¹ Hino ny taraignako Aminao. ² Aza asitrika aminahy ny tavanao amin'ny andro-pahoriako. Hino aho. Lehe mangaika Anao aho, de valeo malaky aroa. ³ fa mandalo salamin'ny setroka ny androko, sady mandoro salamin'ny afo ny taolako. ⁴ Torotoro ny foko, sady salamin'ny ahitsa malazo aho. Tsa tsiaroko aby ny mihinan-kanina. ⁵ Noho ny fisentoako hiany,de niha nahia mihintsy aho. ⁶ Salamin'ny sama agnagn'efitsa; niova salamin'ny vorondolo agn'antanàna haolo. ⁷ Tsa mahita tory sahala ny vorona mandeha rery aho;iaho rery ro ao ambonin-drihagna ao. ⁸ Magnopa anahy aby ny fahavaloko isan'andro zao; ny magneso anahy mampiasa ny agnarako ho fagnozognana. ⁹ Mihignana lavenona sahala ny mofo ary mampifangaro ny raha fisotro amin'ny ranomaso. ¹⁰ Noho ny haviniran'ny fahatezeranao, no nanandratanao anahy mba handavoana anahy. ¹¹ Salamin'ny aloka malazo ny androko; sady nalazo tahaka ny ahitsa aho. ¹² Nefa, Agnao, ry Yaveh, de velogna mandrakizay, ary ho andreo taranaka aby ny lazanao. ¹³ Hitsangagna Agnao ko hamindra fo amin'i Ziona. Zao ro fotoagna hamindrana fo aminazy; avy ny fotoagna voatondro. ¹⁴ Fa ny mpanomponao mitagna ny vato malalany sady mangoraka ny vovoky ny faharingagnany. ¹⁵ Hagnajay agnaranao ny firenena, Yaveh, sady hanandratsa ny voninahitsao aby ny mpanjakan'ny tany. ¹⁶ Hagnamboatsa an'i Ziona ndraika i Yaveh de hipoitsa ao ny voninahiny. ¹⁷ Amizay fotoagna zay, de hamaly ny fivavaky ny mahantra i; tsa handà ny vavakan-dreo I. ¹⁸ Hosoratana ho an'ny ze taranaka ho avy zay,ary ny ona tsa vona teraka de hidera an'i Yaveh. ¹⁹ Fa efa niondrika nijery hatagny amin'ny toerana avo masina I; hatagny an-dagnitsa Yaveh ro mitsinjo ny tany, ²⁰ mba handre ny fisenton'ny gadra, mba hamototsa ze voaheloka ho maty. ²¹ De hitarogna ny agnaran'i Yaveh agny Ziona sy agny Jerosalema ny ona ²² sy miara-mivory mba hanompo an'i Yaveh ny vahoaka sy ny fanjakana. ²³ Efa nalainy taminahy teo agnivon'ny fiaignako ny heriko.Nafoheziny ny androko. ²⁴ Hoy aho hoe:" Andriamagnitsa o, aza alaina eo apovoan'ny fiaignako aho; fa eo maneragna ny taranaka aby manotolo Agnao. ²⁵ Nametraka ny tany tamin'ny fitoerany Agnao fahiny; asan'ny tagnanao ny lagnitsa. ²⁶ Ho levogna reo, fa Agnao hitoatsa; hiha-antitsa salan'ny fitafiana aby reo; salan'ny akanjo, ho alaina reo, de hanjavogna. ²⁷ Nefa Agnao tsa miova, sady tsa hanam-piafarana ny taognanao. ²⁸ Ny zanaky ny mpanomponao reo ho velogna, sady ho velogna eo amin'ny fagnatrehanao ny tarana-dreo."