry Yaveh, Andriamagnitsay. Ary angony hatagny amin'ireo firenena, mba haisaoragnay ny Agnaranao Masina sy hanomezanay voninahitsa amin'ny fiderana Agnao. ⁴⁸ Ho deraina anie Yaveh, Andriamagnits'Israely, hatrizay ka ho mandrakizay. Ary nitarogna aby ny ona hoe: "Amena". Miderà an'i Yaveh. Boky fahadimy.