¹ Hidera an'i Yaveh amin'ny fiainako manotolo iaho, ry Yaveh Andriamagnitso o, mahafinaritsa loatsa Agnao; mitafy famirapiratana sy voninahitsa Agnao. ² Feno fahazavana ho fitafiana Agnao;avelatsao salan'ny lamban-day ny lagnitsa. ³ Mampitoatsa ny andrian'ny efi-tragnonao ambony rahogna Agnao; nataonao ho kalesinao ny rahogna; mandeha amin'ny elatsy ny rivotsa Agnao. ⁴ Ataony ho irany ny rivotsa, ho mpanompony ny lelafo. ⁵ Nampitoatsa ny fanambanin'ny tany I, ko tsa hihozongozogna mihintsy zey. ⁶ Nanarogna ny tany tamin'ny rano salan'ny fitafiana Agno; nanarogna ny tendrombohitsa ny rano. ⁷ Ny fahasihanao ro mampihemotsa ny rano; tamin'ny fagnenon'ny fikotrokotroky ny feonao ro nampilefa andreo. ⁸ Nitsangagna reo tendrombohitsa, eko reo lohasaha niely tagny amin'ny tany ze efa tinendrinao ho anazy. ⁹ Namaritsa sisitany ho andreo Agnao mba tsa hihoarany; ko de tsa hanarogna ny tany koa reo. ¹⁰ Nampikororoka loharano tegny amireo lohasaha I; mikoriana agnelagnelan'ireo tendrombohitsa ny rian-drano. ¹¹ Mamatsy rano ho an'ny biby agna-tamboho aby reo; de afa- keteheta ny apondradia. ¹² Manambotsa ny akaniny eo amoron-drano reo vorogna. Mihira egny amin'ny ratsa-kazo reo. ¹³ Mandroaka reo tendrombohitsa hatamin'ny fitoeran-dranony agnan-dagnitsa I. Feno vokatsy ny asany ny tany . ¹⁴ Mampitsiry ahitsa ho an'ny biby fiompy sy voly ho an'ny ona ho volena I mba hahafahan' ona mamokatsa hanina amin'ny tany. ¹⁵ Manao divay hampifaliana ny ona I,diloilo mba hampamiratsa ny ainy. ¹⁶ Ireo hazin'Yaveh de voatondraka oram-be; de reo sederan'i Libanona ze nambolenay. ¹⁷ Eo ro agnoregnn'ny vorogna ny akaniny. Ny voronkely manao ny hazo kypreso ho fonegnany. ¹⁸ Ny osidia monigna agny amireo tendrombohitsa avo; eko ny haavon'ny tendrombohitsa ro fialofan'ny hyraka. ¹⁹ Nanendry ny volagna ho mariky ny fotoagna I; fantatsy ny masoandro ny fotoagna hilitehany. ²⁰ Nataonao ny aizin'ny aligna sy mienga ny bibidia agnagn'ala aby. ²¹ Mierogna nho an'ny hazany ny liogna tanora eko mitadia ny haniny hatamin'Andriamagnitsa . ²² Sy mipoaka ny masoandro, de misitaka reo ko matory agny an-davany. ²³ Mandritsan'izay fotoagna zay, ny vahoaka mienga ho amin'ny asany sy misasatsa mandra-pahariva. ²⁴ Yaveh o, endrey ny haben'ny karazan'ireo asanao! Nataonao tamim-pahendrena i aby; feno ny asanao ny tany. ²⁵ Ty ny ranomasina, laligna sady midadasika, mihetsiketsika miaraka amireo zava-boahary tsa voatanisa,na kely na lihibe. ²⁶ Mandeha eo y sambo, eko eo koa ny Leviatana, ze nataonao hiregnina an-dranomasina. ²⁷ Reo aby de mijery Anao mba hagnome ny sakafony ara-potoagna. ²⁸ Sy magnome Agnao, de mamory reo; mamelatsa ny tagnanao Agnao , de afa-po reo. ²⁹ Sy manitrika ny tavanao Agnao, de matahotsa reo; sy magnala ny fofonain-dreo Agnao; de maty reo ko hody vovoka. ³⁰ Sy mandefa ny Fagnahinao Agnao, de voahary reo, ko hagnavao ny tany ndraika Agnao. ³¹ Haharitsa mandrakizay anie ny voninahits'i Yaveh, hisitraka ny voahariny anie Yaveh. ³² Miondrika mijery ny tany I, de mihorohoro izey; mikasika reo tendrombohitsa I; de manetroka zey. ³³ Hihira ho an'i Yaveh amin'ny fiaignako manotolo iaho lehe vona velon'aigna madigna. ³⁴ Ho mamy aminy anie ny fisaignako; hifaly amin'i Yaveh iaho. ³⁵ Hanjavogna eto an-tany anie ny mpanota, eko aoka ho foagna ny ratsy fagnahy. Hidera an'i Yaveh amin'ny fiaignako manotolo iaho. Midera an'i Yaveh.