¹ Hidera an'i Yaveh aho amin'ny fiaignako manotolo, sy ze ato agnatiko ato, hidera ny agnarany masina. ² Hidera an'i Yaveh amin'ny fiaignako aby aho, sady hahatsiaro reo asany aby. ³ Mamela ny helokao aby I; magnasitragna ny aretinao aby manotolo I. ⁴ Magnavotsa ny ainao amin'ny faharavana I; manarogna fagnekena mahatoky anao I sady mamindra fo tokoa. ⁵ Manao ze mahafa-po ny fiaignanao amin'ny zava-tsoa I mba ho vao salan'ny voromahery ndraika koa ny fahatanoranao. ⁶ Manao ze rariny Yaveh sady manao ny asan'ny fahamarinana aby ho an'ny ory. ⁷ Nampahafatariny an'i Mosesy ny lalany, sady tamin'ny taranak'Israely reo asany. ⁸ Mamindra fo sy miantra Yaveh; mahari-po; sady be famindra-po. ⁹ Tsa hagnafay mandrakariva I; sady tsa hasiaka mandrakariva. ¹⁰ Tsa manao atsika araka ze mendrika ny fahotatsika I na mamaly atsika araka ze takian'ny otantsika. ¹¹ Salany hahavon'ny lagnitsa ambonin'ny tany, ro haben'ny famindra-pony amireo ze magnome voninahitsa Anazy. ¹² Salamin'ny halaviran'ny hagnalany ny heloky ny fahotatsika amitsika. ¹³ Salany ray mangoraka ny zanany, ro angorahan'i Yaveh reo ze magnome voninahitsa Anazy. ¹⁴ Fa fantany ny nanaovany antsika; fantany fa vovoka tsika. ¹⁵ Lehe ny amin'ona, de salan'ny ahitsa ny androny; mitsiry salan'ny vonikazo agny an-tanim-boly i. ¹⁶ Tsofin'ny rivotsa ,de manjavogna,sady tsa misy na ia na ia afaka mitarogna hoe taia ro nitsiriany taloha. ¹⁷ Feny ny famindram-pon'i Yaveh de avy amin'ny maharitsa mandrakizay hatamin'ny maharitsa mandrakizay ho an'reo ze magnome voninahitsa Anazy. Mihitatsa agny amin'ny taranan-dreo ny fahamarinany. ¹⁸ Mitandrigna ny fagnikeny sy ,mahatsiaro ny fankatoavana reo fampianarany reo. ¹⁹ Efa nampitoatsa ny seza fiandrianany agny an-dagnitsa Yaveh, sady manjaka amin'ona aby ny fanjakany ²⁰ Miderà an'i Yaveh, agnareo anjeliny, agnareo maheriny ze matanjaka sy manao ze tarogniny,sady mankato ny feon'ny tarogniny. ²¹ Miderà an'i Yaveh aby, ry miaramilany, agnareo mpanompony ze magnatanteraka ny sitra-pony. ²² Miderà an'i Yaveh aby, ra zava-boahariny,agny amin'ny toerana aby ze fanjakany. Hidera an'i Yaveh amin'ny fiaignako aby iaho.